Ægir - 01.11.2003, Qupperneq 10

10
N E TA G E R Ð A R N Á M
Í Fjölbrautaskóla Suð-
urnesja í Reykjanes-
bæ er eina náms-
brautin á landinu í
netagerð. Brautar-
stjórinn segir tölu-
verðan áhuga á nám-
inu, sem hefur á síð-
ustu árum færst yfir í
að vera fyrst og
fremst fjarnám.
Lárus Þór Pálmason, brautar-
stjóri, segir að nám í netagerð sé
fjölbreytt og að hans mati er það
hagnýtt og gott. Miðað er við að
nemendur taki námið á þremur
árum, en af almennum greinum
má nefna stærðfræði, eðlisfræði,
tungumál, félagsfræði, bókfærslu,
ritvinnslu, rafmagnsfræði og ör-
yggis- og félagsmál. Af sérgrein-
um netagerðar má nefna efnis-
fræði, faglega netagerð, iðnteikn-
ingu, veiðar- og veiðarfæragerð,
ensku fyrir netagerð, lög og
reglugerðir og haf- og fiskifræði.
Netagerð í fjarnámi
„Fjölbrautaskóli Suðurnesja er
svokallaður kjarnaskóli í netagerð
og er því að þjóna öllu landinu.
Núna eru tuttugu nemendur í
fjarnámi en enginn í dagskóla.
Við höfum verið að koma okkur
upp góðum búnaði og námsgögn-
um fyrir fjarnámið, enda vilja
nemendur, sem eru allsstaðar að
af landinu, gjarnan nýta sér þenn-
an kost. Fjarnámið hefur smátt og
smátt verið að styrkja sig í sessi,
en við byrjuðum með það haustið
1999. Síðan hefur þetta verið að
þróast, m.a. höfum við útbúið
námsefni á Cd-diska sem nem-
endur fá í hendur við upphaf
náms. Á diskunum eru fyrirlestr-
ar, kennsluáætlanir, verkefni, til-
vísanir á ítaraefni og gagnvirk
próf. Samskipti milli nemenda
og kennara fara mest fram í
tölvupósti á Netinu eða í gegnum
MSN-Messanger. Nemendur
þurfa að jafnaði að skila um tíu
verkefnum í hverju fagi og að því
búnu gangast menn undir próf.
Við höfum átt samstarf við aðra
skóla, bæði framhaldsskóla og
grunnskóla, um prófin, t.d. hafa
nemendur á Akureyri fengið að
taka þau í Verkmenntaskólanum
á Akureyri.”
Lárus Þór telur að nám í neta-
gerð verði áfram fyrst og fremst í
fjarnámi. „Já, ég sé fram á að
þetta verði fjarnám í framtíðinni,
allt nema líkansmíði sem fer fram
hér. Þá koma nemendur og eru
hér í þeim hluta námsins í viku-
tíma. Þá er tekinn fyrir einhver
hluti veiðarfæris og reiknað út
líkan af því í ákveðnum mæli-
kvarða. Þetta er góð æfing í því
að setja upp veiðarfæri og gera
líkan af því til þess að setja í til-
raunatank,” segir Lárus Þór.
Nýti helgarnar vel
„Ég byrjaði í þessu námi sl. haust og líst mjög vel á
það. Það hefur marga kosti að geta tekið námið í
fjarnámi og mér finnst vera ágætlega staðið að þessu,”
segir Þorvaldur Sigurðsson, starfsmaður Ísnets á
Akureyri.
Þorvaldur hefur unnið við netagerð síðustu fjögur ár
og kann því vel. Segja má að hann eigi rætur í
netagerðinni því faðir hans, Sigurður Sigfússon, var
lengi verkstjóri á netaverkstæði ÚA á Akureyri og bróðir
hans var einnig vel liðtækur í netagerðinni. „Ég ákvað
að skella mér líka í þetta og þá lá beint við að fara í
námið. Ég finn það strax að maður lærir margt nýtt í
þessu námi og það gerir það að verkum að maður
verður öruggari í því sem maður er að gera,” segir
Þorvaldur sem telur allar líkur á að hann leggi
netagerðina fyrir sig, enda hafi hann mjög gaman af
þessu starfi. „Ég er í fullri vinnu hérna hjá Ísneti og er
að auki á fullu í handboltanum hjá Þór. Það vill því oft
verða svo að maður kemst í námið seint á kvöldin og
situr við fram á nótt. Ég nýti helgarnar líka vel,” segir
Þorvaldur.
Fjölbrautaskóli Suðurnesja:
Um tuttugu nemendur
í fjarnámi í netagerð