Dagblaðið Vísir - DV - 29.05.2009, Blaðsíða 34

Föstudagur 29. maí 200934 Helgarblað
Úr Debenhams í
Hinn 23 ára gamla Katrín Ragnarsdóttir hætti hjá versluninni Debenhams í ársbyrjun og hóf nám
í skipstjórn. Hún segir það nokkuð skrítið að vera yfirleitt eina stelpan í tímum en strákarnir taki
henni afar vel. Katrín er einnig í fullu háskólanámi í spænsku og í sumar kennir hún ensku í Kína
og fer í ævintýraferð um Suðaustur-Asíu. Skiptinám í Kostaríka er svo í deiglunni fyrir haustið.
Katrín Ragnarsdóttir Fór í
fyrsta trillutúrinn með pabba
tíu ára gömul. MYND SigtRYgguR ARi
„Ég get ekki sagt að mikið úr Deben-
hams-starfinu nýtist í skipstjórnar-
náminu. Þetta tengist auðvitað eng-
an veginn,“ segir Katrín Ragnarsdóttir,
tuttugu og þriggja ára gömul stúlka
sem er í námi sem ekki margar kon-
ur hafa lokið í gegnum tíðina. Katrín
skráði sig nefnilega í skipstjórnarnám
við Skipstjórnarskólann, sem er einn
af svokölluðum undirskólum Tækni-
skólans, í janúar síðastliðnum en
hún var þá starfsmaður Debenhams
í Smáralind.
Ástæðuna fyrir þessum vistaskipt-
um segir Katrín tilkomna vegna þess
að í desember síðastliðnum var hún
lækkuð í launum í Debenhams þar
sem hún gegndi yfirmannsstöðu.
Hún bað þá um að sér yrði sagt upp
í stað þess að taka á sig launalækkun
sem var samþykkt, vann út febrúar í
versluninni, skráði sig í Skipstjórnar-
skólann í millitíðinni og hóf námið í
janúar.
Eina stelpan í tímum
Katrín segir það vissulega nokkuð
skrítið að vera komin í þetta nám sem
karlmenn hafa svo gott sem einokað
í gegnum tíðina. „Ég er yfirleitt eina
stelpan í öllum tímum,“ segir hún en
bætir við aðspurð að hún hafi bara
gaman af því. „Strákarn-
ir taka geðveikt vel í þetta.
Þeir eru rosalega fínir og
finnst það bara fyndið og
skemmtilegt að það sé
stelpa með þeim í tímum
eins og aflameðferð og
vélstjórn,“ segir Katrín sem
neitar því ekki að það hafi
verið nokkuð skrítið, þeg-
ar hún var enn í Deben-
hams samfara náminu, að
selja tískuföt kannski fyrir
hádegi og vera svo að læra
um vélar í frystitogurum
eftir hádegi.
Katrín hefur mætt á
skemmtanir á vegum
nemendafélags Skip-
stjórnarskólans og kveðst
ekki geta neitað því að
hafa fengið smá athygli
þar frá piltunum. „Ég
mæli með þessu fyrir all-
ar stelpur sem vilja kom-
ast á séns,“ segir Katrín í
léttum dúr.
tíu ára á sjónum
Hugmyndinni um að skrá sig í nám
sem tengist sjómennsku laust ekki
algjörlega fyrirvaralaust niður í huga
Katrínar. Hún vann nefnilega við sjó-
mennsku fyrir um þremur árum með
pabba sínum sem á litla trillu. Allt í allt
var hún á sjónum í um það bil ár, oft-
ast á línuveiðum, en túrarnir voru frá
dagtúrum og upp í vikulanga túra. „Ég
hef líka farið við og við út á sjó með
pabba alveg frá því ég var tíu ára og
alltaf fundist þetta ótrúlega skemmti-
legt.“ Katrín á fimm systur en þær
deila þessum áhuga ekki með henni.
„Engin þeirra hefur nokkurn tíma far-
ið með pabba í túr. Ég held að þeim
finnist þetta aðeins of lessu- eða karl-
mannslegt. En mér finnst þetta ógeðs-
lega gaman,“ segir Katrín og hlær.
