Húnavaka - 01.05.1961, Side 48

46
H Ú N AVA K A
Þá hafa farið með hlutverk í mörg ár: Helga Guðmundsdóttir,
Nanna Tómasdóttir, Guðrún Einarsdóttir, Þorgerður Sæmundsen,
Snorri Arnfinnsson, Hjálmar Eyþórsson, Skúli Pálsson, Baldur Sigurðs-
son, Osk Skarphéðinsdóttir, Sigurgeir Magnússon og Þórður Pálsson.
Þótt þessi nöfn séu nefnd eru fjölmargir fleiri, bæði konur og karlar,
sem komið hafa á sviðið í fleiri eða færri skipti.
En það eru líka fleiri en leikararnir, sem hafa í mörg ár starfað að
þessum málum og lagt þeim lið, má ])ar til nefna hvíslara, Ara Guð-
mundsson, leiksviðsmenn Guðmann Hjálmarsson og Ottó Finnsson og
aðra hjálparmcnn og konur, sem veitt hafa mikla hjálp við búninga
og fleira.
Margir hafa sýnt leikfélaginu hlýhug og margar eru þær húsmæður,
sem hafa veitt kaffi til hressingar á æfingum og sýningardögum. Ollu
þessu fólki er leikfélagið mjög þakklátt, skilningur og hlýhugur fólks-
ins er ómetanlegur stuðningur í hverju starfi. Auk þeirra félaga, sem
nú hafa verið nefnd, hafa oft sýnt hér smærri leikrit, kvenfélagið
Vaka, kvennaskólinn og barnaskólinn o. fl. Leikfélagar hafa jafnan að-
stoðað þessa aðila með láni á leiktjöldum og fatnaði og andlitsförðun.
Samkomuhúsið var byggt árið 1926 og þar hefur jafnan verið leik-
ið siðan. I mörg ár var íbúð á neðri hæð hússins og því ekkert búnings-
herbergi fyrir leikara. Var oft erfiðleikum bundið að útbúa stóran
hóp leikenda, oftast 12—16 manns og nú finnst manni næstum óskilj-
anlegt, hvernig hægt var að framkvæma mörg þessi verkefni við slík-
ar aðstæður.
En bak við þessa starfsemi lágu sterk öfl. Það var ákveðin hugsjón
þessa fólks að leiksýningar væru til menningarauka í héraðinu og var
því alltaf leitast við að velja leikrit og flytja þau svo vel, sem aðstæð-
ur og kraftar leyfðu.
Allt þetta starf hefur verið leyst af hendi endurgjaldslaust af vinn-
andi fólki, sem hefur varið til þess sinum hvíldartíma, og starfið hef-
ur verið mikið. Það er áreiðanlegt að fæstir áhorfenda renna huga til
þess, hversu mikil vinna stendur á bak við flutning á 2—3 tíma sjón-
leik, og hversu miklum erfiðleikum það er háð, að fá á hverjum
tíma góða krafta í öll hlutverk í jafn fámennu kauptúni, sem hér er.
Það mun ekki fjarri lagi áætlað, að hver þátttakandi í einu slíku leik-
riti fórni sem svarar 130 vinnustundum til æfinga og sýninga og þar
að auki er svo öll undirbúningsvinna við leiksvið, búninga og fleira.