Dagblaðið Vísir - DV - 27.04.2012, Blaðsíða 24

24 Erlent 27.–29. apríl 2012 Helgarblað
Unglingar drekka handspritt
n Færist í vöxt að unglingar noti vafasama aðferð til að verða drukknir
S
ex unglingar hafa verið flutt­
ir á sjúkrahús í San Fernando
í Kaliforníu í Bandaríkjunum
af völdum áfengiseitrunar.
Ungmennin urðu ekki drukkin eftir
að hafa stolist í áfengisskáp foreldra
sinna eða af illa fengnu áfengi. Þau
keyptu sér handspritt (e. hand san­
itizer) og drukku hann í þeim tilgangi
að finna fyrir ölvunaráhrifum.
Bandaríska blaðið the Los Ange­
les Times fjallaði um málið á dögun­
um og þar kemur fram að það virðist
færast í vöxt að ungmenni noti þessa
aðferð til að verða ölvuð. Í umfjöllun
blaðsins kemur fram að handspritt­
ið sé ekki drukkið beint úr flöskunni
heldur er salt notað til að einangra
alkóhólið. Auðvelt er að afla sér upp­
lýsinga um hvernig þetta er gert, til
dæmis á veraldarvefnum. Og ölv­
unaráhrifin eru fljót að koma fram
enda er handspritt allt að 65 prósent
áfengt á meðan vodka er um 40 pró­
sent áfengt.
„Allt sem þarf eru nokkir sopar
og þú ert kominn með drukkinn
ungling,“ segir Cyrus Rangan, yfir­
maður eitrunardeildar Children‘s­
sjúkrahússins í San Fernando­daln­
um. Ungmennin sex sem flutt voru á
sjúkrahús á dögunum voru öll mjög
ölvuð og fundu fyrir brunatilfinn­
ingu í maga eftir að hafa drukkið
sprittið. Þetta hefur gerst víðar en í
Kaliforníu.
Robert Glatter, læknir við Le­
nox­sjúkrahúsið í New York, segir að
nokkur slík dæmi hafi komið upp á
undanförnum vikum. „Þau neituðu
að hafa drukkið áfengi og það fannst
engin áfengislykt af þeim. En þegar
niðurstöður blóðprufu komu í ljós
viðurkenndu þau að hafa drukkið
handspritt,“ segir Glatter sem hvetur
foreldra til að vera á varðbergi.
Drekka handspritt „Allt sem þarf eru nokkir sopar og þú ert kominn með drukkinn
ungling,“ segir Cyrus Rangan sem hefur tekið á móti ölvuðum unglingum sem hafa drukkið
handspritt.
V
ið trúum innilega á þann
möguleika að hún sé enn á
lífi,“ segir Andy Redwood,
yfirmaður sérstakrar rann­
sóknardeildar sem skipuð
var af David Cameron, forsætisráð­
herra Bretlands, í fyrra til að komast
til botns í hvarfi Madeleine McCann.
Hann og 35 sérfræðingar Scotland
Yard fara nú í gegnum 100 þúsund
blaðsíður af upplýsingum sem safnað
hefur verið úr öllum áttum frá öllum
stigum rannsóknarinnar síðan Made­
leine hvarf sporlaust fyrir fimm árum,
þann 3. maí 2007.
Á bráðum afmæli
Það var tíu dögum fyrir fjögurra ára af­
mæli hennar sem hún hvarf. Þann 13.
maí næstkomandi verður Madeleine
litla níu ára gömul. Í tilefni af því hefur
Scotland Yard nú gefið út nýja tölvu­
gerða mynd sem sýnir hvernig stúlkan
gæti litið út í dag.
Foreldrar hennar hafa aldrei gefið
upp vonina um að hún sé enn á lífi
en málið er eitt það dularfyllsta sem
komið hefur upp hin síðari ár. Eins
og flestir vita skildu McCann­hjónin,
Gerry og Kate, börn sín eftir á hótel­
herbergi fjölskyldunnar í Praia da Luz
í Portúgal meðan þau fóru út að borða
með vinafólki. Þegar þau snéru aftur,
var Madeleine horfin.
Skoða alla pappíra
Hin umfangsmikla rannsókn Red­
wood og félaga ber yfirskriftina
Operation Grange og segir hann í
viðtali við BBC að hann vonist til að
verða maðurinn sem loks leysir ráð­
gátuna. Margir hafa reynt. Hann seg­
ir deild sína besta möguleikann á að
finna nýjar vísbendingar og upplýs­
ingar og gera nýjar uppgötvanir í mál­
inu þar sem þessir tugir sérfræðinga
hafi aðgang að öllum þeim gögnum
sem portúgalska lögreglan, einka­
spæjarar og breskir rannsóknar­
lögreglumenn hafa sankað að sér síð­
astliðinn hálfan áratug. Slík rannsókn
hefur aldrei farið fram.
