Frjáls verslun - 01.11.2006, Page 86

86 F R J Á L S V E R S L U N • 1 1 . T B L . 2 0 0 6
100 BESTU VÖRUR ÁRSINS 2006
38. SIDESTEP.COM
Ferðavefur (ókeypis). Það getur tekið á taugarnar að leita að bestu
tilboðunum þegar leggja á upp í ferðalög. En SideStep.com safnar
upplýsingum um fargjöld frá fjölmörgum flugfélögum, maður
einfaldlega merkir í kassa til að sía leitarniðurstöðurnar. Að auki má
nýta vefinn til að panta bílaleigubíla og hótel.
39. WINDOWS LIVE LOCAL
Kortaþjónusta (ókeypis; maps.live.com). Með því að bjóða upp á
flott kort með ítarlegum myndum af sumum stöðum virkar þessi
þjónusta Microsoft eins og samkrull af Google Earth og Yahoo
Maps (sem er gott).
40. CREATIVE SOUND BLASTER X-FI
Hljóðkort (frá 15.000 – 40.000 kr.; fæst í ýmsum tölvubúðum).
Creative verðskuldar hrós fyrir að bjóða hágæða hljóðvinnslu á borð
við margrása DVD-hljóðspilun í PC-tölvum. X-Fi er með 7.1 rása
útgangi og sérhæft vinnsluminni til að geyma hljóðskrár, sem bætir
tölvuleikjavinnsluna þegar mikið er að gerast í einu.
41. ALIENWARE AURORA 7500
Öflug borðtölva (frá 180.000 krónum og upp úr; fæst ekki á
Íslandi). Það er hægt að sérsníða þessa tölvu með ýmsum íhlutum
og öflugasta samsetningin fær alla leikjaáhugamenn til að missa
stjórn á munnvatninu. Við lýsum eftir umboðsaðila á Íslandi…
42. NEC MULTISYNC LCD 2180WG-LED
Flatskjár (u.þ.b. 700.000 kr.; fæst ekki á Íslandi). Hér er kominn
fyrsti tölvuskjárinn sem notar LED-baklýsingu til að auka skýrleika
myndarinnar og andstæður (contrast). Afraksturinn er ótrúlegur og
það er ljóst að LED-tæknin er komin til að vera í tölvuskjáunum.
Verðið er þó ekki fyrir meðaljóninn enn sem komið er.
43. APPLE ITUNES
Hugbúnaður fyrir tónlistarspilun (ókeypis; www.apple.com/
itunes). Einstaklega vel heppnaður hugbúnaður í alla staði, jafnvel
þótt maður eigi ekki iPod. Bæði til í Makka og PC-útgáfum.
44. OLYMPUS EVOLT E-330
Stafræn SLR myndavél (94.900 kr., www.ormsson.is). E-330
myndavélin er með skjá sem sýnir lifandi mynd af viðfangsefninu –
fyrsta SLR-myndavélin með slíkum eiginleika. Að auki er hún með
gott tól til að fjarlægja ryk (sem er algengt vandamál SLR-véla).
45. ULTIMATE EARS SUPER.FI 5 PRO
Heyrnartól (u.þ.b. 25.000 krónur, fæst ekki á Íslandi). Hér fást
svipuð hljómgæði og með hinum háþróuðu Shure E5C, en verðið
er mun lægra. Hönnunin er einnig góð hvað varðar hljóðeinangrun.

46. CREATIVE ZEN VISION:M
Stafrænn tónlistar- og vídeóspilari (35.900 kr., www.start.
is). Frábær myndgæði, góð notendaskil og langur líftími rafhlaða
gera þetta að verðugum keppinauti iPodsins fyrir þá sem vilja vera
öðruvísi en allir hinir.
47. GOOGLE DESKTOP
Skjáborðsleitartól (ókeypis, desktop.google.com). Hvar settirðu
aftur þessa skrá? Leitin tæki sennilega 10 mínútur með innbyggðu
leitartóli Windows – en 10 sekúndur með Google Desktop.

48. OPERA 9
Netvafri (ókeypis; www.opera.com). Opera-vafrinn á skilda mun
meiri athygli en hann jafnan fær. Opera 9 er troðfullur af alls konar
frábærum eiginleikum á borð við auglýsinga- og grafíkbana.
49. MITSUBISHI XD460U
Skjávarpi (u.þ.b. 210.000 krónur; fæst ekki á Íslandi). XD460U
fékk háa einkunn fyrir myndgæði í prófunum PC World og hentar
vel bæði fyrir fundarherbergið og setustofuna.
50. STUMBLEUPON
Vafraviðbót (ókeypis; www.stumbleupon.com). Notandinn skil-
greinir áhugasvið sín og síðan getur hann smellt á hnapp í Firefox
sem sendir hann handahófskennt á vefsíðu sem fellur að þessum
áhugasviðum.
19. SÆTI:
Guitarhero kallar
fram gamla luftgít-
arinn á örskots-
stundu.