Dagblaðið Vísir - DV - 18.06.2010, Page 6

6 föstudagur 18. júní 2010 fréttir
forystukreppan og
kvíðinn
n Vilhjálmur Þ. Vilhjálmsson, fyrr-
verandi borgarstjóri og borgarfulltrúi
Sjálfstæðisflokksins til margra ára,
hélt samstarfsfólki sínu veglegt hóf
í Höfða nýverið.
Þar var margt
manna og mikið
skrafað. Eitthvað
voru sjálfstæðis-
menn þó þungt
hugsi og órólegir
vegna óvissunnar
um flokksfor-
ystuna svo skömmu fyrir landsfund.
Margir túlka það sem veikleikamerki
núverandi forystu að mjög sé rætt
um endurkomu Davíðs Oddssonar
í stjórnmálin. Pattstaðan er hins
vegar alger innan flokksins aðeins
viku fyrir landsfundinn. Þrátt fyrir
óánægju innan flokksins þykir sýnt
að Bjarni Benediktsson verði einn í
framboði til formanns vegna skorts á
kjarkmiklum leiðtogaefnum.
Hugvitsamleg
tímasetning
n Ýmsir hafa furðað sig á innilegum
kveðjum Hillary Clinton, utanríkis-
ráðherra Bandaríkjanna, til íslensku
þjóðarinnar á þjóðhátíðardegi
hennar. Jafnframt þykja leiðtogar
Evrópusam-
bandsins hafa
tekið mildilega
á Íslendingum
þegar þeir sam-
þykktu refjalaust
aðildarumsókn
landsins á þjóð-
hátíðardaginn.
Þetta tvennt ku hafa vakið óskipta
athygli í röðum embættismanna
hérlendis sem erlendis. Ytra hella
menn úr eyrunum og þykjast sjá að
tímasetningin á samningum Íslend-
inga og Kínverja á dögunum ráði hér
úrslitum. Vinsamleg samskipti við
svo voldugan stórleikara á alþjóða-
vettvangi framkalli jákvætt viðmót
og beini jákvæðri athygli til litlu
eyþjóðarinnar.
nýtt ævintýri Jóns
n Jón Kristinn Snæhólm stjórn-
málafræðingur skýtur upp kollinum
á ýmsum stöðum. Þannig er hann
frægastur fyrir að vera einn helsti
atkvæðasmali
sem sögur fara af
innan Sjálfstæðis-
flokksins. Þá gerði
Vilhjálmur Þ. Vil-
hjálmsson hann
að aðstoðarmanni
borgarstjóra í
stuttri valdatíð
sinni, en í því hlutverki var hann eins
og skuggi Vilhjálms. Nú er Jón Krist-
inn kominn í framvarðasveit þeirra
sem kynna hina umdeildu íþrótt
súlufimi. Sem slíkur tók hann einmitt
þátt í óvissuferð súlufimistelpna á
Goldfinger, þar sem 16 ára stúlka var
með í för. Sjálfur segist hann ekkert
hafa vitað um að stúlkan væri 16 ára.
sandkorn
Um síðustu helgi var öll starfsemi
DV flutt á aðra hæð hússins Hafnar-
hvols við Tryggvagötu 11. DV var áður
til húsa á Lynghálsi 5. Húsið Hafn-
arhvoll var byggt á stríðsárunum að
frumkvæði Mjólkurfélags Reykjavík-
ur. Upphaflega stóð til að húsið yrði
kornmylla og gert ráð fyrir gati í gegn-
um allar hæðirnar. Fallið var frá þeim
áformum og húsnæðið þess í stað-
byggt fyrir skrifstofustarfsemi.
Geir Hallgrímsson
starfaði á hæðinni
Verslun Hallgríms Benediktssonar átti
tvær neðstu hæðir hússins til að byrja
með, en fyrirtækið var meðal annars
með sementssölu. Geir Hallgrímsson,
fyrrverandi forsætisráðherra, var með
skrifstofu á annarri hæð hússins en
hann var sonur Hallgríms Benedikts-
sonar. Á fyrstu hæðinni var Friðrik
Bertelsen lengi vel með teppaverslun.
Árið 1958 keypti Landssamband ís-
lenskra útvegsmanna (LÍÚ) aðra hæð-
ina af H. Benediktssyni, en samband-
ið hafði þá verið til húsa hinum megin
götunnar. LÍÚ var með starfsemi sína
á annarri hæðinni, þar sem DV er nú
til húsa, fram til ársins 2002, eða þar
til sambandið flutti í Borgartún ásamt
nokkrum hagsmunasamtökum at-
vinnurekenda.
Kveldúlfur til húsa
í Hafnarhvoli
Útgerðarfélagið Kveldúlfur var með
starfsemi á tveimur efstu hæðum
byggingarinnar fram á áttunda áratug
síðustu aldar eða þar til Landsbank-
inn tók félagið yfir. Kveldúlfur var eitt
öflugasta sjávarútvegsfyrirtæki lands-
ins framan af öldinni. Kveldúlfur var í
eigu Thors Jensens og fjölskyldu hans.
