Dagblaðið Vísir - DV - 29.05.2009, Blaðsíða 8

Föstudagur 29. maí 20098 Fréttir
Gríðarleg endurnýjun varð á Alþingi
í vor, þegar 27 þingmenn létu af þing-
mennsku. Í stjórnmálafræðinni eru
kosningar stundum skilgreindar sem
tæki almennings til þess að losa sig við
vanhæfa leiðtoga og koma nýjum að í
stað þeirra. Oft veltir fólk því fyrir sér
hvað allir þessir alþingismenn séu að
gera í vinnunni og hvort þeir séu að
gera nokkuð. Ekkert skal sagt um að
þessir stjórnmálamenn hafi vikið af
Alþingi af því að þeir voru vanhæfir, en
DV heyrði hljóðið í fyrrverandi þing-
mönnum og spurði þá sömu spurn-
ingar: Hverju er þjóðin bættari af því
að þú sast á Alþingi?
Frjálslyndir sáttir við sitt
Það stendur ekki á svörum hjá Grét-
ari Mar Jónssyni, þegar spurningin er
borin upp: „Ég hélt vel vakandi um-
ræðu um íslenskan sjávarútveg. Ég
held að við séum að uppskera eitt-
hvað af því núna þegar verið er að fara
að breyta mesta óréttlæti Íslands, ís-
lenska kvótakerfinu. Ég held að ég eigi
stóran þátt í því,“ segir hann.
Formaður flokksins, Guðjón Arnar
Kristjánsson, er á sama máli. „Ég tel að
Frjálsyndi flokkurinn hafi tryggt það
með sinni starfsemi að umræðan um
sjávarútvegs- og byggðamál hefur ver-
ið öflug og aldrei dottið niður, sem ella
hefði verið að mínu mati. Flokkurinn
hefur haft veruleg áhrif til að bæta kjör
aldraðra og öryrkja. Við byrjuðum að
flytja mál árið 2000 um lágmarkslífeyri
öryrkja og eldri borgara. Við vorum
mjög framsýnir í samgöngumálum,
við lögðum til að gera þyrfti jarðgöng
og menn eru að fallast á það í dag að
það sé varanlega lausnin.“
Séra Karl V. Matthíasson er einn-
ig sáttur við sitt framlag til breyting-
ar kvótakerfisins: „Þjóðin er því bætt-
ari að ég lagði mjög mikla áherslu á
að sjávarútvegskerfinu yrði breytt og
kvótanum yrði skilað til þjóðarinnar
og ég er algjörlega sannfærður um að
það sem ég lagði til þeirra mála í ræðu
og riti hafi haft áhrif.“
Þjóðin verður að meta það
Aðrir fyrrverandi þingmenn tala ekki
jafnmikið út um gagnið sem þeir
gerðu þjóðinni og frjálslyndir. Kolbrún
Halldórsdóttir vildi lítið segja. „Þjóð-
in verður að meta það. Ég var hluti af
endurnýjun þingliðsins fyrir tíu árum.
Nú er ég hluti af þeim sem verða að
víkja vegna endurnýjunar.“ Og
Guðfinna Bjarnadóttir vildi
enn minna segja. „Ég
ætla ekkert að svara því,“
sagði hún önug í sím-
ann þegar blaðamaður
spurði hana um fram-
lag hennar.
Helga Sigrún Harð-
ardóttir, sem stoppaði
stutt á Alþingi, var held-
ur ekki á þeim buxunum
að gera upp framlag sitt
til íslensku þjóðarinnar. „Ég
leyfi öðrum að dæma um
það,“ sagði hún.
Svar Magnús-
ar Stefáns-
sonar, fyrr-
verandi
félags-
málaráð-
herra og
flokks-
bróð-
ur Helgu
Sigrúnar,
var á al-
mennu
nótun-
um. „Það er nú svo margt, ég var í 14
ár í þinginu og kom að mjög mörg-
um málum sem ég vona að hafi verið
þjóðinni til góðs.“
Aldursforsetinn fyrrverandi, Ellert
B. Schram sem kom aftur á þing í tvö
ár eftir langa fjarveru, taldi að reynsla
sín hefði komið þjóðinni að góðu.„Það
er helst reynsla og þekking sem kom
að góðum notum vona ég. Ég tók þátt
í því að bregðast við þessum vanda og
bý að þeirri reynslu sem ég hef safnað
mér í um 70 ár.“
Kristinn H. Gunnarsson, sem hef-
ur hingað til setið á þingi fyrir þrjá
flokka, segist hvergi nærri vera hættur
í stjórnmálum, þrátt fyrir að hafa ekki
náð kjöri núna. Hann var yfirvegaður
í svari, þegar hann var spurður hverju
þjóðin væri bættari af þingsetu hans.
„Menn verða að leggja mat á það hver
fyrir sig, Það er misjafnt sem menn
meta hvað er mikilvægt,“ segir stjórn-
málamaðurinn víðförli.
