Húnavaka - 01.05.1961, Blaðsíða 45

HÚNAVAKA
43
Oft hefir verið um það rætt á undanförnum árum, að nauðsynlegt
væri að byggja hér sundlaug, en málið hefir svo ekki komist lengra,
ekkert hefir verið gert. En þetta virðist þó engan veginn vera ofraun
fyrir okkur Blönduósinga — að koma upp okkar eigin laug — enda
fjölmörg kauptún af okkar stærð og minni, sem hafa fyrir löngu eignast
þessi sjálfsögðu þægindi Má benda á það, sem næst er, Skagaströnd,
sem mörg undanfarin ár hefir átt og starfrækt sundlaug. Stærð henn-
ar er 5x12,5 metrar, og er hún starfrækt ca. 1 mánuð á ári hverju,
óslitið, og svo ef til vill eitthvað þar fyrir utan. Reksturskostnaður hefir
numið 10—12 þúsund krónum árlega, en upp í þetta kemur svo styrk-
ur frá sýslunni, sem hefir verið 8 þús. krónur árlega. Fyrir utan þennan
kostnað eru svo laun kennara, viðhald og fleira.
Það verður að taka með í kostnaðarhliðinni, að laugin fær heitt af-
gangsvatn frá frystihúsinu, sennilega með góðu verði, og gerir það sitt
til þess að halda reksturskostnaðinum niðri.
Mörgum finnst ef til vill þessi laug of lítil, og satt er það, ekki er
hún stór, en eftir því sem laugin er stærri, verður uppgufun úr henni
meiri, og því upphitun vatns og reksturskostnaður meiri, verður því
að stilla stærðinni í hóf, þótt segja megi að ekki muni miklu á stofn-
kostnaði, þótt um nokkru stærri laug væri að ræða. Lika má benda á
í þessu sambandi, að stærri staðir, svo sem Ke-flavík hafa látið sér
nægja stærðina 6x12,5 metra.
A almennum sveitafundi, sem haldinn var hér á Blönduósi í síðast-
liðnum mánuði var upplýst af oddvita, að nauðsynlegt væri að stækka
barnaskólahúsið allverulega, og það helzt á næsta ári. Börnunum fjölg-
ar ört og húsrými skólans er orðið ófullnægjandi nú þegar.
I þessu sambandi bar ég fram þá tillögu, hvort ekki væri hægt að
byggja þarna um leið sundlaug við skólann, það hefði marga kosti í
för með sér, svo og sparnað, t.d. mundu sparast búningsklefar, herbergi
fyrir umsjónarmann, klósett o. fl., en allt þetta mundi skólinn geta
lagt til. Líka hefir verið minnst á að reyna að nýta afgangshita frá
gufukatli Mjólkurstöðvarinnar til upphitunar, en órannsakað er enn
hvort þetta er hægt, en væri svo, þyrfti auðvitað að byggja laugina
ekki langt frá, væri hægt að ná samningum við stjóm samlagsins um
afnot hitans.
Og þá kemur stóra spurningin, hvað mundi þetta kosta? Um það er
ekki hægt að segja, því kostnaðaráætlun hefur engin verið gerð, en hér
er óneitanlega til mikils að vinna fyrir okkur hreppsbúa, þótt nokk-