Dagblaðið Vísir - DV - 01.04.2011, Blaðsíða 4

4 | Fréttir 1.–3. apríl 2011 Helgarblað
n Bjarni segir ástæðu sölunnar hafa verið áhyggjur af íslenska fjármálakerfinu
n Bjarni segir að hann hafi ekki komið að sölunni á hlutabréfum föður síns í Glitni
n Líklega orðið of seint að bjarga bönkunum í febrúar 2008, að mati Bjarna
Bjarni seldi hlutabréfin
í nokkrum skömmtum
Bjarni Benediktsson, þáverandi
þingmaður og núverandi formað-
ur Sjálfstæðisflokksins, seldi hluta-
bréf sem hann átti í Glitni í nokkr-
um skömmtum í febrúarmánuði
árið 2008. Þetta segir Bjarni í einu af
svörum sínum við spurningum DV
um hlutabréfaviðskipti hans í Glitni
í þeim mánuði. DV greindi frá því
á mánudaginn að Bjarni hefði selt
rúmlega 7 milljónir hluta í Glitni í
febrúar 2008 fyrir rúmlega 120 millj-
ónir króna. Gengi hlutabréfa í Glitni
var tæplega 17 þegar þarna var kom-
ið sögu en hafði verið rúmlega 25
þegar Bjarni keypti bréfin rúmu ári
áður.
DV spurði Bjarna hvaða dag í
febrúarmánuði hann hefði selt bréf-
in og var þá meðal annars að for-
vitnast um hvort sala hlutabréfanna
hefði átt sér stað á svipuðum tíma
og þegar Bjarni kom að endurfjár-
mögnunni á hlutabréfum Þáttar
International í Glitni, svokölluðum
Vafningsviðskiptum. Sú endurfjár-
mögnun átti sér stað í byrjun febrúar
líkt og DV hefur greint frá og snér-
ist hún um það að Glitnir tók við
um 20 milljarða króna fjármögnun
vegna hlutabréfanna í bankanum.
Svar Bjarna við þessari spurningu er:
„Umrædd hlutabréf voru seld smám
saman í febrúarmánuði 2008.“ Bréfin
voru því ekki seld á einu bretti heldur
í nokkrum skömmtum.
Hafði áhyggjur af bönkunum
DV lék einnig forvitni á að vita af
hverju Bjarni seldi umræddan hlut
í Glitni í febrúar árið 2008. „Hvað
varð til þess að þú seldir?“ spurði DV
Bjarna. Í svari sínu við þeirri spurn-
ingu vísar Bjarni til blaðagreinar sem
hann skrifaði í Morgunblaðið ásamt
Illuga Gunnarssyni í febrúar 2008.
„Um skoðanir mínar á því sem var
að gerast á alþjóðlegum fjármála-
mörkuðum á þessum tímum, áhrif-
um þess á íslenska fjármálakerfið og
leiðir til þess að bregðast við þeim
vanda má lesa í blaðagrein sem ég
skrifaði ásamt Illuga Gunnarssyni
og birt var í sama mánuði í Morgun-
blaðinu.“
Út frá svari Bjarna, þar sem hann
vísar til umræddrar greinar, virðist
sem almennar áhyggjur hans af stöðu
íslensku bankanna og væntanlegum
skorti þeirra á fjármagni hafi gert það
að verkum að hann missti trúna á ís-
lenska bankakerfið og ákvað að selja
hlutabréf sín í Glitni.
Í greininni sem Bjarni ræðir um, og
vísar til í svari sínu, sögðu þeir Illugi:
,,Að undanförnu hefur ríkt mikil óvissa
á alþjóðlegum fjármálamörkuðum og
hlutabréfavísitölur fallið víðs vegar um
heiminn. Við höfum ekki farið var-
hluta af þeirri þróun og reyndar hef-
ur hún verið ýktari hér á landi, með-
al annars vegna þess hversu háð við
erum fjármálastarfsemi ýmiss konar
og hlutfall fjármálafyrirtækja á hluta-
bréfamarkaði hátt. Kreppan sem nú
er á hinum alþjóðlega lánsfjármarkaði
er íslensku bönkunum erfið og álag á
skuldatryggingar bankanna er mjög
hátt. Sú hætta steðjar nú að hagkerf-
inu að íslensku bönkunum gangi illa
að afla þess fjármagns sem þeir þurfa
vegna starfsemi sinnar á næsta ári.
Ef ekkert breytist til hins betra á fjár-
magnsmarkaði og ekki tekst að auka
traust erlendra markaðsaðila verður
fjármögnun bankanna óheyrilega dýr
eða í versta falli ómöguleg.“
Bjarni telur að ekki hafi verið
hægt að bjarga bönkunum
Bjarni segir að með þessum greina-
skrifum sínum hafi hann viljað benda
á þann vanda sem við blasti í íslenska
fjármálakerfinu. Hann segir jafnframt
að síðar meir, eftir að ástandið í ís-
lenska efnahagskerfinu hafði versnað
enn frekar, hafi komið í ljós að þegar
þarna var komið sögu, í febrúar 2008,
hafi líklega verið orðið of seint að grípa
til ráðstafana sem hefðu getað komið
í veg fyrir hrun bankanna. „Með þess-
um greinaskrifum vildi ég leggja mitt
af mörkum til að benda á leiðir til þess
að takast á við þann vanda sem við
öllum blasti. Því miður hélt ástandið
áfram að versna og síðar kom í ljós að
líklega var þá þegar orðið of seint að
grípa til ráðstafana sem hefðu getað
komið í veg fyrir fall bankanna,“ segir
Bjarni í svari sínu.
