Ský - 01.01.2006, Blaðsíða 59

sk‡ 59
Ketill fær SMS
En það er að sjálfsögðu ekkert heimilið án hefðbundnu heimilis-
verkanna – það þarf jú að þrífa húsið, halda matvörum köldum
og náttúrlega elda. Menn hafa síðustu ár gert ýmislegt til að
tæknivæða ísskápa, eldavélar og slíkar græjur. Til dæmis má nefna
að fyrir nokkrum mánuðum kom á markaðinn í Bretlandi ketill
sem hægt er að setja af stað með SMS-skilaboðum. Engum sögum
fer að vísu af því hversu mikilvægt almenningi finnst að geta átt í
slíkum samskiptum við teketilinn sinn.
Víða erlendis þar sem netverslun með ýmsar smærri vörur er
algengari en hér á landi hafa ísskápar verið útbúnir tækni sem gerir
þeim kleift að halda skrá yfir þá hluti sem eru geymdir þar hverju
sinni. Þeir geta þá fylgst með þegar vörur klárast eða fara yfir síð-
asta söludag og pantað hlutinn sjálfkrafa aftur í gegnum Netið.
Slík þjónusta hefur þó ekki náð neinum sérstökum vinsældum
enn sem komið er, enda veigra sér án efa margir við því að láta
ísskápinn sjá um matarinnkaupin. Ýmiss konar hátækni önnur
– örlítið praktískari – fylgir nýjustu og flottustu ísskápunum og
til að mynda eru komnir á markaðinn ísskápar með áföstum flat-
skjá, sem er hentug lausn fyrir þá sem vilja geta horft á sjónvarp
í eldhúsinu.
Ýmis ný tækni fyrir eldavélar er einnig í boði. Til að mynda eru
svokallaðar span-hellur þeim eiginleikum gæddar að hita potta og
pönnur en hitna aldrei sjálfar, sem þýðir að ekki er hægt að brenna
sig á hellunum. Þær skynja jafnframt ef sýður upp úr pottum og
slökkva þá á sér.
Það styttist svo væntanlega í að fólk geti talað með nostalgíu
í röddinni um þá daga „þegar maður þurfti að ryksuga sjálfur.“
Fyrir nokkru kom á markaðinn í Bandaríkjunum ryksuga sem
rúntar sjálf um heimilið og þrífur gólfin – algerlega án hjálpar
frá eigendum sínum. Sérstök rattækni hjálpar henni að fara yfir
allt gólfið en ekki hjakka stöðugt á sama blettinum, auk
þess sem hún sér sjálf um að stinga sér í hleðslu þegar raf-
magnið minnkar á rafhlöðunum.. Fyrstu útgáfur ryksug-
unnar - sem kallast „Roomba“ - þóttu reyndar nokkuð
mistækar og gjarnar á að detta niður stiga, en það ætti
að standa til bóta með bættari tækni og væntanlega líður
ekki á löngu þar til hvert heimili verður komið með eina
slíka. Nýjasta útgáfan kallast Scooba og lætur sér ekki
nægja að ryksuga, heldur skúrar hún líka. Það er einungis
tímaspursmál hvenær þetta nær hingað til lands og gætu
næstu jól auðveldlega orðið „Roomba-jólin“ á Íslandi
með sniðugri markaðssetningu.
Ekki spurning um að geta, heldur þurfa
Tækninýjungarnar streyma sem sagt jafnt og þétt inn á
markaðinn og þeir sem hafa gaman af því að vera alltaf
með það nýjasta og flottasta geta glaðst yfir því að þeirra
kapphlaup tekur aldrei enda. Það lærist þó væntanlega
fljótt að þótt eitthvað búi yfir nýjustu tækni er ekki þar
með sagt að það sé mikilvæg viðbót við heimilið. Rétt eins
og með eldhústölvuna frá 1965 þarf að spyrja sig að því
áður en ráðist er í innkaup á hátæknibúnaði fyrir heimilið
hvort nytsemin sé nægilega mikil til að réttlæta fjárút-
látin. Rétt eins og flestir svöruðu spurningunni „Þarf ég
75 kg hlunk í eldhúsið til þess eins að vista uppskriftir?“
neitandi árið 1965 má búast við að ansi margir gefi sama
svar nú 40 árum síðar þegar spurt er hvort þá langi til að
standa í SMS-samskiptum við teketilinn sinn.
ReadyWhenUR-ketillinn
fer í gang þegar eigand-
inn sendir honum SMS.
Verst að hann getur ekki
fyllt sig af vatni sjálfur.
Hátækni
sky
,