Frjáls verslun - 01.11.2006, Síða 62

62 F R J Á L S V E R S L U N • 1 1 . T B L . 2 0 0 6
ÁRAMÓTAVIÐTÖL
HF_EIMSK_FRJÁL_VERSLUN 20.12.2006 8:03 Page 1
Composite
C M Y CM MY CY CMY K
MARGRÉT GUÐMUNDSDÓTTIR
FORSTJÓRI ICEPHARMA:
Samruni sem tókst
einkar vel
Mér er minnisstætt að 1. janúar síðastliðinn varð samruni
Austurbakka, Icepharma og Ismed undir nafni Icepharma. Við
það myndast leiðandi fyrirtæki á íslenskum heilbrigðismark-
aði á sviði lyfja, hjúkrunarvara og tækja auk neytendavöru og
íþróttavöru. Samruninn hefur tekist einkar vel enda er valinn
maður í hverju rúmi.
Á næsta ári erum við með væntingar um að sú öfluga heild,
sem við höfum nú á að skipa, skili enn betri árangri.
Ég tel að greinin í heild hafi á undanförnum tveimur árum
sýnt mikla ábyrgð með því að lækka verð til dæmis á frum-
lyfjum á Íslandi umfram það sem gerist, til dæmis í Danmörku.
Mér finnst við ekki alltaf njóta sannmælis fyrir þann árangur.
Þetta kallar á ákveðna rekstrarhagræðingu í geiranum og til-
hneigingu í þá átt að einingar verði færri og stærri.
Þegar kemur að sjálfri mér þá er mér minnisstætt að upp-
lifa son minn verða stúdent og að heimsækja dóttur mína sem
nema við Viðskiptaháskólann í Kaupmannahöfn, sérstaklega þar
sem mér finnst ekki svo langt síðan ég var í hennar sporum.
ALDÍS HAFSTEINSDÓTTIR
BÆJARSTJÓRI HVERAGERÐISBÆJAR:
Mörkum okkur sess
sem raunhæfur
og góður valkostur
Ef það mætti teljast með síðasta ári þá er bruninn í flugeldasölu
Hjálparsveitar skáta á gamlársdag mjög minnisstæður. Áhyggjur
af því hvort einhver hefði slasast alvarlega og feginleikinn þegar
fréttist að svo væri ekki. Af framkvæmdum ber hæst miklar gatna-
gerðarframkvæmdir þar sem ötullega var unnið við að leggja nýjar
götur og klára þær sem enn eru ekki malbikaðar. Góður árangur
ungmenna bæjarins í námi, tónlist og íþróttum hefur vakið athygli
og við erum stolt af unga fólkinu okkar.
Miklar framkvæmdir eru fyrirhugaðar á næstu árum í
Hveragerði. Einkaaðilar hyggja á uppbyggingu íbúðahverfa af
stærðargráðu sem áður er óþekkt í sveitarfélagi á landsbyggð-
inni. Sú uppbygging mun halda áfram af enn meiri krafti en áður
hefur verið. Við höfum sett markið hátt og mörkum okkur sess
sem raunhæfur og góður valkostur þeirra sem hyggja á búsetu á
Suðvesturhorninu. Með óhjákvæmilegri tvöföldun Suðurlandsvegar
verður öryggi vegfarenda um lífæð okkar Sunnlendinga tryggt
og íbúar sveitarfélaganna hér fyrir austan fjall verða í enn nánari
tengslum við höfuðborgarsvæðið
Niðurstaða sveitarstjórnarkosninga, þar sem sjálfstæðismenn
unnu hreinan meirihluta og í kjölfarið sú ákvörðun að ég tæki að
mér stöðu bæjarstjóra, hlýtur að standa upp úr í mínu lífi á árinu.
Sá velvilji og stuðningur, sem ég hef notið frá starfsmönnum bæj-
arins, bæjarbúum og öðrum, er ekki síður eftirminnilegur og þakk-
arverður. Ferðalag fjölskyldunnar austur á land lifir í minningunni
og þá ekki síst heimsókn í Mjóafjörð og að Dalatanga, yndislegir
staðir þar sem harðduglegt fólk býr af miklum myndarskap.
Aldís Hafsteinsdóttir, bæjarstjóri Hveragerðisbæjar.
Margrét Guðmundsdóttir, forstjóri Icepharma.