Ægir - 01.09.2013, Blaðsíða 40

40
þessum tilmælum, en með
hangandi hendi enda hafði
ég litla trú á þessum vísind-
um.“
Hann segir að það sé val
hvers manns hvers hann
neytir. Það sé ekki hægt að
hafa vit fyrir fullorðnum
mönnum hvað matarvenjur
áhrærir. Vilji menn ekki það
sem Níels Óskar reiðir fram
geta þeir farið í kæliskápinn
og fengið „eina svera“,
þ.e.a.s. vel útilátna samloku.
1,3 lítri af kokteilsósu á
mann!
„Kokteilsósa er afar vinsæl
um borð. Síðasti túr var
óvenju langur og að gamni
mínu fylgdist ég með því hve
mikið fór af kokteilsósu. Það
reyndust vera 23 lítrar þegar
upp var staðið. Þetta þýðir
hver skipverji hefur torgað að
meðaltali tæpum 1,3 lítrum af
kokteilsósu á rúmum mán-
uði,“ segir Níels Óskar.
Hann segist ekki fáanlegur
til þess að taka undir það að
kokteilssósa flokkist undir
óhollustu. Hún sé gerð úr
majonesi og tómatsósu.
„Majonesið samanstendur af
eggjum og jurtaolíu. Eggin
eru stífþeytt og olían látin
drjúpa út í eggin. Smám sam-
an þykknar þetta og það er
allur galdurinn. Til að gera
kokteilsósu er bætt úr í þetta
tómatsósu. Ég kem ekki auga
á óhollustuna í þessu.“
Níels Óskar leggur mikið
upp úr fjölbreytni á matseðl-
inum og reynir að hafa aldrei
sama réttinn tvisvar í sama
túr. Það sé markmiðið en
ráðist þó af lengd úthaldsins
og hráefnum hvort það tekst.
Í hverri viku matreiðir hann
fjórtán máltíðir, þar af eru
fiskréttir fjórum til fimm sinn-
um í viku.
„Menn mæta í mat til þess
að fylla á tankinn því það eru
allir í hörkuvinnu um borð í
svona skipi. Yfir vetrartímann
eru oft aftakaveður og menn
brenna meira við slíkar að-
stæður. Þá þýðir ekki að
bjóða upp á eitthvað létt-
meti.“
Gott að vinna á sjó
Starf kokksins er nánast stöð-
ugt frá morgni til kvölds. Upp
úr morgunmatnum hefst und-
irbúningur að hádegisverði
en Níels Óskar kveðst haga
því svo til að hann taki sér
pásu frá kl. 13.30 til kl. 15.30.
Það er hans heilaga stund
sem hann nýtir til lesturs. „Ég
les mikið til sjós – eða 4-5
bækur í hverjum túr. Ég er
sólginn í sakamálasögur en
svo fylgir einstaka fræðibók
með. Ég hef lesið Laxnes eins
og hann leggur sig.“
Hann segir að allur aðbún-
aður um borð sé algjörlega til
fyrirmyndar. Þar sé gott inter-
netsamband og sjónvarp eins
og í landi. GSM-símar virka
fullkomlega og kostnaðurinn
af þeirri notkun bara svipuð
og í landi.
„Ég verð að segja fyrir
mína parta að ég hlakka alltaf
til að fara aftur út á sjó. Ég
hef það jafnvel enn betra úti
á sjó en heima. Ég hef alltaf
eitthvað fyrir stafni, fastur
vinnutími og allt í skorðum.
Mér leiðist þó alls ekki þegar
ég í landi því ég á sex barna-
börn sem gefa mér mikið.
Það er gott líf að vera sjó-
Allt til línuveiða
www.isfell.is
Starfsstöðvar Ísfells og Ísnets:
• Ísnet Þorlákshöfn - Óseyrarbraut 28
• Ísnet Vestmannaeyjar - Flötum 19
• Ísnet Húsavík - Barðahúsi
• Ísnet Akureyri - Oddeyrartangi
• Ísnet Sauðárkrókur - Lágeyri 1
• Ísfell / Ísnet Hafnarfjörður -
Óseyrarbraut 28 • 220 Hafnarfjörður • Sími 5200 500 • isfell@isfell.is
S J Ó M E N N S K A N
„Ég hlakka alltaf til að fara aftur út á sjó. Ég hef það jafnvel enn betra úti á sjó en
heima. Ég hef alltaf eitthvað fyrir stafni, fastur vinnutími og allt í skorðum,“ segir
Níels Óskar.