Dagblaðið Vísir - DV - 22.12.2010, Side 16

16 | Erlent 22.–26. desember 2010 Jólablað
n Jólum er fagnað víðs
vegar um heiminn eins og
sjá má á þessum myndum
sem fréttastofa Reuters
hefur safnað saman
Jólastemning
um víða veröld
Obama í jólaskapi Barack Obama, forseti Bandaríkjanna, er
greinilega kominn í jólaskap. Á þessari mynd má sjá hann lesa upp
jólaævintýri fyrir grunnskólabörn í Arlington í Virginíufylki.
Dýrasta jólatré í heimi Þetta íburðarmikla jólatré er að finna í Emirates-höllinni,
glæsihóteli í Abú Dabí í Sameinuðu arabísku furstadæmunum. Jólatréð er það dýrasta í
heimi, en það er skreytt með 180 demöntum, perlum, smarögðum og safírum. Hótelið sá
þó ástæðu til að gefa út opinbera afsökunarbeiðni vegna trésins, og viðurkenndi að það
hefði gengið helst til of langt – enda eiga jólin ekki að snúast eingöngu um peninga. Tréð
er metið á 11 milljónir Bandaríkjadala, eða um 1.300 milljónir íslenskra króna.
Jólakoss Innilegur jólakoss í ríkisfangelsinu í Sofiu, höfuðborg Búlgaríu. Fangelsisyfirvöld þar í landi sýndu mikla manngæsku þegar þau
skipulögðu jólaveislu fyrir fanga sína. Á þessari mynd má sjá að fangarnir voru ánægðir með veisluna.
Sofið í flugstöð Flugvellir í Evrópu hafa verið í lamasessi nú
síðustu vikuna fyrir jólin. Fjöldi fólks þarf að reiða sig á flugsam-
göngur til að heimsækja ættingja og vini yfir hátíðirnar.
Jólalegt á Rauða
torginu Rússar þurfa
sjaldnast að hafa áhyggjur
af skorti á jólasnjó á þessum
árstíma og í ár verður líklega
engin breyting þar á. Rússar
fengu einnig gleðitíðindi í
desember þegar Alþjóða-
knattspyrnusambandið
tilkynnti ákvörðun sína um
að Heimsmeistarakeppnin í
knattspyrnu árið 2018 verði
haldin í Rússlandi.