Ægir - 01.09.2013, Blaðsíða 18

18
Æ G I S V I Ð T A L I Ð
Snemma beygist krókurinn!
Dalvíkingurinn Sigurður Óli
Kristjánsson, skipstjóri á
togaranum Baldvin NC, sem
er í eigu dótturfélags Sam-
herja hf., er sjómannssonur
og eins og algengt var á sjó-
mannaheimilum á sínum tíma
voru feðurnir mánuðum sam-
an í útiverum, m.a. á síld í
Norðursjó. Lífið snerist um
sjóinn á Dalvíkinni á uppvaxt-
arárum Sigurðar og leiksvæði
barnanna var ekki síst hafnar-
svæðið og fjaran. Það var ekki
að undra að áhugi kviknaði í
barnshjörtunum á bátum en
Sigurður og nágranni hans,
jafnaldri og leikfélagi, Ari
Gunnarsson, létu ekki þar við
sitja. Þeir hófu einfaldlega út-
gerð 11 ára gamlir og gerðu
út á grásleppu í tvö ár með
barnaskólanáminu! Og höfðu
meira að segja skólabræður
sína í vinnu sem háseta.
Þessi skemmtilega saga
hófst árið 1972 þegar sjó-
mannssynirnir tveir voru að-
eins 11 ára gamlir. Á þessum
árum voru trillurnar orðnar
allsráðandi á grásleppuveið-
unum og spil komin í bátana
og grásleppunetin dregin á
þeim. Áður höfðu grásleppu-
karlarnir dregið með sér litla
árabáta sem notaðir voru til
að fara með netunum og
greiða aflann úr þeim en eftir
að spilin komu í trillurnar
voru árabátarnir óþarfir. Það
voru því nokkrir litlir og
verkefnalitlir árabátar í höfn-
inni á Dalvík sem vöktu
áhuga yngstu kynslóðarinnar.
„Eins og venjulega vorum
við að þvælast hjá trillukörl-
unum í skúrunum og þá voru
tveir þeirra að henda nokkr-
um ónýtum grásleppu- og
rauðmaganetum. Partur úr
einu þeirra var í lagi og hann
fengum við að eiga. Þá var
bara að verða sér úti um ára-
bát og annað hvort stálumst
við eða fengum einhvern lán-
aðan til að leggja netið
skammt utan við höfnina.
Það gerðum við og fengum
nokkra rauðmaga sem við
síðan gengum með í hús og
seldum. Og þar með vorum
við auðvitað komnir á bragð-
ið,“ segir Sigurður þegar
hann rifjar þessar skemmti-
legu minningar upp.
Uppáskrift frá foreldrunum
Bátslausir gátu drengirnir
ekki geta verið í ljósi þess að
þeir áttu netstubb þannig að
þeir fóru að suða í Árna Guð-
laugssyni, einum af trillukörl-
unum, um að leyfa þeim að
nota árabátinn hans til grá-
sleppuveiða.
Grásleppu-
útgerð
Sigga og
Ara hf.!