Dagblaðið Vísir - DV - 29.05.2009, Blaðsíða 10

Föstudagur 29. maí 200910 Fréttir
Hjá sumum snýst lífið bara um ís... Aðalstræti 3 - Akureyri
Orkuveita Reykjavíkur hefur greitt tæpar fimm milljónir til fyrirtækisins Frjálsrar miðlunar á síð-
ustu sjö árum. Frjáls miðlun hefur verið í umræðunni vegna rúmlega 50 milljóna króna greiðslna frá
Kópavogsbæ til félagsins en dóttir Gunnars I. Birgissonar bæjarstjóra á það. Verk hjá Orkuveitunni
voru fengin í gegnum föður annars eigandans sem starfað hefur hjá fyrirtækinu. Upplýsingafulltrúi
Orkuveitunnar segir ekkert óeðlilegt við viðskiptin.
Frjáls miðlun, útgáfufyrirtæki Bryn-
hildar Gunnarsdóttur og eigin-
manns hennar Guðjóns Gísla Guð-
mundssonar, hefur fengið tæpar
fimm milljónir króna frá Orkuveitu
Reykjavíkur á síðustu sjö árum fyrir
ýmsa útgáfuvinnu: ljósmyndatökur,
gerð kynningarefnis og vinnu vegna
100 ára afmælis Vatnsveitu Reykja-
víkur. Þetta kemur fram í svari frá
Orkuveitu Reykjavíkur um viðskipti
fyrirtækisins við Frjálsa miðlun á
síðustu árum.
Um er að ræða sams konar vinnu
og fyrirtækið vann fyrir Kópavogs-
bæ sem mikið hefur verið um rætt
síðustu vikurnar en Frjáls miðl-
un hefur fengið greiddar rúmar 50
milljónir króna frá Kópavogsbæ á
síðustu tíu árum líkt og DV hefur
greint frá.
Faðir Brynhildar, Gunnar I. Birg-
isson, er bæjarstjóri í Kópavogi og
fara endurskoðendur bæjarins nú í
saumana á viðskiptunum við Frjálsa
miðlun til að athuga hvort viðskipt-
in hafi verið eðlileg. Að sama skapi
rannsaka óháðir endurskoðendur
viðskipti Lánasjóðs íslenskra náms-
manna við Frjálsa miðlun en félagið
fékk rúmar 11 milljónir frá stofnun-
inni á meðan Gunnar Birgisson var
stjórnarformaður sjóðsins, frá 1991
til 2009.
Faðir Gísla fyrr-
verandi safnstjóri
Faðir Guðjóns Gísla, Guðmundur
Egilsson, er fyrrverandi safnstjóri
hjá Rafmagnsveitu Reykjavíkur,
sem síðar varð að Orkuveitunni
árið 1999. Frjáls miðlun fékk ein-
hver verkefni frá Rafmagnsveit-
unni í gegnum Guðmund á sínum
tíma, þegar hann var enn safn-
stjóri, samkvæmt heimildum DV.
Upplýsingar Orkuveitunnar ná
hins vegar ekki svo langt aftur í
tímann. Guðmundur lét af störf-
um sem safnstjóri fyrir tíu árum
en hefur unnið fyrir minjasafn
Orkuveitu Reykjavíkur sem verk-
taki í smærri verkefnum æ síðan.
Guðmundur mun meðal ann-
ars hafa lagt hart að Guðjóni
Magnússyni, sem er yfir umsýslu
og almannatengslum hjá Orku-
veitunni, að ráða Frjálsa miðlun
til að skrásetja alla muni minja-
safnsins fyrir um fimm árum,
samkvæmt heimildum DV. Ekki
var þó ráðist í þessa skrásetningu
á endanum.
