Dagblaðið Vísir - DV - 24.04.2009, Page 30

föstudagur 24. apríl 200930 Fókus
um helgina
Útskriftartónleikar í salnum
Sólborg Valdimarsdóttir píanóleikari heldur útskriftartón-
leika sína frá Listaháskóla Íslands í Salnum í Kópavogi í kvöld,
föstudag. Á efnisskránni eru verk eftir Beethoven, Bach-Busoni,
Mendelssohn, Debussy, Liszt og Janácek. Nú í vor útskrifar tón-
listardeild LHÍ nítján nemendur. Tónleikarnir eru tólf talsins og
standa til 14. maí. Tónleikarnir í kvöld hefjast klukkan 20.
samið um
laxness
Erfingjar Halldórs Laxness undirrit-
uðu í gær nýjan samning við Vöku-
Helgafell um útgáfu verka hans á
komandi árum. Til að fagna und-
irrituninni kom eitt af smásagna-
söfnum skáldsins, Sjöstafakverið,
út í kilju. Bókin verður seld á aðeins
499 krónur. Jafnframt verður öllum
landsmönnum gert kleift að hala
niður án endurgjalds lestri Hall-
dórs á Atómstöðinni á vef Forlags-
ins á tímabilinu 23. apríl til 1. maí.
Hundrað og sjö ár voru í gær liðin
frá fæðingu Nóbelsskáldsins.
list án
landamæra
Sjötta hátíð listahátíðarinnar
Listar án landamæra var sett í
Iðnó í gær. Hátíðin er haldin um
allt land og í boði eru leikverk,
myndlistarsýningar, handverks-
sýningar, tónleikar, trommu-
dans, geðveik kaffihús og svo
mætti lengi telja. Á hátíðina
koma erlendir gestir frá Árós-
um í Danmörku og frá Kulusuk á
Grænlandi og halda hér mynd-
listasýningu, sýna leikgjörning og
kynngimagnaðan trommudans.
Frítt er á alla viðburði hátíðar-
innar en dagskrána má kynna sér
nánar á listanlandamaera.blog.is.
norrænir
glæpahöfundar
berjast
Jo Nesbø og Lisa Marklund slást um
fyrsta sæti metsölulista Eymunds-
son þriðju vikuna í röð. Í þetta skipti
hafði Nesbø betur og sest nú í annað
sinn í hið eftirsótta sæti sem hann
átti einnig fyrir tveim vikum. Mark-
lund fellur hins vegar úr fyrsta sæti
niður í það annað en aðeins sex
eintök skilja á milli þessara norsku
og sænsku glæpasagnahöfunda sem
keppast við að halda vöku fyrir ís-
lenskum lesendum. Í þriðja sæti er
Dóttir hennar, dóttir mín eftir Dor-
othy Koomson, þar á eftir er þriðja
glæpasagan á topp fimm, Karlar sem
hata konur eftir Stieg Larsson, en
í fimmta sæti er svo Stóra mynda-
orðabókin.
Aldan, eða Die Welle, er byggð á
þekktri skáldsögu sem svo byggist
á þekktri tilraun. Áhugasamir geta
Wikipedað sig í gegnum málið. Hér
er hins vegar búið að færa söguna til
Þýskalands þar sem hún hefur tölu-
vert meira vægi.
Ungur og metnaðarfullur kenn-
ari nýtir sér nýja aðferð til þess að
ná til nemenda sinna á þemaviku í
skólanum. Hann á að kenna þeim
um einræði og í stað hefðbundinn-
ar kennslu, búa nemendurnir til
eins konar flokk þar sem kennar-
inn er einvaldur. Krakkarnir eru á
viðkvæmum aldri, öll að kljást við
sín vestrænu unglingavandamál,
en innan flokksins, sem fær nafnið
Aldan (Die Welle), finna allir nýjan
styrk. Smátt og smátt verða þau heill-
aðri af þeirri hugmyndafræði sem
kennarinn ber á borð og kennarinn
sjálfur, Rainer, gleymir sér í hama-
ganginum. Án þess að gera sér grein
fyrir því hvað nákvæmlega var í húfi,
hefst svo æsipennandi atburðarás
í kringum nemendurna og kennar-
ann. Línan milli þemavikunnar og
raunveruleikans verður æ óskýrari,
sumir nemendur taka Öldunni of
alvarlega á meðan enn aðrir setja sig
harkalega upp á móti henni.
Die Welle er án nokkurs vafa ein
af sterkari kvikmyndum á Græna
ljósinu í ár. Sagan er sögð á vand-
aðan og yfirvegaðan hátt, stíll sem
Þjóðverjar hafa fullkomnað og stytt-
ist í að þeir geti kallað sinn eigin. Hér
er á ferðinni einhvers konar heiðar-
legt uppgjör við meðal annars nas-
ismann, sem er eins brothættur og
vandmeðfarinn og hugsast getur. En
á einhvern lævísan hátt verður þessi
hæga og vandaða mynd rosalega
áhrifarík. Jurgen Vogel, sem fer með
hlutverk kennarans, er magnaður
leikari og í raun er ekki feilnóta sleg-
in í leiknum alla myndina. Die Welle
er toppmynd fyrir toppfólk.
