Reykjalundur - 01.06.1961, Page 39

Ingólfur Jónsson frá Prestbakka:
SÍBS
Samtök sjúkra
til sjálfsbjargar.
Stofnuð til stuðnings
stofnuð til sóknar.
Vörn í veikleika,
vígi í stríði.
Hrynja skal hásæti
hvíta dauðans.
Sótt er til sigurs
sífellt hærra.
Rís Reykjalundur
rausnargarður.
Vandir að verki
vistmenn eru.
Efla því eigin
og alþjóðar hag.
Reykjalundur
Gott er að geta
gengið að starfi
heill í huga
og hjartastyrkur.
Að eiga ekki
yfir höfði
orðlaust angur
þess aflvana.
Vökul er vitund
og vilji þjóðar.
Viti hún veginn
vel hún ratar.
Leggur liðsinni;
lætur af mörkum
arð sinnar atvinnu
í aflgjafa.
Það hefur þjóðin
þekkt af reynslsu,
— samhjálp sjúkra
er sæmd og trygging.
Hönd skal af hendi
hjálpar vænta.
Enginn skal óstuddur
sé annars kostur.
Samtök sjúkra
til sjálfsbjargar.
Stofnuð til stuðnings,
stofnuð til sóknar.
Vörn í veikleika,
vígi í stríði.
Hrynja skal hásæti
hvíta dauðans.
37