Morgunblaðið - 13.02.2015, Blaðsíða 49

MENNING 49
MORGUNBLAÐIÐ FÖSTUDAGUR 13. FEBRÚAR 2015
Kingsman: The Secret Service
Hasarmynd í léttum dúr, byggð á
samnefndri teiknimyndasögu og
leikstýrt af Matthew Vaughn sem á
m.a. að baki kvikmyndinar Kick-Ass
og X-Men: First Class. Í myndinni
segir af háleynilegum njósna-
samtökum í Bretlandi sem ráða til
sín óstýrilátan en efnilegan götu-
strák. Leyniþjónustumaður sem
kominn er á eftirlaun tekur hann að
sér og þjálfar. Þurfa þeir svo ásamt
fleiri leyniþjónustumönnum að tak-
ast á við illmenni sem ógnar heim-
inum. Með aðalhlutverk fara Colin
Firth, Taron Egerton, Michael
Caine og Samuel L. Jackson.
Metacritic: 60/100
Fifty Shades of Grey
Kvikmynd byggð á samnefndri og
umdeildri metsölubók E.L. James. Í
henni segir af háskólanemanum
Anastasiu Steele sem fer á fund
auðmannsins Christians Greys til
að taka við hann viðtal fyrir stúd-
entablað. Steele er sakleysið upp-
málað, ólíkt hinum myndarlega,
snjalla og ógnvekjandi Grey. Þau
hrífast hvort af öðru en Steele er
óreynd þegar karlmenn, ást og
kynlíf eru annars vegar. Kynferð-
islegar langanir Greys koma henni
í opna skjöldu og kynnist hún m.a.
heimi BDSM. Leikstjóri myndar-
innar er Sam Taylor-Johnson og
með aðalhlutverk fara Dakota
Johnson og Jamie Dornan.
Metacritic: 47/100
Hasar, ofbeldi og kynlíf
Bíófrumsýningar
Skuggar Stilla úr 50 Shades of Grey
sem verður frumsýnd í dag.
Tvær sýningar verða opnaðar í Lista-
safni Íslands í kvöld kl. 18. Annars veg-
ar Konur stíga fram – svipmyndir 30
kvenna í íslenskri myndlist og hins veg-
ar A Kassen Carnegie Art Award 2014.
Fyrrnefnda sýningin byggist á
heimildum og listaverkum valinna
kvenna, úr fórum Listasafns Íslands,
sem vitna um vitundarvakningu ís-
lenskra kvenna og þátt myndlistar í
staðfestingu á sjálfsmynd þeirra.
Meðal þeirra sem eiga verk á sýning-
unni eru Þóra Melsteð, Nína Tryggva-
dóttir, Guðmunda Andrésdóttir, og
Róska. Halldór Björn Runólfsson
safnstjóri leiðir gesti um sýninguna
nk. sunnudag kl. 14.
Ranghverfir skilningi okkar
Tilurð seinni sýningarinnar má
rekja til þess að A Kassen vann til
þriðju verðlauna Carnegie Art Award
og áttu meðlimir hópsins að taka þátt í
sýningarferð um Norðurlöndin. „Af
fjárhagslegum ástæðum varð að
hætta veitingu listverðlaunanna og
fresta sýningarferðinni. Samtímalista-
stofnunin Den Frie í Kaupmannahöfn
bauð þá A Kassen að setja þar upp
einkasýningu. Sýningin gengur á hólm
við hefðbundna list og ranghverfir
skilningi okkar á hugtökum á borð við
list, hefð og sýning.“ Meðlimir A Kas-
sen eru Christian Bretton-Meyer,
Morten Steen Hebsgaard, Søren Pet-
ersen og Tommy Petersen, en sýning-
arstjóri er Jonatan Habib Engqvist.
Í tengslum við sýninguna verður
efnt til pallborðsumræðna í safninu
um falsanir og frumverk á morgun kl.
15. Þátttakendur í pallborðsumræð-
unum eru sýningarstjóri og aðstand-
endur sýningarinnar. Umræður fara
fram á ensku.
Verk kvenna og falsanir
Rödd Þóra Pétursdóttir Thoroddsen er meðal þeirra sem léði íslenskum
konum rödd svo þær mættu öðlast aukna vitund um hag sinn og stöðu.
