Morgunblaðið - 17.03.2015, Qupperneq 23

UMRÆÐAN 23
MORGUNBLAÐIÐ ÞRIÐJUDAGUR 17. MARS 2015
Rauðagerði 25 · 108 Reykjavík · Sími 440 1800 · kaelitaekni.is
Okkar þekking nýtist þéri i
Orkusparnaður
með Nergeco
hraðopnandi
iðnaðarhurðum
Nergeco
• Opnast hratt & örugglega
• Eru orkusparandi
• Þola mikið vindálag
• Eru öruggar & áreiðanlegar
• Henta við allar aðstæður
• 17 ára reynsla við íslen-
skar aðstæður & yfir 150
hurðir á Íslandi
Með hraðri opnun & lokun sem & mikilli einangrun
má minnka varmaskipti þar sem loftskipti verða minni
Intelligent curtain sem
veitir aukið öryggi
Lyf á einungis að taka í samráði
við lækni, þetta hélt ég að allir
sæmilega viti bornir menn vissu.
Það að einkaþjálfarar mæli
með að fólk noti skjaldkirtilslyf
eða auki skammtinn á þeim til að
ná betri árangri í líkamsrækt er
alveg sérkapítuli í vitleysunni,
slíkt fólk þarf hreinlega að nafn-
greina.
Ein áhyggjufull.
Velvakandi Svarað í síma 569-1100 frá kl. 10-12 velvakandi@mbl.is
Lyfjaneysla
Lyf Misnotkun skjaldkirtislyfs olli alvarlegri
hjartabilun og hjartastoppi nýlega.
Fyrrverandi vara-
maður í mannréttinda-
ráði Reykjavíkur-
borgar fékk birta grein
í Morgunblaðinu um
helgina þar sem hann
lá mér á hálsi fyrir að
setja kíkinn fyrir
blinda augað gagnvart
múslimum á Íslandi.
Beindust sjónir
áhyggjumannsins fyrst
og fremst að styrk frá Sádi-Arabíu
sem honum finnst að Félag múslima
á Íslandi eigi að hafna vegna
ástands mannréttindamála þar.
Það kunna vissulega að vera rök
fyrir því að hafna slíkum fjárstuðn-
ingi t.d. vegna þess að honum fylgja
óaðgengileg skilyrði eða vegna þess
að gefandinn hefur óhreint mjöl í
pokahorninu. Má í sjálfu sér taka
undir það. Reykjavíkurborg ræður
hins vegar litlu um það hvaða
styrkjum sjálfstæð félagasamtök
taka á móti.
Í ljósi fyrri skrifa Gústafs verður
að ætla að áhyggjum hans valdi
einkum þær hugmyndir sem hann
gerir sér um íslam og lífsstíl þeirra
sem þau trúarbrögð aðhyllast. Það
er hins vegar svo að á Íslandi er
heimilt að stofna félög í hvaða lög-
mæta tilgangi sem er,
þar á meðal trúfélög.
Er það hluti trúfrelsis
og skoðanafrelsis
manna að þeir fái að
iðka sína trú. Í meg-
inatriðum er enginn
grundvöllur fyrir því
að draga menn í dilka
eftir því hvaða farveg
þeir velja sér í þeim
efnum. Það eru eflaust
allir sammála um að
ástæðulaust er að
gruna alla kaþólska
presta um að vera kynferð-
isbrotamenn þó að upp hafi komist
um skelfileg kynferðisbrot og
barnaníð innan kaþólsku kirkj-
unnar. Með sama hætti er ekki
ástæða til þess að gruna alla músl-
ima um að vilja vega að mannrétt-
indum.
Rétt er að taka undir áhyggjur
áhyggjumannsins af stöðu kvenna,
hinsegin fólks og annarra minni-
hlutahópa víða um heim, þar á með-
al í ríkjum þar sem múslimar eru í
meirihluta. Eins og við ættum að
þekkja hér á landi er kristin trú
(eða hvaða trú sem er) engin ávísun
á vernd minnihlutahópa eða sterka
stöðu kvenna. Íslenskar konur hafa
t.d. þurft að hafa mikið fyrir þeim
réttindum sem þær njóta í dag og
eiga enn nokkuð í land. Hafa margir
bent á dæmi þess að hin ýmsu
trúarbrögð hamli framþróun mann-
réttindamála. Hefur myndast ágæt
samstaða um það hér á landi að leita
sífellt leiða til þess að efla og
styrkja vernd mannréttinda. Var
stofnun mannréttindaráðs Reykja-
víkurborgar viðleitni í þá átt.
Ummæli Gústafs um að ég setji
fjárstuðning framar mannréttindum
dæma sig sjálf. Ekki hefur verið
upplýst um öll atriði sem lúta að
styrknum sem raskaði ró Gústafs.