DV spurði Bjarna einnig hvort
hann hefði á sama tíma komið að
því að selja hlutabréf í Glitni sem
faðir hans Benedikt átti. Hlutabréf
Benedikts í Glitni voru metin á um
850 milljónir króna á þessum tíma.
Bjarni var einnig spurður að því
hvort sala hans á hlutabréfunum
hefði tengst þeirri endurfjármögnun
á Glitnisbréfum Þáttar Internation-
al sem kennd hefur verið við Vafn-
ing og eins hvort hann hafi búið yfir
einhverjum upplýsingum sem hann
hafði aflað í starfi sínu sem þing-
maður eða þátttakandi í viðskipta-
lífinu og gerðu það að verkum að
hann seldi bréfin. Bjarni svarar þess-
um þremur spurningum neitandi:
„Svarið við spurningum 5, 7 og 8 er
nei.“
Ingi Freyr Vilhjálmsson
fréttastjóri skrifar ingi@dv.is Spurningar DV til Bjarna Benediktssonar
1. Af hverju keyptir þú umræddan hlut í
Glitni árið 2007?
2. Af hverju seldir þú umræddan hlut í
Glitni í febrúar árið 2008? Hvað varð til
þess að þú seldir?
3. Hvernig fjármagnaðir þú hlutabréfa-
viðskiptin?
4. Hvaða dag seldir þú árið 2008?
5. Komstu, með einum eða öðrum hætti,
að því að selja hlutabréf sem faðir
þinn átti í Glitni, bæði persónulega og í
gegnum eignarhaldsfélag hans?
6. Hvaða dag voru þau bréf seld?
7. Tengdust viðskipti þín með hlutabréfin
í Glitni með einum eða öðrum hætti
endurfjármögnun ykkar á hlutabréfum
í Glitni í gegnum félagið Þátt Inter-
national í sama mánuði árið 2008? Við
höfum áður rætt um þau viðskipti og ég
útlista spurninguna því ekki nánar.
8. Bjóstu yfir einhverjum upplýsingum
um stöðu Glitnis eða bankakerfisins í
heild sinni sem þú hafðir aflað þér í starfi
þínu sem þingmaður, og eða vegna þátt-
töku þinnar í viðskiptalífinu í gegnum
olíufélagið N1, fjárfestingafélagið Mátt
og eða önnur félög eins og Þátt Inter-
national sem voru í eigu ættingja þinna,
sem leiddu til þess að þú taldir Glitni
standa veikari fótum en áður?
Spurningar DV„Því miður hélt
ástandið áfram að
versna og síðar kom í ljós
að líklega var þá þegar
orðið of seint að grípa til
ráðstafana sem hefðu
getað komið í veg fyrir
fall bankanna.
Líklega of seint Bjarni segir að líklega
hafi verið orðið of seint að bjarga íslensku
bönkunum í febrúar 2008. Hann segist
hafa selt hlutabréf sín í Glitni í nokkrum
skömmtum í þeim mánuði. mynd róBert reynisson
Auðmenn fái ríkisborgararétt:
Finnur til með
„þjáðri“ þjóð
„Það vekur auðvitað upp áhyggjur
og grunsemdir að þeir skuli vera
að koma hingað og sækja um ríkis-
borgarétt í þessu skyni er þingmað-
urinn nefnir,“ sagði Jóhanna Sigurð-
ardóttir forsætisráðherra á Alþingi
á fimmtudag. Þetta sagði Jóhanna í
svari sínu til Björns Vals Gíslasonar,
þingmanns Vinstri grænna, við fyrir-
spurn hans í óundirbúnum fyrir-
spurnartíma á þinginu.
Björn Valur spurði ráðherrann
hver afstaða hennar væri til þess að
fjársterkir erlendir aðilar sem hefðu
hug á því að fjárfesta í endurnýj-
anlegri orku hér á landi, fengju ís-
lenskan ríkisborgararétt líkt og þeir
hafa óskað eftir. Málið er nú inni á
borði allsherjarnefndar, en hópur
íslenskra aðila hefur þrýst á að er-
lendu fjárfestarnir fái ríkisborgara-
rétt hér á landi. Fjallað var um málið
í Kastljósi á miðvikudagskvöld.
„Það er langt síðan ég hef fundið
eins mikið til með þessari þjáðu þjóð
eins og þegar ég horfði á Kastljósið
og horfði á þennan unga dreng lýsa
markmiðum þessara erlendu aðila,
þrám þeira og löngun til að koma
inn á íslenskan atvinnumarkað með
alla sína peninga,“ sagði Björn Valur
til að leggja áherslu á afstöðu sína
til málsins, áður en hann lagði fyrir-
spurnina fram. Hann benti á að fram
hefði komið að þessir aðilar hefðu
meðal annars komið að rekstri ým-
issa vogunarsjóða
sem Íslendingar
hefðu ekki góða
reynslu af.
Jóhanna sagði
að þrátt fyrir að
íslenska þjóðin
þyrfti á erlendri
fjárfestingu að
halda þá væri ekki
sama hverjir það
væru sem kæmu
hingað til lands. Hún
sagðist jafnframt
treysta því að alls-
herjarnefnd skoð-
aði málið gaum-
gæfilega.
Sími 412 2500 - sala@murbudin.is - www.murbudin.is
– Afslátt eða gott verð?
Dreglar og mottur
á frábæru verði!
Reykjavík - Reykjanesbæ
Akureyri - Húsavík
Vestmannaeyjum - Flúðum
Margar stærðir
og gerðir
Breidd: 1 metri
Verð pr. lengdarmeter
1.795
Breidd: 66 cm
Verð pr. lengdarmeter
1.495