Dagblaðið Vísir - DV - 29.05.2009, Qupperneq 23

Kim yngri stundaði nám við Kim
Il-sung-háskólann og útskrifaðist árið
1964 með marxíska pólitíska hagfræði
sem aðalgrein, en heimspeki og hern-
aðarvísindi sem aukagreinar.
Eftir að hafa verið undirbúinn fyr-
ir hlutverk leiðtoga var hann loks op-
inberlega útnefndur arftaki föður síns
árið 1980 og tók upp titilinn „ástkæri
leiðtogi“, sem hann breytti árið 1992 í
„ástkæri faðir“. En enn voru raunveru-
leg völd handan sjóndeildarhrings.
Tekur yfir stjórn hersins
Þrátt fyrir skort á reynslu í hernaði
tók Kim Jong-il við stjórnartaumum
hersins árið 1991 og töldu stjórn-
málaskýrendur líklegt að hann hefði
fengið stöðuna til að vinna gegn
mögulegri andstöðu hersins þegar
Kim loks tæki sess föður síns.
Flóttamenn frá Norður-Kóreu
hafa tengt Kim Jong-il við hryðju-
verkastarfsemi og orð An Myung
Jin, eins fyrrverandi njósnara Norð-
ur-Kóreu, renna stoðum undir þau
tengsl: „Við hvöttum Suður-Kóreu-
menn til að flýja til okkar, við rænd-
um herforingjum, þingmönnum eða
námsmönnum og sprengdum upp
skotmörk.
Við vorum verkfæri til að gera
gjörvalla Kóreu kommúníska. Norð-
ur-Kórea lítur ekki á hryðjuverk sem
glæp – þau eru nauðsynlegt verkfæri
til að ljúka byltingunni,“ sagði An
Myung Jin.
Í kjölfar dauða Kim Il-sung árið
1994 liðu þrjú ár þangað til Kim Jong-
il varð leiðtogi kóreska verkamanna-
flokksins, sem er við stjórn landsins.
Treystir á stuðning hersins
Ef orð Kims Duk Hong eru tekin trú-
arleg er Kim Jong-il snillingur í því
að stjórna í skugga ógnar, en hann
segir að á því sviði sé Jong-il fædd-
ur snillingur. Kim Duk Hong er hæst
setti embættismaður Norður-Kór-
eu sem flúið hefur land og að hans
sögn treystir Jong-il á stuðning hers-
ins. Árið 2003 var haft eftir Kim Duk
Hong að Kim Jong-il hefði á laun
hafið á ný kjarnorkuáætlun landsins
með það fyrir augum að halda hern-
um ánægðum.
„Ef Kim Jong-il kastar kjarnorku-
vopnum fyrir róða mun hann glata
stuðningi fólks sem er í innsta valda-
hring hans. Þá er það aðeins spurn-
ing um tíma hvenær forysta hans
hrynur,“ sagði Hong.
Að sögn Hongs er kjarnorku-
áætlunin Jong-il lífsnauðsynleg:
„Hann mun aldrei hætta við hana,
ef hann segist gera það og býður eft-
irlitsmönnum að fylgjast með þeg-
ar aðstaðan er eyðilögð er hann að
ljúga.“
Í ljósi þróunar síðustu daga má
teljast ljóst að Kim Duk Hong hafði
eitthvað til síns máls fyrir sex árum.
Föstudagur 29. maí 2009 23Fréttir
VIKINGAHEIMAR
REYKJANESBÆ
SÖGULEG SKEMMTUN!
VÍKINGASKIPIÐ ÍSLENDINGUR OG SMITHSONIAN SÝNINGIN VIKINGS Í VÍKINGAHEIMUM Í REYKJANESBÆ - OPIÐ ALLA DAGA MILLI 11:00 & 18:00 - SÍMI 422 2000 - WWW.VIKINGAHEIMAR.COM
Kim Jong-il, hinn „ástKæri faðir“
Árið 2000 á fundi með forseta Suður-Kóreu
(sést ekki á myndinni) Kim Jong-il gerði,
samkvæmt fréttum, víninu góð skil á fundinum.
Mótmæli í Suður-Kóreu
alþjóðasamfélaginu, og ekki
síst nágrönnum Norður-Kór-
eu, er ekki rótt vegna tilrauna
Norður-Kóreumanna.