Tímarit Máls og menningar - 01.05.1986, Síða 88

Tímarit Máls og menningar
Já sjampíon, ha.
Þá segist Ragnar hafa verið hálfdauður af tilraun sem hann gerði í
sambandi við svona turn. Það var þegar hann ætlaði að vita hvernig
væri að ganga upp í Eiffelturninn.
Skyndilega birtist Kjarval.
Ja hver er nú hæstur, segir hann og lítur yfir salinn. Ein myndin
heitir Salka, segir hann.
En ekki Valka? segir Laxness.
Ha, segir Kjarval.
En ekki Salka Valka? segir Laxness.
Kjarval: Jú alveg rétt. Salka að vakna.
Síðan lítur hann á kvennablómann sem situr undir hinni rauðmistr-
uðu mynd eftir Briem. Þar hékk áður mynd hans af strákunum í fjör-
unni, nú er hún á leið á Biennalinn í Feneyjum.
Hver ykkar er Engel? segir hann. Hver var að gagga?
Eg var að gagga, segir Engel.
Jæja voruð þér að gagga, segir Kjarval: en þér eruð há og myndar-
leg. Svoleiðis fólk vantar þá í kvenlögregluna.
Já það er gott að þeir séu háir og grannir í lögreglunni, segir
Gagga: en þeir mega ekki vera of gamlir.
Kjarval forðaði sér úr mannfjöldanum og sagðist ekki mega vera í
margmenni ef hann ætti að halda viti. Ragnar flutti Laxness skilaboð
að Kjarval langaði til að tala við hann. Þeir sátu í fremri stofu og
Kjarval gerði grein fyrir himinsplastinu.
214