Morgunblaðið - 13.02.2015, Blaðsíða 52

FÖSTUDAGUR 13. FEBRÚAR 44. DAGUR ÁRSINS 2015
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 460 ÁSKRIFT 4995 HELGARÁSKRIFT 3120 PDF Á MBL.IS 4420 I-PAD ÁSKRIFT 4420
1. Bob Simon lést í bílslysi
2. Sagðist hafa fundið milljónir
3. Kaupþingsmenn sakfelldir
4. Tómataplanta óx upp úr saurnum
»MEST LESIÐ Á mbl.is
FÓLK Í FRÉTTUM
 Hljómsveitin Nýdönsk gerir víðreist
og sækir heim nokkur bæjarfélög
undir yfirskriftinni „Nýdanskir dag-
ar“. Á Nýdönskum dögum verða
haldnir tónleikar auk þess sem nem-
endur tónlistarskóla kynna sér tón-
list hljómsveitarinnar og koma fram á
tónleikum hennar. Fyrstu Nýdönsku
dagarnir fara fram 27. og 28. feb. í
Bæjarbíói, Hafnarfirði og þeir næstu í
Hljómahöllinni í Reykjanesbæ 5.
mars. 13. mars er það Kaffi Rauðka á
Siglufirði, 14. mars Græni hatturinn,
Akureyri og 21. mars Bíóhöllin á Akra-
nesi. Þegar er uppselt á tónleikana í
Hafnarfirði og í Reykjanesbæ en til
að bregðast við því hefur verið bætt
við aukatónleikum í Bæjarbíói og tón-
leikarnir í Reykjaneshöll verið færðir í
stærri sal en til stóð, skv. tilkynningu.
Morgunblaðið/Eggert
Nýdanskir dagar
 Fimm myndir hafa verið valdar til
þátttöku í Sprettfiski 2015, stutt-
myndasamkeppni Stockfish – evr-
ópskrar kvikmyndahátíðar í Reykja-
vík, sem haldin verður 19. febrúar til
1. mars. Stuttmyndirnar eru Herdís-
arvík í leikstjórn Sigurðar Kjartans,
Gone eftir Veru Sölvadóttur og Hel-
enu Jónsdóttur, Happy Endings eftir
Hannes Þór Arason, Foxes eftir Mikel
Gurrea og Substitute eftir leikstjór-
ann Madeleine Sims-Fewer. Skilyrði
fyrir þátttöku voru að
stuttmyndirnar
væru að hámarki
30 mínútur að
lengd, ekki eldri en
ársgamlar og frum-
sýndar á hátíð-
inni. Á myndinni
sést Vera Sölva-
dóttir.
Fimm stuttmyndir
keppa í Sprettfiski
Á laugardag Vaxandi suðaustanátt með slyddu og síðar rigningu
og hlýnar í veðri. Hvassviðri eða stormur um kvöldið og talsverð
úrkoma sunnan- og vestanlands. Hiti 3 til 10 stig.
SPÁ KL. 12.00 Í DAG Austlæg átt, 20-25 m/s við suðaust-
urströndina og undir Eyjafjöllum í fyrramálið og snjókoma, en
dregur síðan úr vindi og í kvöld verða 13-20 m/s.
VEÐUR
ÍR-ingar styrktu stöðu sína í
fallbaráttu Dominos-deildar
karla í körfuknattleik í gær-
kvöld með því að sigra Kefl-
víkinga, 78:76, í æsispenn-
andi leik í Breiðholtinu þar
sem úrslitin réðust í blálok-
in. Grindavík vann sannfær-
andi útisigur á Njarðvík, þar
sem Rodney Alexander átti
stórleik og skoraði 44 stig,
og hleypti enn meiri spennu
í baráttuna um sæti í úr-
slitakeppninni. »4
ÍR styrkti stöðuna
í fallbaráttunni
Skíðakonan unga Helga María Vil-
hjálmsdóttir náði með dramatískum
hætti að standa við markmið sitt um
að komast í hóp 60 efstu keppenda í
stórsvigi á HM í alpagreinum í Colo-
rado í Bandaríkjunum í gær. Hún
komst upp í 60. sætið í fyrri ferð eftir
að lettneskur keppandi var dæmdur
úr keppni. Helga hafnaði að
lokum í 56. sæti. Freydís
Halla Einarsdóttir varð í
62. sæti. » 1
Dramatík og 56. sæti
hjá Helgu Maríu
Afturelding komst í annað sætið í Ol-
ís-deild karla í handknattleik þrátt
fyrir óburðugan sóknarleik gegn Ak-
ureyringum í gærkvöld, en Mosfell-
ingum nægði að skora 22 mörk til að
vinna allöruggan sigur því Akureyr-
ingar geta varist vel en ekki sótt.