Það litla sem komið hefur fram ætti
ekki að raska svefnfriði nokkurs
manns. Fagna ég áhuga Gústafs á
mannréttindamálum og vænti þess
að hann sé mér sammála um það að
jafnræði trúfélaga hafi stórlega
aukist með því að fundist hafi prýði-
legir staðir fyrir tilbeiðsluhús ann-
arra trúfélaga en íslensku þjóð-
kirkjunnar. Það er óskandi að slíkt
verði til þess að efla og bæta mann-
réttindi og jafnræði innan borgar-
innar.
Áhyggjumaður lítur í vitlausa átt
Eftir Líf
Magneudóttur »Ummæli Gústafs um
að ég setji fjárstuðn-
ing framar mannrétt-
indum dæma sig sjálf.
Líf Magneudóttir
Höfundur er formaður mannréttinda-
ráðs Reykjavíkur.
Verkefnisstjórn
rammaáætlunar fékk
á dögunum afhentar
tillögur Orkustofn-
unar að virkj-
unarkostum til mats
við þriðja áfanga
rammaáætlunar.
Meðal tillagna Orku-
stofnunar eru Norð-
lingaölduveita og
Kjalölduveita. Nefnd-
ir virkjunarkostir eru áætlaðir í
efri hluta Þjórsár, rétt sunnan við
núverandi mörk friðlandsins í
Þjórsárverum, vestan árinnar, á
því svæði sem enn er ósnortið.
Flokkun virkjunarkosta og land-
svæða í orkunýtingarflokk, bið-
flokk eða verndarflokk fer eftir
lögum um verndar- og orkunýting-
aráætlun. Samkvæmt skýrslu
verkefnisstjórnar við annan
áfanga rammaáætlunar var komist
að þeirri niðurstöðu að virkj-
unarsvæði Norðlingaölduveitu
væri innan landsvæðis Þjórs-
árvera. Á grundvelli þeirrar nið-
urstöðu byggði Alþingi þingsálykt-
un sína frá 2013 um áætlun um
vernd og orkunýtingu landsvæða.
Landsvæðið skal í kjölfarið frið-
lýst. Friðlýsingarferlið er því haf-
ið.
Lögin sem um þetta gilda voru
samþykkt með þeim
skýringum að virkj-
unarsvæði í vatnsafli
miðist við allt vatna-
svið fallvatns ofan
þeirrar virkjunar sem
nýtir fallið og farveg
fallsvatnsins neðan
virkjunar. Áform
Orkustofnunar ganga
því beinlínis gegn
gildandi lögum. Þau
ganga jafnframt gegn
ályktun Alþingis sem
kveður á um að
mannvirki rétt við friðlandið yrði
til lýta og beinir athyglinni að sér-
stæðum fossum í Þjórsá sem yrðu
fyrir neikvæðum áhrifum veitu-
framkvæmda. Hún gengur líka í
berhögg við niðurstöðu verkefn-
isstjóra annars áfanga ramma-
áætlunar sem segir í rökstuðningi
fyrir flokkun Norðlingaölduveitu í
verndarflokk að „hún feli í sér
röskun vestan Þjórsár á lítt
snortnu landi í jaðri Þjórsárvera,
auk áhrifa á sérstæða fossa í
Þjórsá. Kvíslaveitur hafa nú þegar
virkjað þverár sem falla í Þjórsá
að austan, en kvíslum vestan ár
hefur verið hlíft. Virkjunarkostur
sem liggur á jaðri svæðis með hátt
verndargildi sem menn eru sam-
mála um að eigi að njóta friðunar.
Mannvirki rétt við friðland yrðu
til lýta. Því þykir rétt að vernd á
svæðinu verði látin hafa forgang.“
Það er því deginum ljósara að
nefndir virkjunarkostir sem Orku-
stofun vill enn láta meta eru vest-
an við Þjórsá og fela í sér röskun
á lítt snortnu landi í jaðri hinna
dýrmætu Þjórsárvera, auk áhrifa
á sérstæða fossa í Þjórsá, m.a.
hinn margrómaða foss Dynk. Þeir
eru á landsvæði sem skal friðlýsa
skv. lögum. Þetta gengur ekki!
Orkustofnun fer augljóslega
gegn vilja löggjafans. Það sem
verra er, stofnunin fer gegn anda
laganna. Rauði þráður þeirra laga
sem hér um ræðir er almenn sátt
um virkjunarmál, samræming
landsvæða og langtímasjónarmið.
Þessa sátt má ekki rjúfa. Ég hvet
Orkustofnun til að bæta ráð sitt,
að fara að lögum og gæta með-
alhófs í sínu mikilvæga starfi fyrir
land og þjóð.
Orkustofnun fari að lögum
Eftir Tryggva
Felixson »Með tillögu um að
virkjunarkostir í efri
hluta Þjórsár komi til
mats í rammaáætlun fer
Orkustofnun gegn
lögum, gætir ekki með-
alhófs og boðar til
ófriðar.
Tryggvi Felixson
Höfundur situr í stjórn félagsins Vin-
ir Þjórsárvera.