Dagblaðið Vísir - DV - 01.04.2011, Síða 10

10 | Fréttir 1.–3. apríl 2011 Helgarblað
Umfangsmikil verðlagskönnun ASÍ á matvöru:
Bónus oftast með lægst verð
Í þriðjungi tilvika er verðmunur á milli
lágvöruverðsverslana og þjónustu­
verslana 25 til 50 prósent. Þetta leiðir ný
og umfangsmikil verðlagskönnun ASÍ
á matvöru í ljós. Niðurstöður hennar
voru kynntar á fimmtudag en verð á 84
vörutegundum var kannað.
Nóatún var í 31 tilfelli með hæsta
verðið en Samkaup Úrval Akureyri og
Hagkaup Eiðistorgi í 26 tilvikum. Hjá
Bónus í Borgarnesi var lægsta verðið á
49 tegundum af þeim 84 sem skoðaðar
voru. Í þriðjungi þeirra tilfella þar sem
vörurnar voru bæði til í Bónus og Krón­
unni var verðmunurinn um eða undir
2 krónur.
Fram kemur að í könnuninni var
ýmist skoðaður ódýrasti valkostur af
ákveðinni vöru, til dæmis ódýrasta kíló­
verð af hveiti, eða ákveðið vörumerki
eins og SS sinnep. „Mikill verðmunur
er almennt á ódýrasta valkosti enda um
misjöfn merki og gæði að ræða milli
verslana,“ segir í kynningu ASÍ á könn­
uninni.
Fram kemur einnig að minni mun­
ur sé almennt á merkjavöru. Þannig sé
smjörvi til dæmis ódýrastur í Bónus á
198 krónur stykkið en dýrastur í Sam­
kaupum Úrvali þar sem hann kosti 269
krónur. Verðmunurinn sé 36 prósent.
Í könnuninni var stuðst við það verð
sem fram kemur í hillu inni í búðinni
og afsláttur reiknaður með þegar skýrt
var kveðið á um að afsláttur væri af
verðinu. Farið var í allar búðirnar sjö
á sama tíma; Bónus, Krónuna, Nettó,
Fjarðarkaup, Nóatún, Samkaup Úrval
og Hagkaup. Kostur vildi ekki vera með
í verðkönnuninni. Nánar má lesa um
könnunina á asi.is.
baldur@dv.is
Pétur Árni Jónsson, útgefandi Við­
skiptablaðsins, er stærsti einstaki hlut­
hafinn í Icelandair Group ef bankar,
lífeyrissjóðir og verðbréfafyrirtæki eru
ekki talin með. Er Pétur Árni fjórtándi
stærsti hluthafinn í Icelandair og fer
með 0,74 prósenta hlut í flugfélaginu
í gegnum eignarhaldsfélag sitt PÁJ In­
vest. Markaðsverðmæti hlutarins er um
165 milljónir króna. Ekki liggur ljóst fyr­
ir hvernig Pétur Árni fjármagnaði hlut
sinn í Icelandair. Hann var ekki í hlut­
hafahópi flugfélagsins í upphafi árs og
því stutt síðan hann kom inn í hópinn.
Stærsti einstaki hluthafinn í Ice­
landair í dag er Framtakssjóður Íslands
sem fer með 29 prósenta hlut í flug­
félaginu. Hann er sem kunnugt er í eigu
16 íslenskra lífeyrissjóða. Framtaks­
sjóðurinn og fimm aðrir lífeyrissjóð­
ir fara nú með nærri 51 prósents hlut í
Icelandair.
PÁJ Invest á síðan alfarið félagið
Myllusetur ehf. sem er útgefandi Við­
skiptablaðsins.
Keypti Viðskiptablaðið af
ritstjóra Moggans
Um svipað leyti og tilkynnt var um
að Haraldur Johannessen yrði rit­
stjóri Morgunblaðsins ásamt Davíð
Oddssyni var Pétur Árni ráðinn fram­
kvæmdastjóri Mylluseturs. Stuttu
seinna var sagt frá því að Myllusetur
yrði í eigu Péturs Árna og Sveins Biering
Jónssonar. Sú virðist hins vegar ekki
hafa orðið raunin og er Pétur Árni eini
eigandi félagsins í dag.
