Ský - 01.01.2006, Blaðsíða 43

sk‡ 43
dalnum hafi haft mikið að segja um að Rúnar
fékk inngöngu.
Bóndi á krossgötum
Síðasti bærinn í dalnum fjallar um roskinn
bónda sem stendur frammi fyrir því að þurfa
að bregða búi. Jón Sigurbjörnsson leikur
aðalhlutverkið, bóndann sem býr í síðasta
bænum í dalnum. Þegar til stendur að flytja
hann og Gróu hans á elliheimili í Reykjavík
tekur hann til sinna ráða. Aðrir leikarar eru
Kristjana Vagnsdóttir, Sigurður Skúlason,
Ólafía Hrönn Jónsdottir, Kjartan Bjarg-
mundsson og Arnheiður Steinþórsdóttir.
Myndin er tekin í Dýrafirði og er Magni
Ágústsson tökumaður, Kjartan Kjartansson
sá um hljóð og tónlistin er eftir Kjartan
Sveinsson, sem er meðlimur Sigur Rósar.
Eins og áður segir hefur Síðasti bærinn í
dalnum verið sigursæl á hátíðum undanfarna
mánuði, en hún var meðal annars valin besta
stuttmyndin á Nordisk Panorama 2004,
besta stuttmyndin á Kiev International Film
Festival Molodist 2004 og fékk Edduverð-
launin í sínum flokki árið 2004. Þá fékk hún
aðalverðlaunin á Huesca International Film
Festival á Spáni. Þá má geta þess að sjón-
varpsstöðin Arte í Frakklandi hefur keypt
sýningarrétt á myndinni og þrír bandarískir
dreifendur vilja dreifa myndinni þar í landi.
Það er svo að frétta af Rúnari að á vegum
Zik Zak mun hann hefja gerð sinnar fyrstu
leiknu kvikmyndar í fullri lengd í sumar.
Myndin hefur enn ekki fengið nafn en nú
stendur yfir undirbúningsvinna og handrits-
gerð.
Skúli er að lokum spurður hvort hann
ætli ekki til Hollywood á óskarshátíðina
6. mars. „Ég kemst því miður ekki sjálfur
þar sem ég á von á barni um sama leyti, en
Rúnar og Þórir fara. Ég verð að láta mér
nægja að vera límdur við sjónvarpið.“
Jón Sigurbjörnsson ræðir málin við leikstjórann Rúnar Rúnarsson.
Kvikmyndir
Texti: Himar Karlsson
sky
,