Dagrenning - 01.06.1951, Side 15

að liornsteini og byggður er á heilögu
hugarfari hans, sem elskaði mennina
mest og vildi hjálpa oss öllum til að lifa
lífi voru þannig, að vér getum öðlazt
sannan frið.
Vér viljum í dag þakka þér fyrir
handleiðslu þína og föðurforsjón. Þú
leiddir oss í vísdómi. Ástríki þitt var
oss hinn mikli aflgjafi og athvarf frá
einni kynslóð til annarrar. Þú veizt að
vér, sem í þessu landi búum, erum fá og
smá. Frá yztu annesjum til innstu dala
íslands ert þú beðinn að vera með oss
í lífsstríðinu og leysa vandann á hættu-
fidlum og óráðnum tímum. Gef, að vér
megum sjálf leggja fram allavorakrafta
í óbifanlegri trú á þig og trausti til þín.
Ger oss sterka, sanna, frjálsa. Læg
storma sundurlyndisins. Efl kærleikann
í hverju brjósti. Vak yfir þjóðinni og
láttu fegurstu drauma hennar rætast.
Láttu himin þinn og miskunn þína Ijóma
yfir landi og þjóð. Leið oss öll, faðir, í
vísdómi þínum um leyndardómsfulla
vegu jarðlífsins, og opna oss hinn bjarta
faðm eilífðarinnar, er lífsskeið vort er
runnið.
Vér biðjum af ölhi hjarta, allri sálu
og öllum huga um hjálp þína, vegsögu
þína og líkn. Kenn oss öllum, yngri og
eldri, að feta í fótspor Frelsarans og lúta
leiðsögn hans og boðskap.
Lát þinn vilja verða á Islandi — og
þitt ríki koma þar og um gjörvallan
heiminn. í Jesú nafni.“
*
Það sæmir ekki að hefja gagnrýni á þessa
bæn kirkjulegra yfirvalda, enda óþarfi. Hún
er ekki fyrst og fremst bæn fyrir íslandi og
íslenzku þjóðinni, fyrir velgengni hennar og
blessun, heldur — eins og vera átti — tilraun
til að sameina þjóðina í bæn fyrir heimsfriði
og auðvitað þykjast allir vilja frið og allir
tala um frið þótt þeir hinir sömu undirbúi
ófrið, stuðli að ófriði og uni sér aldrei nema
í ófriði.
Ég hlustaði bæði á biskup landsins og
séra Sigurbjörn Einarsson tala á þessum
„friðardegi“ þjóðkirkjunnar. En hvorugur
þeirra nefndi á nafn friðarspillinn sjálfan —
Satan — og þjóna hans, sem nú birtast í
mörgum myndum, meira að segja í friðar-
dúfna líki og „friðardúfnaþingi". Meðan
engin rödd innan kirkjunnar þorir að rísa
gegn hræsnurum, svikurunum og níðingun-
um í þjóðfélögunum á líkan hátt og sjálfur
höfundur kristninnar, Jesús frá Nazaret, reis
á sínum tíma gegn Fariseum og skriftlærðum
og sagði: „Vei yður þér hræsnarar" — „þér
nöðruafkvæmi", sem „eigið djöfulinn að föð-
ur“, er kirkjan verri en gagnslaus, því allar
tilraunir hennar til þess að reyna að sameina
Ijós og myrkur, sannleika og lýgi, réttlæti og
ranglæti, eru í þágu hins illa en ekki þjón-
usta við höfund kristindómsins. Meðan
kirkjan ekki tekur ákveðna afstöðu gegn
kommúnismanum, sem er hreinræktað, djöf-
ullget vísinda- og vantrúarkerfi, er kirkjan
ekki í þjónustu Jesú Krists heldur andstæð-
ings hans — Satans, og á meðan svo er getur
hún enga leiðsögn haft á hendi til hins fyrir-
heitna lands, hvorki þess jarðneska, né hins
himneska.
*
Nú hefur það þó á unnist, að íslenzka
kirkjan hefur á ný, eftir óralangan svefn, tek-
ið upp sinn sérstaka bænadag. Það er gott.
Einn af prestum þjóðkirkjunnar, sóknarprest-
ur Seyðisfirði, hefur í ekki ófróðlegri grein,
í mánaðarritinu Gerpi, leitt rök að því, að ís-
lenzka kirkjan hafi bókstaflega týnt sínum
fornhelga bænadegi, sem enn sé í miklum
heiðri hafður með öðrum kristnum þjóðum.
Honum farast svo orð:
„Ef þér nú, góðir lesendur, lítið í alma-
DAGRENN I NG 13