Í minjasafninu er auk þess
meðal annars að finna möppu
með ljósmyndum sem Frjáls miðl-
un tók á sínum tíma en samkvæmt
upplýsingunum frá Orkuveitunni
við fyrirspurn DV hefur langmest
af vinnunni sem útgáfufyrirtæk-
ið hefur unnið fyrir Orkuveituna
snúist um að taka ljósmyndir.
Hvorki Brynhildur né Guðjón eru
hins vegar ljósmyndarar. En ljós-
myndavinnan sem Frjáls miðl-
un vann fyrir Kópavogsbæ mun,
í einhverjum tilfellum, hafa verið
unnin af fagljósmyndurum sem
þá voru undirverktakar Frjálsrar
miðlun. DV hefur heimildir fyrir
því að einhverjum slíkum tilfellum
hafi Frjáls miðlun greitt ljósmynd-
urunum töluvert lægri upphæð-
ir en félagið fékk frá Kópavogsbæ
fyrir að vinna verkin.
Heimildarmaður DV segir að
það sé alveg ljóst að Frjáls miðlun
byrjaði að vinna fyrir Orkuveituna
vegna ættartengsla Guðjóns Gísla
og Guðmundar.
Unnið eftir mjög
ströngum reglum
Guðjón Magnússon segist að-
spurður ekki geta tjáð sig um við-
skipti Orkuveitunnar við Frjálsa
miðlun þar sem mjög strangar
reglur gildi um opinbera umræðu
starfsmanna Orkuveitu Reykja-
víkur um málefni fyrirtækisins.
Eiríkur Hjálmarsson, upplýs-
ingafulltrúi Orkuveitunnar, segir
hins vegar að unnið sé eftir mjög
ströngum innkaupareglum inn-
an Orkuveitunnar og að hann hafi
enga ástæðu til að ætla að það
hafi ekki líka verið gert í tilfelli
viðskiptanna við Frjálsa miðlun.
„Ég sé ekkert í þessum viðskipt-
um, hvorki af umfangi viðskipt-
anna né eðli þeirra, sem bendir til
þess að um óeðlilega fyrirgreiðslu
sé að ræða,“ segir Eiríkur.
Nokkrir fjölmiðlar, þar á með-
al DV, hafa auk þess haft sam-
band við Reykjanesbæ til að
spyrjast fyrir um viðskipti bæjar-
ins við Frjálsa miðlun en Bryndís
Guðmundsdóttir, eiginkona Árna
Sigfússonar bæjarstjóra, er syst-
ir Guðjóns Gísla. Hjá bænum fást
hins vegar þau svör að bærinn
hafi enga þjónustu keypt af út-
gáfufyrirtækinu.
DV náði ekki í Guðjón Gísla
Guðmundsson eða Brynhildi
Gunnarsdóttur við vinnslu fréttar-
innar.
InGI F. VIlhjálmsson
blaðamaður skrifar ingi@dv.is
VIðskIptI orkUVeItU
reykjaVíkUr VIð Frjálsa
mIðlUn Frá árInU 2006:
ár Upphæð
2002 1.250.000
2003 0
2004 1.550.000
2005 800.000
2006 500.000
2007 920.000
2008 500.000
2009 0
samtals 4600920
„Ég sé ekkert í þessum viðskiptum, hvorki af um-
fangi viðskiptanna né eðli þeirra, sem bendir til
þess að um óeðlilega fyrirgreiðslu sé að ræða“
tæpar fimm milljónir Frjáls
miðlun hefur fengið greiddar
fimm milljónir frá Orkuveitu
reykjavíkur á síðustu sjö
árum. upplýsingafulltrúi
Orkuveitunnar segir ekkert
athugavert við viðskiptin.
Frjáls miðlun teygir sig víða
Útgáfufyrirtæki dóttur gunnars
Birgissonar, bæjarstjóra í Kópa-
vogi, hefur einnig fengið verkefni
hjá Orkuveitu reykjavíkur.
ORKUVEITAN GREIDDI
DÓTTURINNI MILLJÓNIR