Frjáls verslun - 01.11.2006, Síða 122

122 F R J Á L S V E R S L U N • 1 1 . T B L . 2 0 0 6
E
in af jólakvikmyndum vestan hafs er
Góði hirðirinn (The Good Shepherd),
sem Robert De Niro leikstýrir. Er
hún önnur kvikmyndin sem hann
leikstýrir, sú fyrsta var The Bronx Tale
frá árinu 1993. De Niro leikur í myndinni,
en lætur Matt Damon í stærsta hlutverkið.
Það er enginn skortur á þekktum og góðum
leikurum í önnur hlutverk, en meðal leikara
eru Angelina Jolie, William Hurt, John Turt-
urro, Alec Baldwin, Billy Crudrup, Michael
Gambon og Joe Pesci, sem hefur ekki leikið
í kvikmynd síðan hann lék í Lethal Weapon 4
(1998). Pesci er eini leikarinn sem einnig lék
í The Bronx Tale.
Góði hirðirinn er um starfsemi CIA frá
lokum síðari heimsstyrjaldarinnar fram á sjö-
unda áratuginn og hefur Robert De Niro verið
að vinna að þessu verkefni með hléum síðast-
liðin níu ár. Aðalpersónan, Edward Wilson,
hefur verið alinn upp frá blautu barnsbeini við
að heiðra föðurlandið, ekki síður en móður og
föður. Þegar hann er nemi við Yale skráir hann sig í félagið Skull &
Bones sem ungar út mönnum sem ætla sér stóra hluti í framtíð lands-
ins. Það kemur fljótt í ljós að hæfileikar Wilsons liggja í nákvæmn-
isvinnu og þar sem hann er góður í að varðveita leyndarmál fær hann
starf hjá OSS, sem var fyrirrennari CIA. Þaðan fer Wilson yfir í CIA
og verður fljótt einn af aðalmönnunum.
Tryggð hans við CIA gerir það að verkum
að hann á erfitt með að sjá muninn á röngu
og réttu í kalda stríðinu og fer svo að hann
treystir engum og að lokum fórnar hann öllu
fyrir starfið, meðal annars fjölskyldu sinni.
Annir hjá leikstjóranum töfðu Flestir
atburðir, sem sagt er frá í Góða hirðinum, hafa
gerst, en sjálfur Edward Wilson hefur aldrei
verið til. Hann er samt ekki alveg laus við að
eiga tilkall til raunveruleikans því að hand-
ritshöfundurinn, Eric Roth, byggir persónu
hans lauslega á þekktum njósnara, James
Angleton, sem var yfirmaður hjá Leyniþjón-
ustunni í nokkra áratugi.
Gerð myndarinnar hefur tafist vegna
anna leikstjórans, sem hefur leikið í mörgum
kvikmyndum á þeim tíma sem hann hefur
verið með Góða hirðinn í undirbúningi. De
Niro segir að eftir atburðina 11. september
2001 hafi hann næstum verið búinn að
leggja myndina frá sér, en samtöl við Martin Scorsese hafi gert það
að verkum að hann hélt áfram. Segja má að með því að hjálpa De
Niro hafi Scorsese ekki hjálpað sjálfum sér, þar sem De Niro var hans
fyrsti kostur í hlutverk Frank Costellos í The Departed, en þá var De
Niro kominn of langt með Góða hirðinn til að hann gæti tekið því
TEXTI: HILMAR KARLSSON
KVIKMYNDIR
Robert De Niro
leikstýrir í annað
sinn og segir okkur
sögu CIA frá lokum
seinni heimsstyrj-
aldar fram að hinni
misheppnuðu innrás
í Svínaflóa, séða
með augum manns
sem aldrei var til.
GÓÐI HIRÐIRINN
Robert De Niro við tökur á Góða hirðinum.
Angelina Jolie og Matt Damon í hlutverkum hjónanna Clover og Edward Wilson.