Frjáls verslun - 01.11.2006, Page 70

70 F R J Á L S V E R S L U N • 1 1 . T B L . 2 0 0 6
ÁRAMÓTAVIÐTÖL
KATRÍN S. ÓLADÓTTIR
FRAMKVÆMDASTJÓRI HAGVANGS
Aukin verkefni hafa
kallað á fleira starfsfólk
Árið í heild hefur verið mjög gott, rekst-
urinn hefur gengið mjög vel og verið að
öllu leyti ánægjulegur og gefandi. Vegna
aukinna verkefna höfum við ráðið til okkar
fleira starfsfólk til að mæta eftirspurninni.
Í ár gerðist Hagvangur dreifingaraðili á
Íslandi fyrir bandaríska fyrirtækið Hogan
Assessment Systems. Það fyrirtæki er eitt
það virtasta í heiminum á sviði rannsókna
og notkunar á persónuleikaprófum við ráðn-
ingar og þjálfun starfsmanna. Viðbrögð við-
skiptavina hafa verið mjög jákvæð og við
teljum okkur vera með Rollsinn í persónu-
leikaprófum.
Ég tel næsta ár lofa góðu, þrátt fyrir
umræðu um hugsanlega minnkandi þenslu.
Íslensk fyrirtæki hafa verið í öflugri sókn
bæði hér heima og erlendis og ekki verður
séð að dregið verði úr framkvæmdum svo
um munar. Stjórnendur og aðrir starfsmenn
hafa því úr margvíslegum störfum að velja
og ný starfssvæði þykja bæði spennandi og
áhugaverð. Tækifæri fólks til að starfa að
áhugaverðum verkefnum hafa sjaldan verið
eins fjölbreytt.
Síðasta ár var mér einkar ánægjulegt,
bæði hvað varðar starf og fjölskyldu.
Ferðalög erlendis standa upp úr og það
var ógleymanlegt að heimsækja fangabúð-
irnar í Auschwitz – Birkenau í Póllandi sl.
vor. Sú reynsla, að rifja upp söguna og
sjá munina sem tilheyrðu fórnarlömbum
stríðsins, var í senn bæði hrikaleg og
átakanleg. Maður verður ekki samur eftir.
Þá verð ég að nefna ferð FKA-kvenna til
Kaupmannahafnar í haust þar sem við
fengum að kynnast „innrás“ íslenskra
fyrirtækja á danska markaðinn. Þá fylltist
maður alþekktu þjóðarstolti yfir árangri
landans.
Katrín S. Óladóttir, framkvæmdastjóri Hagvangs.