Eftirmynd Með notkun myndefnis frá upprunalegu sýningunni hefur A
Kassen endurskapað sýninguna fyrir Carnegie-listverðlaunin árið 2014.
Ellen Kristjánsdóttir og öll hennar tónelska fjölskylda halda tónleika í
Salnum í kvöld kl. 20.30. Fjölskyldan samanstendur af hjónunum Ellen og
Eyþóri Gunnarssyni, píanó- og hljómborðsleikara, og dætrum þeirra, þeim
Sigríði, Elísabetu og Elínu, sem starfa saman í hljómsveitinni Sísý Ey, og
loks syninum Eyþóri Inga, sem stundar nám í Tónlistarskóla FÍH, leikur á
ýmis hljóðfæri og semur raftónlist.
Á efnisskrá tónleikanna verður tónlist úr ýmsum áttum, lög frá ferli
hvers um sig og uppáhaldslög sem fjölskyldan hefur farið höndum um og
gert að sínum.
Morgunblaðið/Ómar
Uppáhalds Ellen Kristjánsdóttir hefur á löngum og litríkum ferli sungið fjölda laga sem
lifa með þjóðinni. Á efnisskrá kvöldsins eru ýmis uppáhaldslög fjölskyldunnar.
Ellen Kristjáns og fjölskyldan í Salnum
Breski stórleikarinn Michael Gam-
bon hefur lýst því yfir að hann geti
ekki framar leikið á sviði. Ástæðan
mun vera að hann treystir sér ekki
lengur til að muna mikinn leiktexta.
„Það er hræðilegt að þurfa að við-
urkenna þetta, en ég ræð ekki leng-
ur við þetta,“ segir hann í samtali
við breska dagblaðið Sunday Times.
„Það tekur mig óratíma að leggja
textann á minnið. Þetta er ógnvekj-
andi,“ segir Gambon, sem er 74 ára.
Umboðsmaður leikarans vill ekki
svara því hvort þetta þýði að Gam-
bon sé þar með líka hættur að leika í
kvik- og sjónvarpsmyndum.
Gambon má um þessar mundir sjá
í sjónvarpsþáttunum Fortitude sem
sýndir eru í Ríkissjónvarpinu auk
þess sem hann verður í The Casual
Vacancy eftir J.K. Rowling sem
BBC One framleiðir.
Michael Gambon hættur að leika á sviði
AFP
Stórleikari Michael Gambon.
Emil Larsen opnar sýningu í
Kubbnum, sýningarsal myndlist-
ardeildar Listaháskóla Íslands á
Laugarnesvegi 91, í dag kl. 15.30.
„Sýninguna nefnir hann Welcome
to my untitled ART show. Er þetta
annað einkasýningarverkefni
meistaranema í myndlist á vormiss-
eri innan sýningaraðarinnar
Kveikjuþræðir/SparkPlug,“ segir
m.a. í tilkynningu. Þar kemur fram
að sýningin stendur til 20. febrúar
og er opin virka daga kl. 13-16.
Emil Larsen er nemandi á fyrra
ári við alþjóðlega meistaranáms-
braut í myndlist við LHÍ en áður
lauk hann grunnháskólanámi í
myndlist frá Lista- og hönnunarhá-
skólanum í Bergen (KHiB). Sýning-
arröðin Kveikjuþræðir er unnin í
samstarfi við meistaranámsbraut í
listfræði við Háskóla Íslands. Sam-
starfið hefur getið af sér samræður
milli þessara tveggja nemendahópa
og skrif listfræðinema í tengslum
við sýningarnar.
Emil Larsen sýnir í Kubbnum
Listneminn Emil Larsen.
48
RAMMA
E.F.I -MBL
Spenna, hasar og ótrúlegar
tæknibrellur í frábærri ævintýra-
mynd með stórleikurunum Jeff
Bridges og Julianne Moore
2 VIKUR
Á TOPPNUM!
www.laugarasbio.isSími: 553-2075
SÝNINGARTÍMA MÁ NÁLGAST Á
LAUGARASBIO.IS OG MIDI.IS
- bara lúxus