Dagblaðið Vísir - DV - 24.04.2009, Side 56

föstudagur 24. apríl 200956 Helgarblað
HIN HLIÐIN
Í megrun
síðan 1977
Nafn og aldur?
„Gunnar Lárus Hjálmarsson 43 ára.“
Atvinna?
„Tónlistarmaður o.s.frv.“
Hjúskaparstaða?
„Giftur.“
Fjöldi barna?
„Tvö.“
Hefur þú átt gæludýr?
„Nokkur hornsíli úr tjörninni hjá Norræna-húsinu.
Þau drápust á ógnarhraða. “
Hvaða tónleika fórst þú á síðast?
„Jónatan Richman á Rósenberg.“
Hefur þú komist í kast við lögin?
„Tja, varla. Einu sinni kom löggan þegar við ungl-
ingarnir í S.H. draumi vorum að líma upp plaggöt á
Laugavegi. Þetta var 1983. Við vorum færðir niður á
stöð í skýrslutöku og öll plaggötin og límið tekið af
okkur. Þetta er nú allt.“
Hver er uppáhaldsflíkin þín og af hverju?
„Köflótt peysa frá Mod-merkinu Ben Sherman. Bæði
töff og þægileg. “
Hefur þú farið í megrun?
„Ég hef verið í megrun síðan 1977.“
Hefur þú tekið þátt í skipulögðum mótmælum?
„Stundum hef ég staðið í hópi og hlustað á fólk sem
er mikið niðri fyrir. En ég var þögull þátttakandi í
búsáhaldabyltingunni. Ég var nú bara í vinnunni eða
heima með fjölskyldunni. Maður hefði betur stokk-
ið aðeins í þetta og lamið með. Það væri kúl að hafa
þetta í ferilskránni.“
Trúir þú á framhaldslíf?
„Nei. En vonandi verður mér komið á óvart með stór-
fenglegu eftirlífi. Mér finnst ekkert leiðinlegt að vera
ég.“
Hvaða lag skammast þú þín mest fyrir að hafa haldið
upp á?
„Kannski Smells like teen spirit. Þetta þunglyndisvæl
í Kurt þykir mér ógeðslega leiðinlegt í dag en ég fílaði
það á sínum tíma.“
Hvaða lag kveikir í þér?
„Það kveikir ekkert lag í mér, bókstaflega, en það væri
náttúrlega svakalegt ef maður myndi bara fuðra upp
við það eitt að heyra kannski Rehab með Amy Wine-
house. Upp á síðkastið hef ég fílað Lady Gaga lagið
Poker face af því dóttir mín 2 ára kann það utan að.“
Til hvers hlakkar þú núna?
„Ég hlakka til fótsnyrtingar sem ég hef lofað sjálfum
mér þegar ákveðinni vinnutörn er lokið.“
Hvaða mynd getur þú horft á aftur og aftur?
„Engin mynd er nógu góð til þess, en ég get alveg
horft á bestu Simpsons þættina oft.“
Afrek vikunnar?
„Ég snappaði ekki.“
Hefur þú látið spá fyrir þér?
„Nei.“
Spilar þú á hljóðfæri?
„Já, bassa, gítar og úkúlele einna helst.“
Viltu að Ísland gangi í Evrópusambandið?
„Ég vil að minnsta kosti fá að meta það út frá stað-
reyndum um samningsatriði en ekki hlusta á enn
eina umræðuna þar sem Ragnar Arnalds eða Bjarni
Harðarson koma með gömlu frasana á móti þessu.
Skrifaðu þig svo á Sammála.is.“
Hvað er mikilvægast í lífinu?
„Að vera almennilegur og vera í góðu skapi.“
Hvaða íslenska ráðamann mundir þú vilja hella full-
an og fara á trúnó með?
„Biskupinn.“
Hvaða fræga einstakling myndir þú helst vilja hitta og
af hverju?
„Paul McCartney í sögustund og einkagigg.“
Hefur þú ort ljóð?
„Já, ætli það megi ekki kalla það það.“
Nýlegt prakkarastrik?
„Ekkert, en ég er alltaf á leiðinni að kaupa mér gervi-
kúk. Sá gamli er týndur.“
Hvaða fræga einstaklingi líkist þú mest?
„Dr. Gunna“
Ertu með einhverja leynda hæfileika?
„Ég þyki afburðamaður í hniti.“
Á að leyfa önnur vímuefni en áfengi?
„Er ekki upplagt að leyfa gras? Ég segi það fyrir mig
að ég myndi alveg vilja kaupa eðal gras í Björk í
Bankastræti einu sinni á ári frekar en þennan leiðin-
lega vímugjafa áfengi, sem hér er leyfður í hrópandi
ófrumleika. Áfengi hefur rústað mun fleiri lífum en
gras þótt það megi vitanlega misnota það líka með
einbeittum vilja.“
Hver er uppáhaldsstaðurinn þinn?
„Hawaii og aðalbláberjabrekka á Vestfjörðum í end-
aðan ágúst.“
Hvað er það síðasta sem þú gerir áður en þú ferð að
sofa?
„Horfa á ameríska leikara krukka í plat-líku“
Hver er leið Íslands út úr kreppunni?
„Algjör landhreinsun og gagnger uppræting fávit-
isma. Það eða þotan til Kanada.“
Gunnar Lárus HjáLmarsson, betur þekktur sem Dr. Gunni, Gaf út á DöGunum
breiðskífuna „Dr. Gunni inniHeLDur...“ Doktorinn Hefði ekkert á móti því að
Hitta sir PauL mccartney oG fara á trúnó með biskuPnum.
30 days
Apótekin & Heilsubúðirnar
www.leit.is · Smellið á ristilvandamál
Á gamla gamla verðinu.
30 days
Losnið við hættulega kviðfitu og
komið maganum í lag með því
að nota náttúrulyfin Oxytarm og 30
days saman.
NICOLAI
Véla- og hjólastillingar
Tímareimar - Viðgerðir
BIFREIÐASTILLINGAR
Faxafeni 12 Sími 588-2455
Oxy tarm
Apótekin & Heilsubúðirnar
www.leit.is · Smellið á ristilvandamál
Á gamla gamla genginu.
Oxy tarm
Endurnærir og hreinsar ristilinn
Allir dásama oxy tarmið