Ólafur Thors, sonur Thors, kom meðal
annars að rekstri félagsins þar til pólit-
ískur ferill hans hófst. Landsbankinn
var síðan lengi vel með starfsemi á
þessum hæðum Hafnarhvols eftir að
Kveldúlfur lagði upp laupana þar.
Á þriðju og fjórðu hæð húss-
ins voru lengi vel fyrirtækin Elding
Trading Company, útgerðarfyrir-
tækið Ísbjörninn og Síldar- og fiski-
mjölsverksmiðjan. Elding Trading
flutti inn vörur frá Bandaríkjunum
og voru Halldór Kjartansson og fjöl-
skylda með rekstur félagsins. Þá var
útgerðarfélagið Brim hf. einnig með
skrifstofur sínar í húsinu, þar til það
flutti nýlega.
Nú er í húsinu ýmis starfsemi,
sem hefur tekið aðra stefnu frá þeirri
sem áður var. Þar er meðal ann-
ars auglýsingastofa og lögfræðistofa
Gunnars Hafsteinssonar.
Kveldúlfur var í eigu Thors Jen-
sens og fjölskyldu hans.
Ólafur Thors, sonur
Thors, kom meðal annars
að rekstri félagsins þar
til pólitískur ferill hans
hófst.
DV flytur í hús
útgerðarinnar
Bækistöðvar DV hafa verið fluttar í hið sögufræga hús Hafnarhvol við Tryggvagötu
11. Höfuðstöðvar Landssambands íslenskra útvegsmanna voru þar til húsa frá 1958
til 2002. Þar hefur starfsemi fjöldi annarra landsþekktra fyrirtækja einnig verið,
þar á meðal útgerðarfyrirtækisins Kveldúlfs.
RóbeRt HlynuR balDuRSSOn
blaðamaður skrifar: rhb@dv.is
Kristján Ragnarsson Fyrr-
verandi formaður Landssam-
bands íslenskra útvegsmanna
vann í Hafnarhvoli í fjörutíu ár.
MynD: lJóSMynDaSafn ReyKJaVíKuR
byggt á stríðsárunum
Hafnar hvoll var byggður
að frumkvæði Mjólkur-
félags Reykjavíkur.
Þar hefur margvísleg
starfsemi verið til húsa.
MynD: lJóSMynDaSafn
ReyKJaVíKuR
í nýju húsnæði Starfsfólk DV hefur komið sér vel fyrir í Tryggvagötu 11.
ómar Már Jónsson áfram sem sveitarstjóri Súðavíkurhrepps:
Áfram þrátt fyrir stórtap
Ómar Már Jónsson var endurkjör-
inn sveitarstjóri Súðavíkurhrepps
á dögunum. Sveitarstjórinn var
gagnrýndur mikið fyrir að hafa not-
að erlent lánsfé til að kaupa stofn-
fjárbréf í Sparisjóði Vestfirðinga á
síðasta kjörtímabili. Bæjarfélagið
tapaði miklum fjármunum í kjölfar-
ið. Hann segir sveitarstjórnina hafa
fjárfest í bréfunum eftir að hafa full-
vissað sig um að það væri algjörlega
öruggt. Tapið mun vera í kringum
120 milljónir.
Um 130 manns kusu í sveitar-
stjórnarkosningunum og sautján
strikuðu yfir nafn sveitarstjórans.
Íbúar í Súðavíkurhreppi eru ugg-
andi yfir fjárhagsstöðu bæjarins.
„Vissulega hafa áföll dunið yfir
hér líkt og annars staðar en hinn
eiginlegi rekstur sveitarfélagsins
sýnir hagnað og hefur gert frá árinu
2002,“ segir Ómar. Hann segir sveit-
arfélagið hafa keypt stofnfé í Spari-
sjóði Vestfirðinga á sínum tíma til að
styrkja stöðu sparisjóðsins og til að
halda útibúi hans á staðnum. Skil-
málarnir hafi verið þeir að stofn-
fé gæti aldrei farið niður fyrir einn.
Þegar sameining sparisjóðanna átti
sér stað jók sveitarfélagið stofnfé sitt
eftir ráðleggingum sérfróðra aðila.
Bréfin voru keypt árið 2003 og
stofnféð var aukið í lok árs 2007.
„Árið 2007 ráðfærðum við okkur
við sérfróða aðila sem sannfærðu
okkur um að þetta væri örugg fjár-
festing og það versta sem gæti gerst
væri að bankarnir færu á hausinn.
Það þótti fjarri lagi á þeim tíma en
það varð svo raunin,“ segir Ómar.
viktoria@dv.is
Sveitarstjórinn Segir rekstur bæjarfé-
lagsins ekki illa staddan.
• Dregur úr vöðvaspennu
• Höfuð- háls- og bakverkjum
• Er slakandi og bætir svefn
• Notkun 10-20 mínútur í senn
• Gefur þér aukna orku og vellíðan
Verð: 9.750 kr.
Nálastungudýnan
Opið virka daga frá kl. 9 -18
Sími 569 3100 • Stórhöfða 25 • www.eirberg.is