Haraldur Johannessen keypti Við­
skiptablaðið af félaginu Frásögn ehf.
haustið 2008 en Frásögn var dótt­
urfélag Exista. Exista var sem kunn­
ugt er að stærstum hluta í eigu bræðr­
anna Ágústs og Lýðs Guðmundssona
sem komu að rekstri Viðskiptablaðs­
ins í upphafi árs 2007 þegar þeir keyptu
blaðið af Óla Birni Kárasyni, stofnanda
og þáverandi útgefanda blaðsins. Eftir
bankahrunið dró Exista sig út úr fjöl­
miðlarekstri. Haraldur Johannessen
tók þá yfir reksturinn í gegnum félagið
Myllusetur. Um tíma var útlit fyrir að
Róbert Wessman myndi kaupa hlut í
Myllusetri en úr því varð ekki.
240 milljónir í arð árið 2008
Þeir Pétur Árni og Haraldur Johannes­
sen áttu saman eignarhaldsfélagið
GPS Invest. Samkvæmt hluthafaskrá
átti Haraldur 80 prósent í félaginu árið
2007 og Pétur Árni 20 prósent. Árið
2008 hagnaðist félagið um rúmlega 330
milljónir króna og borgaði sér 240 millj­
ónir króna í arð. Á sama tíma hækkuðu
óútskýrðar viðskiptaskuldir félagsins
um nærri 260 milljónir króna. Ekki ligg­
ur ljóst fyrir á hverju félagið hagnaðist
en félagið átti markaðsverðbréf upp á
260 milljónir króna. Ekki er vitað hve­
nær Haraldur Johannessen seldi hlut
sinn í félaginu.
Í dag er GPS Invest að 25 prósentum
í eigu PÁJ Invest, félags Péturs Árna, 25
prósent eru í eigu SBJ, félags Sveins Bi­
ering Jónssonar, 25 prósent í eigu ATM,
félags Agnars Tómasar Möller og 25
prósent eru í eigu Ægis Invest, félags
Gísla Haukssonar. Þeir Agnar og Gísli
reka í dag fjármálafyrirtækið Gamma
en þeir störfuðu áður hjá Kaupþingi.
Árið 2009 tapaði GPS Invest 37 millj­
ónum króna. Markaðsverðbréf félags­
ins lækkuðu um 220 milljónir króna og
handbært fé félagsins fór úr 110 millj­
ónum króna í tvær milljónir. Árið 2009
skilaði eignarhaldsfélag Péturs Árna,
PÁJ Invest, síðan 67 milljóna króna
hagnaði. Eru 60 milljónir af því arður­
inn sem kom frá GPS Invest.
DV sendi Pétri Árna fyrirspurn
um kaup hans á hlut í Icelandair og
um félögin PÁJ Invest og GPS Invest.
Hann hafði ekki svarað fyrirspurninni
þegar blaðið fór í prentun á fimmtu­
dag.
Náin tengsl eigenda við
Sjálfstæðisflokk
GPS Invest var duglegt að styrkja
frambjóðendur Sjálfstæðisflokks­
ins árið 2009. Styrkti félagið þau Ástu
Möller, Birgi Ármannsson, Sigríði
Andersen og Sigurð Kára Kristjáns­
son. Þess skal getið að allir núverandi
eigendur GPS Invest hafa komið að
starfi Sjálfstæðisflokksins. Pétur Árni
var framkvæmdastjóri Sambands
ungra sjálfstæðismanna og bauð sig
fram í alþingiskosningum, Sveinn
Biering sat í stjórn Heimdallar ásamt
Björgvini Guðmundssyni, núverandi
ritstjóra Viðskiptablaðsins, Agnar
Tómas Möller bauð sig fram í stjórn
Heimdallar og Gísli Hauksson sat í
stjórn SUS og Heimdallar.
n Pétur Árni Jónsson er útgefandi Viðskiptablaðsins og eini
eigandi þess n Enginn einstaklingur er stærri í Icelandair en Pétur
Árni n Er duglegur að styrkja frambjóðendur Sjálfstæðisflokksins„Markaðsverðmæti
hlutarins er um 165
milljónir króna í dag.
