Ægir - 01.08.2007, Page 42

42
F R É T T I RÞ J Ó N U S T A
Í september sl. flutti R. Sigmundsson í
nýtt húsnæði að Klettagörðum 25 og þar
með er öll starfsemi fyrirtækisins komin
undir eitt þak, en í kjölfarið á því að R.
Sigmundsson, Vélasalan og Radiomiðun
sameinuðu krafta sína á síðasta ári hefur
starfsemi fyrirtækisins verið á nokkrum
stöðum. Ólafur Kristjánsson, markaðs-
stjóri R.Sig munds sonar, segir mikið hag-
ræði af því að hafa nú alla starfsemi fyr-
irtækisins undir einu þaki.
Áður en til sameiningar kom voru R.
Sigmundsson og Radiomiðun sérhæfð í
sölu og þjónustu á siglinga- og fiskileit-
artækjum og fjarskiptatækjum fyrir skip.
Vélasalan var hins vegar sérhæfð í inn-
flutningi og sölu á vélum í skip og fjöl-
mörgum öðrum búnaði fyrir fiskiskip,
sem og skemmtibátum og flestu því sem
þeim tilheyrir.
Í dag er R. Sigmundssyni skipt upp í
þrjú svið; sjávarútvegssvið, iðnaðarsvið
og lífsstílssvið. Eins og nafnið gefur til
kynna þjónustar sjávarútvegssviðið sjáv-
arútveginn í víðum skilningi – t.d. sigl-
ingatæki, fiskileitartæki, áttavita, ratsjár,
sjónvarpskúlur, sónar og myndavélar.
Iðnaðarsviðið þjónustar t.d. verkstæði og
verktaka með bílalyftur, dælur, síur og
rafstöðvar svo dæmi séu nefnd. Lífsstíls-
sviðið sérhæfir sig í sölu á GPS staðsetn-
ingartækjum sem og hverskonar
skemmtibátum, og búnaði sem þeim til-
heyrir. Ólafur Kristjánsson segir áberandi
mikla aukningu í sölu á Garmin GPS-
staðsetningartækjunum, sem eru til í öll-
um stærðum og gerðum og fyrir marg-
vísleg not.
R. Sigmundsson rekur tvö dótturfyr-
irtæki – annars vegar skipasmíðastöðina
Skipapol í Gdansk í Póllandi og hins
vegar fjarskiptafyrirtækið Radiomiðun,
sem að hluta til er í eigu Símans.
Öll starfsemi R. Sigmunds-
sonar undir eitt þak
- að Klettagörðum 25 í Reykjavík
Hús R. Sigmundssonar að Klettagörðum 25. Myndir: Sigurður Bogi Sævarsson.
Ólafur Kristjánsson með hina nýju og glæsilegu
verslun R. Sigmundssonar í baksýn.
Hraðbátar hverskonar fást í miklu úrvali hjá R. Sig-
mundssyni. Dúi Sigurðsson er hér við stýrið á einum
þeirra.
Leiðsögutækin
frá Garmin
seljast eins og
heitar lummur.
Hér heldur
Ólafur D. Ragn-
arsson á einu
slíku.