Dagblaðið Vísir - DV - 29.05.2009, Blaðsíða 4

Föstudagur 29. maí 20094 Fréttir
Sandkorn
n Þeir sem áttu von á því að
gagnsæi yrði ráðandi í íslensku
stjórnkerfi hafa líkast til orðið
fyrir vonbrigðum þegar Hulda
Gunnarsdóttir, forstjóri Land-
spítalans, neitaði að upplýsa
um kjör
Einars Karls
Haralds-
sonar, fyrr-
verandi
aðstoð-
armanns
iðnaðar-
ráðherra,
sem nú á að
verða eins konar upplýsinga-
stjóri spítalans. Mikil dulúð
hvílir yfir ráðningunni sem
farið hefur fram um bakdyr.
Ögmundur Jónasson heil-
brigðisráðherra er einn ákafasti
talsmaður þess að spilling verði
upprætt og ekki verður því trú-
að að hann hafi þarna hönd í
bagga.
n Undarleg ráðning Einars
Karls Haraldssonar í gælu-
verkefni Landspítalans er í
anda þess sem Ólafur Ragn-
ar Grímsson, forseti Íslands,
gagnrýnir í viðtali við Mannlíf.
Forsetinn vekur athygli á því að
flokksræði
hafi gegn-
sýrt íslenskt
samfélag.
Þannig hafi
flokkarnir
blygðunar-
laust skipað
sína menn
í störf á
vegum ríkisins. Ólafur Ragnar
nefnir engin nöfn en það þarf
ekkert sérstakt hugmyndaflug
til þess að þeir Ólafur Börkur
Þorvaldsson, frændi Davíðs
Oddssonar, og Jón Steinar
Gunnlaugsson, vinur Davíðs,
komi upp.
n Þingheimur þótti verða sér
til stórskammar þegar einung-
is þrír þingmenn tóku þeirri
áskorun
að koma
að styttu
Jóns Sig-
urðssonar
á Aust-
urvelli
og kaupa
merki til
styrktar
Fjölskylduhjálp Íslands. Með-
al þeirra sem ekki mættu var
mannvinurinn Atli Gíslason,
alþingismaður Vinstrihreyf-
ingarinnar - græns framboðs.
Hann var ekkert að skafa utan
af hlutunum í Í bítið á Bylgj-
unni og sagði að málið væri
skammarlegt. Hann sagði
að sjálfur hefði hann verið
upptekinn á fundi þegar sala
merkjanna átti sér stað.
Dagsflutnigar
897 8866
Dagur bílstjóri
dagur@dagsflutningar.com
www.dagsflutningar.com
Þjónusta einstaklinga og fyrirtæki
Hvar sem er hvenær sem er
2 tonna lyfta
Rafmagnstjakkur
Heilopnun
Mæðginin Aníta K. Jónsdóttir og 11 ára sonur hennar Nabil Omar Anítuson, leita að
reiðhjóli Nabils sem var stolið úr hjólageymslunni þeirra í Gullsmára um síðustu helgi.
Nabil er mjög leiður yfir því að hjólinu hafi verið stolið, enda fékk hann það í afmælis-
gjöf síðasta haust og nú þegar skólinn er að klárast er bekkurinn að fara í hjólaferð sem
hann kemst ekki með í. Mæðginin biðja þann sem finnur hjólið að skila því.
„Það er hjólaferð hjá stráknum
með bekknum sínum um næstu
helgi og hann er auðvitað alveg
ferlega fúll. Ég veit ekki hvað
ég á að gera í þessu,“ segir An-
íta K. Jónsdóttir. Mæðginin An-
íta og 11 ára sonur hennar, Na-
bil Omar Anítuson, lentu í þeirri
leiðinlegu reynslu um síðustu
helgi að hjóli Nabils var stolið úr
hjólageymslunni í blokkinni þar
sem þau búa í Gullsmára í Kópa-
vogi.
Þetta kemur upp á versta tíma
fyrir Nabil, enda sumarið kom-
ið og fátt meira svekkjandi fyrir
11 ára strák en að missa hjólið
sitt. Aníta er að vonum hunds-
vekkt. Ólukkan hefur elt þau
síðan Nabil fékk hjólið, en það
hefur áður verið tekið ófrjálsri
hendi, jafnvel þótt hann hafi að-
eins átt það í nokkra mánuði.
„Hann fékk hjólið í afmælisgjöf
frá allri fjölskyldunni sinni síð-
asta haust, svo það er alveg nýtt.
Þetta er í annað skiptið sem
hjólinu er stolið, í fyrra skiptið
fannst hjólið sem betur fer fyrir
utan Kópavogskirkju, en nú hef-
ur það verið týnt í viku og eng-
inn séð til hjólsins,“ segir hún.
