Dagblaðið Vísir - DV - 18.06.2010, Blaðsíða 17

úttekt 18. júní 2010 föstudagur 17
„BoBBy elskaði dóttur sína innilega“
Myndarlegar mæðgur
Marilyn og Jinky eru
samrýndar mæðgur og sakna
báðar Bobbys Fischer mjög
eftir fráfall hans árið 2008.
Samuel Estimo, filippseyskur lögfræðingur mæð-
gnanna Marylin og Jinky Young, sem fullyrt er að
sé dóttir skáksnillingsins Bobbys Fischer, segir hina
meintu dóttur ganga yfir meðallagi vel í skóla og að
hún tefli einnig líkt og faðir hennar. Hann segir stúlk-
una sakna föður síns sárlega. „Jinky hefur gáfnafar
og kímnigáfu föður síns. Hún teflir einnig og er yfir
meðallagi í skóla. Hún saknar sárlega föður síns sem
hringdi reglulega og hún kvaddi hann ávallt með orð-
unum: Ég elska þig,“ segir hann.
Estimo hefur tekið að sér erfðamál Jinky Young og
móðir hennar, Marylin, fullyrðir að stúlkan sé dóttir
Fischers. Áætlað er að skákmeistarinn hafi skilið eftir
sig í kringum 300 milljónir króna og gera mæðgurnar
tilkall til arfsins. Filippseyski lögfræðingurinn fullyrð-
ir að stúlkan sé dóttir Fischers og segist hafa skotheld
gögn því til sönnunar.
Engin ekkja
„Ég hef öll gögn sem sanna tilvist dóttur Fischers,
fæðingarvottorð, vegabréf, myndir af þeim öllum
saman og margt fleira. Bobby hafði sjálfur viðurkennt
hana sem barn sitt. Ég hef náð saman öllum okkar
gögnum sem sanna mál okkar,“ segir lögfræðingur-
inn Estimo í samtali við DV.
Estimo segist hafa kynnst skákmeistaranum fyrst
þegar hann sat í japönsku fangelsi. Þá á Fischer að
hafa leitað til filippseyska lögfræðingsins og óskað
eftir aðstoð hans við að sækja um ríkisborgararétt þar
í landi. „Hann hafði samband við mig þá en ég ráð-
lagði honum gegn því að sækjast eftir þessu. Bobby
var mjög ljúfur og elskulegur félagi við Marylin og
fyrirmyndar faðir fyrir Jinky. En þegar hann settist við
skákborðið tók við keppnismaður mikill sem naut
þess að sigra andstæðinga sína. Með greindarvísitölu
hærri en sjálfur Albert Einstein var með var Bobby al-
gjör snillingur,“ segir Estimo.
Aðspurður segist Estimo ekki trúa því að Japaninn
Miyoko Watai hafi verðið lögleg eiginkona Fischers.
Hann vinnur nú að því að fá faðerni ungu filipp-
seysku stúlkunnar viðurkennt. „Þetta eru glaðlyndar
mæðgur og þær bera sig vel. Ég trúi því ekki að Mi-
yoko hafi verið gift Fischer. Annaðhvort hefur hún
sannanir fyrir því eða ekki. Ég skil ekki hvers vegna
hún er í vandræðum með að sýna fram á hjúskapinn
ef hún var virkilega eiginkona hans,“ segir Estimo.
Mikilvæg lífsýnataka
„Krafa þeirra mæðgna til dánarbúsins stendur og
fellur með lífsýnatökunni. Marylin hefur margoft
fullvissað mig um að Bobby sé faðir stúlkunnar og
því ferðuðumst við þennan langa veg til Íslands svo
hægt væri að taka blóðsýnin. Blóðprufa úr Jinky var
tekin á Landspítalanum, á sama stað og Bobby lést,
og væntanlega er þar til blóðsýni úr honum. Nú hafa
sýnin verið send til Lundúna til rannsókna.“
Estimo segir nýlega heimsókn til Íslands hafa ver-
ið mjög lærdómsríka og eftirminnilega. Aðspurður
segir hann Marylin vera feimna og góða sveitastelpu
frá suðurhluta Filippseyja. „Ég hafði mjög gaman af
heimsókninni til Íslands. Hún væri bæði mjög lær-
dómsrík og eftirminnileg. Fyrir utan lífsýnin höfum
við eitt og annað í höndunum sem sýnir fram á sam-
skipti Bobbys við lífsförunaut sinn og dóttur. Hann
sendi þeim mánaðarlega meðlagsgreiðslur og bauð
þeim reglulega í utanlandsferðir þangað sem hann
kom síðan til þeirra. Ekki leið dagur án þess að Bobby
hringdi til þeirra mæðgna til að heyra í þeim hljóðið,“
segir Estimo.
trausti@dv.is
LögFræðingur Meintrar dóttur BoBBys FischEr ekki í nokkruM vaFa uM Jinky:
gáfuð og fyndin eins og pabbi hennar
Klár stelpa Lögfræðingurinn estimo
segir Jinky ganga yfir meðallagi
vel í skóla og að hún tefli líkt og
stórmeistarinn faðir hennar.