Ægir - 01.11.2004, Blaðsíða 35

35
E L D I S Þ O R S K U R - V I L LT U R Þ O R S K U R
Verkefnið „Framtíðarþorskur“ sem hófst haustið 2003 hefur það að markmiði að móta ákveðið gæðakerfi fyrir eldisþorsk svo stuðla megi að því að framleidd-
ar verði verðmætar afurðir sem uppfylla gæðakröfu markaðarins.
Öðruvísi þorskur?
Það hefur lengi verið þekkt að ýmsar náttúrulegar aðstæður geta haft
áhrif á holdgæði villts þorsks. Má þar nefna árstíma, framboð fæðu,
kynþroskastig, hitastigið í sjónum o. fl. Mikið los er einkum í villtum
þorski í byrjun sumars, en þá er fæðuframboð hvað mest í sjónum og
fiskurinn étur mikið og vex mjög hratt. Þessi hraði vöxtur leiðir oft til
þess að fiskholdið verður laust í sér og er ástæðan líklega sú að bandvef-
urinn sem heldur vöðvunum saman nái ekki að styrkjast í takt við hina
hröðu uppbyggingu vöðvamassans. Þegar mikið los er í fiski er erfitt að
flaka hann og flökin verða sprungin og lin. Losflök flokkast því yfir-
leitt í blokkfrystingu, en ekki í verðmikla, hágæða kæli- eða frystivöru
á kröfuharðan markað. Því vaknar upp sú spurning hvernig holdgæði
eldisþorsks séu, sem er stríðalinn og vex þar af leiðandi mjög hratt all-
an eldistímann. Koma ekki upp svipuð vandamál varðandi los og sést í
villtum þorski þegar mikið er af fæðu?
Höfundur þessarar
greinar er
sérfræðingur á
rannsóknasviði
Rannsóknastofnunar
fiskiðnaðarins.
Soffía Vala Tryggva-
dóttir.
aegirdes2004-11tbl 16.12.2004 12:40 Page 35