Ægir - 01.11.2004, Blaðsíða 15

15
B RY G G J U S P J A L L I Ð
segist hann telja sinn helsta kost
varðandi starfið að taka það hæfi-
lega alvarlega. „Maður þarf að
vera hæfilega kærulaus gagnvart
þessu, en jafnframt verður maður
að hafa til að bera þann hæfileika
að geta ráðið fram úr hlutunum á
yfirvegaðan hátt. Það eru alltaf
einhverjir óvæntir hlutir að koma
upp úti á sjó og þá er mikilvægt
að leysa úr málum fljótt og ör-
ugglega. Það hefur komið fyrir að
það hafi slökknað á öllu úti á
ballarhafi og þá er mikilvægast af
öllu að halda ró sinni og taka sér
þann tíma sem maður þarf til
þess að leysa úr hlutunum.
Eitt tilvik er mér minnisstæðar
en annað. Það var 1994 í maí, þá
vorum við staddir út á Hamp-
iðjutorgi svokölluðu, ég var upp á
dekki og tók eftir að ljósin fóru
að dofna í sömu mund og það dró
af aðalvélum. Svartur reykur steig
upp frá skorsteini fyrir aðalvél 1.
Ég hraðaði mér niður í vélarrúm
og gerði ráðstafanir til að láta hífa
trollið. Var svo gengið í að finna
hvað var að. Kom í ljós að vélin
gekk ekki á einum strokk. Þar
sem eru tvær aðalvélar í skipinu
kom það sér vel núna. Gátum við
lónað á hinni vélinni meðan við
tókum strokklokið af þeim strokk
sem var óvirkur. Kom þá í ljós að
einn ventill var brotinn og brotið
kirfilega fast í stimplinum á brún
hans svo að stífinn hafði
skemmst. Varð úr að skipta um
stimpil sem og setja á vara
strokklok. Tók verkið í heild um
6 klukkustundir og að því loknu
var veiðum haldið áfram eins og
ekkert hefði í skorist, en ef við
hefðum þurft að fara í land hefði
það tekið rúman sólarhring.
Ekki þótti mér þetta vera stór-
mál, en útundan mér heyrði ég að
þetta væri nú ekki alvanalegt á
fiskiskipum, en ég hef lent í
svona uppákomum nokkrum
sinnum á fraktskipum þegar ég
var á þeim.“
Böðvar segir Harðbak gott
skip. „Það þarf varla að ræða það,
ég held að það hafi enginn vél-
stjóri verið jafn lengi á þessu
skipi og ég. Það hlýtur að segja
einhverja sögu. Ég tel mig þekkja
þetta skip mjög vel eftir öll þessi
ár. Þetta er gott sjóskip, ekki síst
eftir að andveltitankur var settur
á það. Á minna skipi gæti ég ekki
hugsað mér að starfa. Minni skip-
in fara yfirleitt ekki eins vel með
mann og stærri skipin.“
Nýir möguleikar með
stafrænu tækninni
Sem fyrr segir hefur Böðvar mik-
inn áhuga á ljósmyndun og hann
tekur mikið af skemmtilegum
myndum. „Það má segja að ljós-
myndunin sé afsprengi af tölvu-
grúski. Ég er í ávaxtadeildinni,“
segir Böðvar og brosir, en þar vís-
ar hann til þess að hann notar ein-
göngu Apple tölvur. „Tölvu-
grúskið er áhugamál mitt númer
eitt, það kom í framhaldi af því
ég hóf störf hér á Harðbaki. Við
vinnum mikið með gagnagrunns-
forrit og inn í það hef ég smíðað
ýmislegt, t.d. áhafnarskráningu.“
Fyrir hálfu öðru ári fékk Böðvar
sér góða stafræna myndavél og þá
var ekki aftursnúið. Böðvar segir
að með stafrænu tækninni hafi sér
opnast nýr heimur, loksins hafi
hann getað komið þeim römmum
sem hann sá víða á framfæri og
sýnt öðrum. Hægt er að skoða
hluta af myndum hans á heima-
síðunni www.photohouse.is.
„Ég hafði fengist aðeins við
þetta áður, en mikill filmu- og
framköllunarkostnaður dró þó
töluvert úr. Stafræna tæknin gerir
hins vegar það að verkum að
maður getur tekið ógrynni af
myndum án þess að horfa í þenn-
an kostnaðarþátt. Maður er alltaf
með augun opin. Frá því ég fór út
í stafrænu tæknina hef ég verið að
leita að mínum vettvangi í ljós-
mynduninni. Sólin hefur heillað
mig, hún er eitthvað sem maður
hefur alltaf fyrir augum úti á sjó.
Litróf sólarinnar er endalaust og
samspil hennar við hafflötinn.
Vatn er líka afar skemmtilegt við-
fangsefni. Sama má segja um að
fanga augnablikið. Stundum fer
maður eitthvert út í náttúruna til
þess að mynda, en kemur kannski
ekki heim með eina einustu
mynd eða dettur í lukkupottinn
og sér myndaefni sem maður
verður dáleiddur af. En þegar
maður er á ferðinni, er myndavél-
in aldrei langt undan, því það er
aldrei að vita hvenær maður sér
eitthvað áhugavert. Mótífin skap-
ast allt í einu. Ljósmyndun snýst
ekki um hversu góða myndavél
maður á, hún snýst um það sem
maður sér í gegnum linsuna og
nær að raða upp í myndaramman-
um,“ segir vélstjórinn og ljós-
myndaáhugamaðurinn Böðvar
Eggertsson.
Böðvar Eggertsson, yfirvél-
stjóri á Harðbaki EA og
ljósmyndaáhugamaður.
Kettir á góðum degi.
aegirdes2004-11tbl 16.12.2004 12:40 Page 15