Fatauppboð á Facebook
Þótt ótrúlega hljómi er Katrín einnig í
fullu BA-námi í spænsku við Háskóla
Íslands sem hún á lítið eftir af. Hún
segir því vissulega stundum yfirdrif-
ið mikið að gera, en það er á Katrínu
að heyra að hún ætli sér svo sannar-
lega að klára skipstjórnarnámið fyrr
en seinna. „Ég ætla mér að fá þessi
réttindi. Hversu mikið ég mun vinna
við skipstjórn veit ég ekki en ég ætla
allavega að ná mér í skipstjórnarrétt-
indin,“ segir hún en námið sem Katr-
ín skráði sig í er fjögurra ára langt og
veitir ótakmörkuð skipstjórnarrétt-
indi á fiskiskipum og öðrum skipum.
En Katrín er ekki við eina skipsfjöl-
ina felld. Stúlkan fór nefnilega til Suð-
austur-Asíu síðastliðinn fimmtudag,
þó ekki siglandi, þar sem hún ætlar að
skoða sig um í sumar ásamt vinkonu
sinni. Til þess að safna smá ferðasjóði
settu þær stöllur fyrir nokkrum vikum
á fót uppboð á Facebook á fötum sem
þær hafa sankað að sér í gegnum tíð-
ina.
„Það á náttúrlega enginn pening
á lausu í þessu ástandi en við vin-
konurnar áttum hins vegar fullt hús
af fötum. Ég hafði einu sinni selt föt
í Kolaportinu sem gekk mjög vel en
vinkonu minni, sem er Facebook-
nauðgari dauðans, datt í hug að reyna
að selja föt á Facebook. Mér leist vel á
það þannig að við tókum bara myndir
af fötunum, settum þær þarna inn og
svo hófst uppboðið,“ segir Katrín. Þeir
sem vildu máta áður en þeir buðu í til-
tekna flík gátu komið heim til Katrín-
ar til þess auk þess sem vinkonurnar
höfðu opið hús einn laugardag í maí.
Svo fóru þær með afganginn af fötun-
um í Kolaportið um síðustu helgi og
endaði söfnunarféð í hvorki meira né
minna en 250 þúsund krónum.
Kennir í Kína
Til þess að koma sér upp aðeins gild-
ari peningasjóði hafa Katrín og vin-
konan einnig orðið sér úti um vinnu
við enskukennslu og á veitingastað
í Kína framan af sumri, áður en lagt
verður af stað í ferðalag um hin fram-
andi lönd Suðaustur-Asíu.
„Þetta er í borg sem heitir Xiamen
í Suður-Kína. Enskukennslan er í fjóra
tíma og svo vinnum við á veitinga-
staðnum á kvöldin. Síðan ætlum við
að taka smá ævintýraferð um löndin á
þessu svæði. Það verður gott að kom-
ast aðeins burt úr kreppuveseninu
hérna heima,“ segir Katrín en á meðal
þeirra landa sem þær stöllur hyggjast
heimsækja eru Taíland, Kambódía og
Víetnam.
Við sjóndeildarhring haustsins er
það svo skólabekkurinn á ný hjá Katr-
ínu – spænskan, aflameðferðin, vél-
stjórnin og það allt saman. Og aldrei
að vita nema Katrín verði þá búin að
skrá sig í frekara nám til að hafa al-
veg örugglega nóg fyrir stafni. „Ég er
reyndar búin að sækja um skiptinám
í spænskunni í skóla í Kostaríka á
haustönninni. Ef það gengur eftir get
ég tekið nokkra áfanga í skipstjórnar-
náminu í fjarnámi.“ Jæja.
kristjanh@dv.is
skipstjórnarnám
titanic-taktar Katrín tekur fræga
pósu „hálfnöfnu“ sinnar, Kate
Winslet, í kvikmyndinni titanic.
MYND SigtRYgguR ARi
Ximen í Kína Borgin sem
Katrín dvelst í framan af
sumri við enskukennslu.