Húnavaka - 01.05.1961, Síða 63

HÚNAVAKA
61
ekkert um það að fóðra nokkra góðhesta á búum sínum, og það eiga
þeir að gera. Þeir munu innan langs tíma sjá að það er misskilinn
metnaður að eiga stóðhrossahjarðir til þess eins að framleiða kjöt, sem
fáir vilja borða. Það er a. m. k. aðeins hægt í góðæri.
En að leggja metnað sinn í það að endurreisa hestamennskuna í
þessu hrossahéraði, er einn þátturinn í þeirri glæsilegu þróun, sem
þið munuð verða þátttakendur í að móta á komandi árum. Þeirri þró-
un, sem mun gera hérað ykkar, ungu Húnvetningar, — ykkar arfleifð
— að einum glæsilegasta hluta okkar góða lands.
Til hamingju með hlutverkið.