Stjarnan vann óvæntan sigur á ÍR og
Valur fór frekar létt með FH-inga í
Kaplakrika. »2-3
Óburðugur sóknarleikur
dugði gegn Akureyri
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Sigurður Bogi Sævarsson
sbs@mbl.is
„Leifasjoppa hét annað í byrjun.
Nafnið sem gilt hefur kom frá fólk-
inu í hverfinu og það þykir mér
vænt um,“ segir Þorleifur Eggerts-
son. Sjoppan við Iðufell í Breiðholti
á sér langa sögu en Þorleifur, sem
jafnan er kallaður Leifi, tók við
rekstrinum fyrir 22 árum. Hefur
staðið vaktina síðan, opnar klukkan
átta á morgnana og sett er í lás
undir miðnætti.
„Sjoppureksturinn er mátulegt
starf fyrir tvo. Ég mæti í býtið,
vinn til hádegis og kem aftur á
kvöldin. Flosi sonur minn er hins
vegar hér yfir miðjan daginn. Dæt-
ur mínar unnu hér líka í eina tíð,
byrjuðu hér fjórtán ára, voru einar
á vakt og stóðu sig með prýði,“ seg-
ir Þorleifur. Hann er rennismiður
að mennt og sveitastrákurinn und-
an Eyjafjöllum er sömuleiðis bú-
fræðingur frá Hvanneyri. Með öðr-
um orðum er þetta íslenskur
alþýðumaður sem kann að bjarga
sér.
Nýbúarnir komnir á bragðið
Gos og gotterí, samlokur og safar
fást í Leifasjoppu svo og mjólk í
fernum, kaffi og annað smálegt.
Einnig pylsur, en ein með öllu er sí-
gildur biti. „Íslendingarnir vilja
pylsur og nýbúarnir eru komnir á
bragðið,“ segir Leifi í sjoppunni
sem nú ætlar að róa á ný mið.
Sjoppan er komin á söluskrá og
hafa nokkrir sýnt áhuga á kaupum.
Frá því Þorleifur hóf starfsemi í
Breiðholtinu hefur bragur hverf-
isins breyst. „Útlendingar sáust hér
varla þegar ég byrjaði árið 1993.
Þeir urðu fyrst áberandi í kringum
aldamótin. Þá keyptu verktakar eða
leigðu fjölda blokkaríbúða bæði hér
í Fellunum og víðar þar sem pólskir
byggingaverkamenn fengu inni. Svo
bættist fólk frá fleiri þjóðlöndum
við og það segir sitt að í leikskól-
anum Ösp sem er hérna rétt hjá
mér eru 75% barnanna af erlendu
þjóðerni og tungumálin eru 21. Og
þessi blanda fólks af ólíkum upp-
runa venst vel,“ segir kaupmað-
urinn.
Fólkið vill sjoppur í hverfinu
Söluturnar í úthverfum hafi
nokkuð gefið eftir í samkeppni við
stórmarkaði og klukkubúðir með
langan afgreiðslutíma. Þorleifur tel-
ur þó að smáverslanir eins og sú
sem hann rekur við Iðufellið haldi
velli. Því fólk vilji hafa sjoppu með
allra helstu nauðsynjum í hverfinu
og finnst nokkuð fyrir slíkt gefandi.
Leifi ætlar að selja sjoppuna
 Breiðholtskaup-
maðurinn gerist
nú jeppakarl
Morgunblaðið/Kristinn
Kropp Þorleifur Eggertsson hefur rekið sjoppuna við Iðufellið í Breiðholti í rúm 20 ár og lumar á ýmsu.
MBreiðholt »20-21
Eftir árin í Breiðholtinu kveðst Þorleifur Eggertsson eiga þar orðið góða
kunningja, sem hann komi til með að sakna. Í lífinu hafi hins vegar allt af-
markaða stund.
„Nú er svo komið að mig langar að gera eitthvað nýtt. Ég hef verið við-
loðandi ferðaþjónustuna síðustu árin, jafnhliða sjoppunni, en nú á auka-
starfið hug minn allan. Iceland Sightseeing ehf. er fyrirtæki sem ég
stofnaði fyrir þremur árum og umsvifin hafa aukist, eins og hjá öðrum í
ferðaþjónustu. Ég hef farið með erlenda ferðamenn í jeppaferðir upp á
hálendið. Það er vaxandi eftirspurn eftir slíkri þjónustu,“ segir Þorleifur
sem er útivistarmaður af lífi og sál. Notar eftirmiðdaginn, þegar stund er
frá störfum, til að hreyfa sig. Gengur þá t.d. á Úlfarsfell en hefur annars
farið um landið þvert og endilangt, stundum sem fararstjóri.
Útivist í eftirmiðdaginn
ÖLLU ER AFMÖRKUÐ STUND, SEGIR KAUPMAÐURINN