Dóri DNA
Þýska undiraldan
Die Welle
Leikstjórn: dennis gansel
Aðalhlutverk: Jürgen Vogel, frederick
lau, Max riemelt, Jennifer ulrich
Sýnd á Bíódögum Græna ljóssins
kvikmyndir
Die Welle
toppmynd fyrir toppfólk.
„Mitt verk fjallar um sextugan vöru-
bílstjóra sem vaknar upp sem 15 ára
unglingsstelpa eftir að hann deyr,“
segir Sigtryggur Magnason, rithöf-
undur, leikskáld og aðstoðarmaður
Katrínar Jakobsdóttur menntamála-
ráðherra, um verkið sitt Eftir lífið.
Verkið er partur af verkefninu Þjóð-
leikur sem Þjóðleikhúsið stendur fyr-
ir á Austurlandi.
Sigtryggur hefur starfað við fjöl-
miðla og skriftir í rúm tíu ár en í byrj-
un febrúar ákvað hann að róa al-
gjörlega á ný mið. Þá gerðist hann
aðstoðarmaður menntamálaráð-
herra eftir að stjórn Samfylkingar
og Sjálfstæðisflokks sprakk í kjölfar
búsáhaldabyltingarinnar. Sigtryggi
líkar nýja starfið og segir það heiður
fái hann að starfa áfram með Katrínu
eftir kosningar.
Hundruð ungmenna
„Þjóðleikur er verkefni sem snýst
um leikhús ungs fólks og er byggt á
breskri fyrirmynd. Það er að segja
fyrirmynd frá Þjóðleikhúsinu þar
í landi,“ segir Sigtryggur en það er
Vigdís Jakobsdóttir, deildarstjóri
fræðsludeildar Þjóðleikhússins, sem
sér um verkefnið. „Þjóðleikhúsið
pantaði þrjú verk. Þar á meðal eft-
ir mig,“ útskýrir Sigtryggur frekar en
auk hans voru sett upp verkin Ísvél-
in eftir Bjarna Jónsson og Dúkku-
lísa eftir Þórdísi Elvu Þorvaldsdóttur
Bachmann.
Verkefnið var svo unnið í samstarfi
við Menningarmiðstöð Fljótsdals-
héraðs (miðstöð sviðslista á Austur-
landi) og Vaxtarsamning Austurlands
veturinn 2008-2009. Verkefnið nær
til alls Austurlands, allt frá Vopnafirði
til Hafnar í Hornafirði. „Það voru svo
13 leikhópar sem tóku þátt í verkefn-
inu og þar af eru það fimm sem sýna
verkið mitt,“ en flest leikritanna voru
frumsýnd í febrúar og mars á þessu
ári. „Ég hef reyndar ekki enn fengið
tækifæri til þess að sjá uppfærslu á
verkinu en það breytist núna á föstu-
daginn.“
Um helgina er svo uppskeruhátíð
Þjóðleiks og munu leikhóparnir 13
sýna verkin þrjú alls 28 sinnum á Eg-
ilsstöðum. Minnst eru átta leikarar í
hverjum hópi en þeir eru á aldrinum
13 til 20 ára. Auk þess eru umsjón-
armenn, tæknimenn, sviðsmenn og
fleiri sem koma að hverri sýningu.
Það verða því um 200 ungmenni sem
taka þátt í uppskeruhátíðinni sem
Þjóðleikhúsið hefur kallað stærstu
leiklistarhátíð Íslandssögunnar.
Hægt er að kaupa miða á hátíð-
ina í Sláturhúsinu á Egilsstöðum en
hann kostar aðeins 2.000 krónur og
gildir á allar sýningarnar 28.
Lærdómsrík skrif
„Fyrir mig var þetta nokkuð lær-
dómsríkt. Þetta fékk mig til að fjalla
um annað en þær myrku hliðar
veruleika fullorðins fólks sem ég er
Vörubílstjóri Verður
unglingsstúlka
Sigtryggur Magnason, leikskáld og að-
stoðarmaður Katrínar Jakobsdóttur
menntamálaráðherra, á eitt verkanna í
Þjóðleik Þjóðleikhússins. Uppskeruhátíð
Þjóðleiks er um helgina en þar er um að
ræða stærstu leiklistarhátíð Íslandssög-
unnar. 13 leikhópar unglinga hafa sýnt
þrjú verk um allt Austurland undanfarna
mánuði en verkin verða sýnd 28 sinnum
um helgina.