Annas Sigmundsson
blaðamaður skrifar as@dv.is
Stór hluthafi
í icelandair Á 0,74 prósenta hlut Pétur Árni Jónsson, útgefandi Viðskiptablaðsins, er stærsti einstaki hlut-hafinn í Icelandair Group ef bankar, lífeyrissjóðir
og verðbréfafyrirtæki
eru ekki talin með.
Styrkir Sjálfstæðisflokkinn Félagið GPS Invest ehf., sem Pétur Árni Jónsson á
fjórðungshlut í, styrkti þau Ástu Möller, Birgi Ármannsson, Sigríði Andersen og Sigurð Kára
Kristjánsson árið 2009.
Ný verðkönnun Bónus ódýrast í 60 prósentum tilvika.
Dóp á Akranesi
Lögreglan á Akranesi framkvæmdi
húsleit á fimmtudag að fengn­
um úrskurði Héraðsdóms Vestur­
lands. Grunur lék á að húsráðandi
stæði að sölu fíkniefna. Við leit­
ina fundust um það bil 27 grömm
af amfetamíni og 2 til 3 grömm af
marijúana. Húsráðandi var handtek­
inn og færður til yfirheyrslu. Viður­
kenndi hann að eiga efnin en neitaði
að tjá sig um ætlaða sölu.
Lögreglan á Akranesi hefur hald­
lagt á annað hundrað grömm af am­
fetamíni það sem af er ári og liðlega
kíló af kannabislaufi.
Ekki til fyrir-
myndar
Karlmaður á þrítugsaldri var stöðv­
aður við akstur á höfuðborgarsvæð­
inu á miðvikudag. Hann ók bíl sem
var með kerru í eftirdragi og á voru
tvö fjórhjól en tengibúnaði kerrunn­
ar var verulega áfátt, að því er fram
kemur í tilkynningu frá lögreglu.
Hvorki hemlar, merkjatæki né ljósa­
búnaður var í lögmæltu ástandi og
hætta var á að fjórhjólin féllu af kerr­
unni við snögga hraða­ eða stefnu­
breytingu enda frágangur á farmi
óhæfilegur. Að auki hafði ökumað­
urinn ekki fullnægjandi réttindi til
þessara flutninga og á bíl hans vant­
aði ennfremur framlengda hliðar­
spegla. Kerran og fjórhjólin voru
skilin eftir á vettvangi á meðan gerð­
ar voru viðeigandi ráðstafanir.
Fær milljónir
endurgreiddar
Hæstiréttur hefur dæmt íslenska rík­
ið til að endurgreiða Bjarka Diego,
fyrrverandi framkvæmdastjóra hjá
Kaupþingi, 45 milljónir króna. Málið
snýr að kaupréttarsamningum sem
Bjarki gerði hjá Kaupþingi. Ríkis­
skattstjóri úrskurðaði að hann þyrfti
að greiða tekjuskatt vegna samning­
anna en niðurstaða Hæstaréttar var
þveröfug. Áður hafði Héraðsdómur
Reykjavíkur sýknað ríkið og komist
að þeirri niðurstöðu að Bjarki hafi
átt að greiða tekjuskatt vegna samn­
inga sinna við bankann.
Húsnæði
óskast
6 manna reglusöm og skilvís
fjölskylda óskar eftir að taka á leigu
snyrtilega 4-6 herbergja íbúð/einbýli
á höfuðborgarsvæðinu.
Leigutími allt að 3 ár frá 1. júní nk.
Fyrirmyndar umgegni og skilvísum
greiðslum heitið.

Vinsamlegast hafið samband við
Stefán í netfang; stefan3t@simnet.is
eða í síma 897 7971