Dagblaðið Vísir - DV - 16.07.2010, Page 43

FÖSTUDAGUR 16. júlí 2010 ÚTTEKT 43
Leikkonan Emma Thompson er fyrir
margt löngu búin að marka spor sín
í leikhúsum og kvikmyndum. Oftar
en ekki hefur hún birst í hlutverki
skynsamra kvenna sem eru bresk-
ari en allt sem breskt er og má þar
nefna myndir á borð við Remains of
the Day, á móti Anthony Hopkins, og
Sense and Sensibility.
Nýjasta hlutverk hennar á sviði er
óravegu frá hlutverki hennar í áður-
nefndum myndum, en það er í leik-
ritinu Fair Trade sem snýst um hryll-
inginn og ofbeldið sem umlykur
alþjóðleg viðskipti með kynlíf.
Í viðtali við breska blaðið The
Independent on Sunday sagði Emma
Thompson að verslun með kynlíf
væri afar mikilvægt málefni og að
hún tryði því að það væri þörf fyr-
ir eins mikla list og völ væri á til að
koma fólki í skilning um hvað málið
snérist.
Flóttafólk og pyntingar
Emma Thompson er verndari flótta-
mannaráðs Bretlands og hefur til
margra ára barist fyrir réttindum
innflytjenda. Hún ættleiddi 16 ára
flóttamann frá Rúanda og barðist
gegn brottvísun hans frá Bretlandi.
Emma hefur einnig látið að sér kveða
í stuðningi við fórnarlömb pyntinga.
En það fyrirfinnst fjöldi frægra
einstaklinga sem hafa ljáð einstöku
málefni lið til lengri tíma og að mati
almannatengslafulltrúans Marks
Borowski er hugðarefni Thompson
þess eðlis að það falli áhorfendum í
geð.
Í viðtali við Andrew Johnson í The
Independent on Sunday sagði Bor-
owski að það væri hægt að skipta
frægu fólki sem lætur til sín taka í
baráttu fyrir hinum ýmsu málefnum
í þrjá flokka: „Geldof-arnir og Bono-
arnir, sem hafa hátt um aðkomu sína
að góðgerðastarfsemi; þeir sem gefa
fúlgur fjár án þess að leita sviðsljóss-
ins; og fólk eins og Thompson og El-
ton John sem velja málefni og nýta
persónu sína í baráttu fyrir því árum
saman.“
Baráttumál og trúverðugleiki
Mark Borowski sagði að það væri
fín lína á milli baráttu fyrir málefni,
sem færi fram með hávaða og lát-
um, og þeirrar sem færi fram nánast
í kyrrþey. „Besta blandan inniheldur
sitt lítið af hvoru. Elton John stend-
ur að áberandi góðgerðasamtökum
sem safna háum fjárhæðum á með-
an hann leikur á flygilinn. Emma
Thompson nýtir sér frægðina án þess
að skaða ímynd sína og áhorfendur
meðtaka fyllilega ástríðu hennar,“
sagði Borowski.
Ekki eru allir ginnkeyptir fyrir
góðgerðastörfum fræga fólksins.
Einn þeirra er sjónvarpskynnirinn
Piers Morgan. Haft er eftir Morgan
að hann sé ekki alltaf sannfærður um
tilgang góðgerðamála hinna frægu
og ríku. „Ég tek öllu sem Madonna
gerir með mikilli tortryggni,“ sagði
Morgan.
Málefni hinna frægu
Emma Thompson tilheyrir fjölda
frægs fólks sem með einum eða öðr-
um hætti hefur helgað sig báráttu
fyrir málefni sem brennur á því.
Leikararnir Brad Pitt og eiginkonu
hans Angelinu Jolie er umhugað um
málefni munaðarleysingja og hafa
farið mikinn í ættleiðingum undan-
farin ár.
Leikarinn Pierce Brosnan og
spúsa hans eru eldheitir umhverf-
isverndarsinnar og hafa stofnað
sjóð, Brosnan Trust, sem meðal
annars sér um að deila út sölu-
hagnaði af málverkum Brosnans.
George Clooney kom á laggirn-
ar, ásamt meðleikurum sínum úr
Ocean’s 11-kvikmyndinni, stofn-
uninni Not On Our Watch, Ekki á
okkar vakt. Aðalmarkmið stofnun-
arinnar er að láta gott af sér leiða
í Súdan þar sem ástandið í Darfúr
hefur runnið honum til rifja. Stofn-
unin hefur gefið milljónir dala til
aðstoðar við þá sem þjást á því
svæði.
Richard Gere og
málefni Tíbets
Richard Gere fékk áhuga á búddisma
árið 1978 og hefur verið ákafur
talsmaður mannréttinda í Tíbet. Hann
stofnaði Gere Foundation árið 1991 og
hafa samtökin gefið milljónir punda til
samfélags útlægra Tíbeta, Dalai Lama
og til rannsókna á eyðni.
Oprah Winfrey
og Suður-Afríka
Tímaritið Forbes sagði nýlega að Oprah
Winfrey væri valdamesta manneskja
í heimi, innan skemmtanageirans.
Winfrey hefur eytt tugum milljóna
dala í stúlknaskóla sem hún kom á
laggirnar í Suður-Afríku, Oprah Winfrey
Leadership Academy for Girls, sem var
opnaður formlega í janúar árið 2007.
Stephen Fry og
geðhvarfasýkin
Hinn kunni breski leikari Stephen Fry
þjáist af geðhvarfasýki og hefur unnið
ötullega að því að kynna sjúkdóminn
og verið alls óhræddur við að tjá sig
um eigin reynslu af honum, sem hann
gerði meðal annars skil í heimildarþátt-
unum Stephen Fry: The Secret Life of
the Manic-Depressive.
Paul McCartney
og velferð dýra
Bítillinn fyrrverandi Paul McCartney
gæti eflaust valið hvaða baráttumál
sem er en hann hefur kosið að ljá
dýrum rödd sína. Hann og Linda,
eiginkona hans, urðu ákafir talsmenn
fyrir réttindum og velferð dýra og
grænmetisætur. Paul gerði árangurs-
lausa tilraun til að gera Dalai Lama að
grænmetisætu.
FRÆGA FÓLKIÐ
OG BARÁTTUMÁLIN
Fjöldi frægs fólks hefur getið sér orð fyrir baráttu sína fyrir hin-
um ýmsu málefnum. Sumum stendur velferð dýra nærri hjarta,
og hjá öðrum vegur frelsi Tíbeta þyngra á vogarskálunum. Hjá
sumum stjörnum snýst baráttan meira um að hampa sjálfum
sér og minna um að láta gott af sér leiða
Emma Thompson nýtir sér frægð-
ina án þess að skaða
ímynd sína og áhorf-
endur meðtaka fyllilega
ástríðu hennar.
Leikkonan Emma
Thompson Segir listina
mikilvæga í baráttunni
gegn kynlífsverslun.