Tímarit Máls og menningar - 01.03.1963, Side 36

TÍMARIT MÁLS OG MENNINGAR
á kapítalisminn í vök að verjast. Og
þegar þar kemur að þjóðirnar rísi
upp og kveði niður takmarkalaust
brjálæði nútímavígbúnaðar, þá verð-
ur það einnig vor barátta. Nútímavíg-
búnaður er hornsteinn kapítalismans,
en hann er ekki aðeins siðferðilegur
heldur einnig efnahagslegur glæpur,
sem kapítalisminn verður að afplána
fyrr eða síðar með falli sínu.
Látum allra sízt blekkja oss með
þeim kostaboðum sem erlendur kapí-
talismi og íslenzkir umboðsmenn
hans gera oss: að skipta á sálu vorri
og baunadisk, þ. e. a. s. afsala oss
þjóðerni voru og sjálfstæðisvonum
gegn því að séð verði um að vér „höf-
um það gott“. Slík loforð er aldrei
ætlunin að efna nema skamma stund.
Vér munum ekki „hafa það gott“
þegar vér verðum annaðhvort hjá-
lenda evrópsks stórkapítalisma elleg-
ar nokkurskonar viðbót við Mið-
Ameríkueign Bandaríkjanna. Barátt-
an fyrir þjóðerni voru og sjálfstæði
er baráttan fyrir tilveru vorri í bók-
staflegum skilningi, fyrir efnalegri
velsæld ekki síður en andlegri.
Vegna þess að þjóð án þjóðmenn-
ingar er ekki hugsanlegt fyrirbæri, er
sú barátta sem vér heyjum umfram
allt menningarbarátta. í framhaldi
þessarar greinar verður rætt um það
hvort vér getum látið oss nægja að
„standa vörð um menninguna“ eða
hvort hættandi sé á að sýna henni
meira traust.