Stolt af sinni vinnu
Ekki voru allir, sem DV
ræddi við, á því að
tala á almennu
nótunum um
hvað þeir gerðu
þjóðinni til
heilla á meðan
þeir voru hátt-
virtir alþingis-
menn. „Ég tel
að sú vinna
sem unnin var
í minni tíð sem
iðnaðarráð-
herra hafi skipt miklu máli til að
bæta samkeppnisstöðu Íslands,“ seg-
ir Valgerður Sverrisdóttir, fyrrverandi
ráðherra. „Ég er mjög stolt af minni
aðkomu að uppbyggingu á lands-
byggðinni, ekki síst á Austurlandi þar
sem álverið var reist og Kárahnjúka-
virkjun. En hvað varðar bankahrunið
á ég auðvitað mína aðkomu að því þar
sem ég var viðskiptaráðherra þegar
bankarnir voru seldir. Ég er hins vegar
þeirrar skoðunar að við hefðum ekki
átt annan kost en að innleiða þessar
EES-tilskipanir. Frelsið sem af þeim
hlaust virðist hins vegar hafa verið
misnotað af þeim sem stóðu að út-
rásinni,“ segir Valgerður.
Sigurður Kári Kristjánsson er al-
veg viss um að hann hafi náð að gera
þjóðinni gagn á sínum sex árum sem
alþingismaður. „Ég lagði á mig mjög
mikla vinnu við endurskoðun á allri
skólalöggjöfinni þegar ég var formað-
ur menntamálanefndar, svo
náði ég sjálfur í gegn tveim-
ur frumvörpum, annað
kom til móts við þá sem
höfðu lent í vanskilum
með virðisaukaskatt og
hlutu slæma meðferð í
réttarkerfinu vegna þess.
Síðan fékk ég samþykkt
frumvarp sem hvatti til
og stuðlaði að því að
Íslendingar færu
í mál við Breta
vegna framgöngu
þeirra í tengslum
við bankahrun-
ið. Ég held að ég
hafi unnið gott og
þarft verk á þeim
tíma sem ég starf-
aði á þingi.“
Ánægð með
kaupmáttar-
aukninguna
Arnbjörg Sveins-
dóttir segist
ánægð með
störf sín. „Ég tel
mig hafa unn-
ið að mörg-
um góðum
framfara-
málum. Ég vann auðvitað að stefnu-
málum míns flokks og tel að það hafi
haft góð áhrif á uppgang í íslensku
samfélagi. Kaupmáttur almennings
jókst og endurskipulagning á stjórn-
kerfinu gekk vel á þessum árum. Þó
svo að íslenskt samfélag hafi orðið fyr-
ir áfalli við bankahrunið stóðum við
mjög sterk í grunninn til að takast á
við það.“
Ásta Möller, flokkssystir Arnbjarg-
ar, er á sama máli. „Ég var í forystu í
launþegahreyfingunni í tíu ár, var for-
maður Félags hjúkrunarfræðinga og
Bandalags háskólamanna. Ég held að
það skipti máli að hafa skilning á mál-
efnum launamanna. Þar fyrir utan
lagði ég áherslu á málefni aldraðra
og velferðarmálin voru talsvert á
minni könnu innan Sjálfstæðis-
flokksins.“
Gunnar Svavarsson er ánægð-
astur með sinn þátt í gerð fjárlaga. „Ég
vona að þetta hafi verið kaup kaups.
Sérlega eru það verkefni tengd fjár-
lagavinnu og eftirlit með fjárreiðum
ríkisins sem ég kom að. Þetta var við-
burðaríkur tími og margar ógleyman-
legar stundir,“ segir hann.
Einar Már Sigurðarson var síðastur
til að svara spurningunni um hverju
þjóðin væri bættari af þingsetu hans.
„Á þessum 10 árum gerðist ýmislegt
gott og slæmt. Lengst af var ég í minni-
hluta og þá hafði maður minni áhrif.
Eftir að ég komst í meirihluta, var ég í
menntamálanefnd og síðasta verkefni
mitt sem formaður nefnd- arinn-
ar var að koma í gegn
löggildingu á starfi
náms- og starfsráð-
gjafa. Annað sem ég
vil nefna er að mað-
ur hafði óbein áhrif
á að það reis álver
og virkjun á Austur-
landi.“
Hátt í helmingur allra þingmanna sem sátu á Alþingi síðasta kjörtímabil lét af þingmennsku eftir kosningarnar
í vor. Eftir þau liggur misjafnt starf og DV spurði stóran hluta þeirra sömu spurningarinnar. Hverju er íslenska
þjóðin bættari af því að þú sast á Alþingi? Svörin voru bæði almenn og sértæk, algengt var viðkvæðið að þjóðin
ætti að dæma um það. Það vafðist ekki fyrir öðrum að nefna það sem þeir gerðu landi og þjóð til heilla á Alþingi.
HVERju ER ÞjÓÐIN BÆTTARI?
valGEIR ÖRN RaGNaRSSON
blaðamaður skrifar: valur@dv.is
„Ég held að ég hafi unnið gott
og þarft verk á þeim tíma sem
ég sem starfaði á þingi.“
alþingi 27 manns eru
að fara í önnur störf eftir
að hafa setið á alþingi.
valgerður Sverrisdóttir„Ég
er mjög stolt af minni
aðkomu að uppbyggingu á
landsbyggðinni, ekki síst á
austurlandi þar sem álverið var
reist og Kárahnjúkavirkjun.“
Sigurður Kári Kristjánsson
„síðan fékk ég samþykkt
frumvarp sem hvatti til og
stuðlaði að því að íslendingar
færu í mál við Breta vegna
framgöngu þeirra í tengslum
við bankahrunið. “
Guðjón arnar Kristjánsson „Við
vorum mjög framsýnir í samgöngu-
málum, við lögðum til að gera þyrfti
jarðgöng og menn eru að fallast á það
í dag að það sé varanlega lausnin.“
Gunnar Svavarsson
„Ég vona að þetta hafi
verið kaup kaups.“