Læst inni í hjólageymslu
„Hjólið var læst inni í hjólageymsl-
unni í blokkinni um helgina, en
samt var það tekið,“ segir Aníta
undrandi. Hún hefur þegar haft
samband við lögregluna vegna
málsins og fékk þau skilaboð það-
an að mjög mikið væri um að reið-
hjólum væri stolið. „Þetta er rosa-
lega svekkjandi, nýtt svona hjól
kostar núna 50 þúsund krónur, en
við sameinuðumst fjölskyldan í
fyrra um að gefa honum það í af-
mælisgjöf,“ segir hún.
Hjól Nabils er hvítt Trek-fjalla-
hjól á 16 tommu gjörðum, eins
og það sem sést á myndinni; ekta
hjól fyrir 11 ára strák. „Krakkarn-
ir í hans vinahópi eru mikið úti og
alltaf að hjóla,“ segir Aníta.
Vinsamlega skilið hjólinu
Fjölskyldan er með innbústrygg-
ingu sem á að bæta fyrir hjólið, en
Aníta þarf engu að síður að greiða
um sautján þúsund krónur í sjálfs-
ábyrgð, en það er hátt upp í það
verð sem hún keypti hjólið á fyr-
ir tæpu ári. Í erfiðu árferði er ekki
auðvelt fyrir einstæða móður að
standa straum af slíkum kostn-
aði. En hún vonast til þess að geta
fundið hjólið aftur. „Ég get ekki
keypt annað hjól handa honum
það kostar núna 50 þúsund sama
hjólið, við fengum það á góðum af-
slætti í fyrra. Ég er að hugsa um að
setja upp auglýsingar hér í kring,
en ég veit ekki hvort það þýðir eitt-
hvað. Ef einhver finnur hjólið bið
ég viðkomandi um að skilja það
eftir fyrir utan blokkina okkar eða
hringja í mig. Maður er ekki í stöðu
til að bjóða nein fundarlaun fyrir
svona,“ segir Aníta.
VALGEIR ÖRN RAGNARSSON
blaðamaður skrifar: valgeir@dv.is
„Ef einhver finnur
hjólið bið ég viðkom-
andi um að skilja það
eftir fyrir utan blokk-
ina okkar eða hringja
í mig.“
11 ÁRA LEITAR AÐ
STOLNU REIÐHJÓLI
Trek Hjólið sem stolið var af Nabil er eins og það sem sést á myndinni.
„Við vorum bara að labba í Smáralind-
ina þegar við rákumst á hann í stig-
anum hjá Turninum,“ segir Valgerður
Gestsdóttir, 16 ára stúlka úr Kópavog-
inum, en hún og vinkona hennar
fundu þrastarungann Hávarð á dög-
unum. Unginn er aðeins nokkurra
daga gamall en heilsast vel þrátt fyrir
örlítið öðruvísi aðstæður en slíkir fugl-
ar eiga að venjast.
„Við héldum að hann væri væng-
brotinn í fyrstu, en það var svo allt í
lagi með hann,“ segir Valgerður sem
tínir maðka úr garðinum heima hjá sér
til að fæða Hávarð. „Svo finnst honum
líka rosalega gott að fá blautt brauð.“
Valgerður segir að hún reyni að venja
fuglinn við náttúruna og leyfi hon-
um að labba um í garðinum. „Við för-
um með hann út reglulega og venjum
hann á að finna sjálfur mat, labba um í
trjánum og svo framvegis.“ Aðspurð út
í nafnið Hávarður segir Valgerður að
það hafi komið til vegna hávaðans sem
fylgir honum. „Við ákváðum að finna
nafn sem tengdist honum, Hávarður
passaði mjög vel því hann er svo há-
vær þegar hann er svangur,“ segir Val-
gerður hlæjandi.
Hún býst þó ekki við því að halda
fuglinum lengi á heimilinu. „Um leið
og hann verður fleygur ætlum við
að sleppa honum út. Við höldum að
hann verði hjá okkur hér í sumar og
fljúgi eitthvað í haust. Ef hann kem-
ur aftur á næsta ári, þá ætlum við að
smíða lítið fuglahús sem hann getur
verið í hvenær sem hann vill,“ segir
Valgerður og tekur fram að hún muni
eflaust sakna hans mikið þegar hann
flýgur út í heim.
bodi@dv.is
Unglingsstúlka hefur tekið ófleygan þrastarunga í fóstur:
sextán ára þrastarmamma
Mikið fyrir blautt brauð Hávarði finnst rosalega gott að fá blautt brauð og orma.
Svekkt mæðginin leita að nýja
reiðhjólinu hans Nabils.