„Þetta verkefni snýst í grunn­
inn um að skoða og greina öll bréf­
snifsi sem varða málið og vinna út frá
þeim,“ segir Redwood.
Operation Grange­verkefnið var
saltað árið 2008 en eftir gríðarlegan
þrýsting frá McCann­hjónunum, fjöl­
miðlum og almenningi ákvað Came­
ron forsætisráðherra að gangsetja
það á nýjan leik. Breska dagblaðið
Guardian segir verkefnið þegar hafa
kostað skattgreiðendur tvær milljónir
punda.
n Madeleine 9 ára í næsta mánuði n Svona gæti hún litið út
„Trúum að hún
sé enn á lífi“
„Þetta verkefni
snýst í grunninn
um að skoða og greina
öll bréfsnifsi sem varða
málið.
Sigurður Mikael Jónsson
blaðamaður skrifar mikael@dv.is
Níu ára Scotland Yard birti nýja tölvugerða
mynd af Madeleine McCann. Svona gæti
hún litið út í dag. Afmælisdagur hennar er
13. maí.
Charles Tay-
lor sakfelldur
Charles Taylor, fyrrverandi forseti
Líberíu, var sakfelldur fyrir stríðs­
glæpi af Alþjóðaglæpadómstóln­
um í Haag á fimmtudag. Telur
dómstóllinn að Taylor beri ábyrgð
á dauða þúsunda í borgarastyrj­
öldinni í Sierra Leone árin 1991 til
2002. Taylor var meðal annars sak­
felldur fyrir að hafa útvegað upp­
reisnarmönnum í Sierra Leone,
nágrannaríki Líberíu, vopn í skipt­
um fyrir blóðdemanta. Refsing í
málinu verður kveðin upp þann
30. maí næstkomandi.
Réttarhöldin í málinu stóðu yfir
í um fjögur ár og báru fjölmarg­
ir vitni, meðal annars fyrirsætan
Naomi Campbell sem þáði dem­
anta sem taldir eru vera frá Taylor.
Dauðarefsing
afnumin
Yfirvöld í Connecticut í Banda­
ríkjunum hafa ákveðið að leggja
bann við dauðarefsingum í ríkinu.
Ríkisstjórinn Dan Malloy skrifaði
undir lög þess efnis á fimmtudag.
Þar með hafa 17 ríki Bandaríkj­
anna afnumið dauðarefsingu, þar
af fimm ríki á síðustu fimm árum.
Afar fáum dauðadómum hefur
verið framfylgt í Connecticut und­
anfarna áratugi en til marks um
það hefur aðeins einn fangi verið
líflátinn síðan 1960. Ellefu fangar
sitja hins vegar á dauðadeild í rík­
inu og mun lagabreytingin ekki
hafa áhrif á þá. Þeir geta átt von á
því að verða teknir af lífi á næstu
árum.
Ekki þykir ólíklegt að fleiri ríki
í Bandaríkjunum afnemi dauða­
refsingu á næstunni, en íbúar
Kaliforníu munu kjósa um það
í nóvember hvort banna eigi
dauðarefsingu í ríkinu.
Aukakílóin
björguðu
lífi hans
Danny Ross, 44 ára Breti, sem
varð fyrir hrottalegri hnífstunguá­
rás í ágúst í fyrra segir að auka­
kílóin hafi bjargað lífi hans. Ross
var stunginn 70 sinnum með eld­
húshníf á heimili sínu þegar óður
kunningi hans réðst inn til hans og
stakk hann. Sakaði hann Ross um
að hafa stolið peningum af fjöl­
skyldu sinni. „Ég er dálítið þyngri
en ég vil vera en læknarnir sögðu
mér að aukakílóin hefðu einmitt
bjargað lífi mínu,“ segir hann en
engin mikilvæg líffæri sködduð­
ust í árásinni. Dómur yfir árásar­
manninum verður kveðinn upp
þann 18. maí næstkomandi.
Gefast ekki upp Foreldrar Madeleine
McCann, Gerry og Kate, hafa verið
óþreytandi í leit að dóttur sinni síðan
hún hvarf í Portúgal vorið 2007.