Dagblaðið Vísir - DV - 27.04.2012, Blaðsíða 25

É
g hef ekki hugmynd um hvert
ég á að fara meðan á mótinu
stendur,“ segir Anna Ivanova,
nítján ára úkraínskur há­
skólanemi. Anna, sem stund­
ar nám í líffræði við Taras Shev­
chenko­háskólann í Kænugarði,
er í hópi fjölmargra nemenda sem
neyðast til að flytja af heimavist
skólans meðan á Evrópumótinu í
fótbolta stendur í sumar. Ástæð­
an er sú að ekki er nóg pláss á hót­
elum í borginni fyrir alla þá knatt­
spyrnuáhugamenn sem munu
streyma til borgarinnar vegna
mótsins sem einnig verður haldið
í Póllandi. Mótið hefst þann 8. júní
og lýkur 1. júlí.
Engin búsetuúrræði
Mikill skortur er á húsnæði fyrir
þær þúsundir manna sem munu
streyma til Úkraínu í sumar. Sá hluti
mótsins sem haldinn verður í Úkr­
aínu fer fram í borgunum Kænu­
garði, Kharkov, Donetsk og Lviv.
Nemendur sem búa á heimavist­
um í Kharkov, Donetsk og Lviv eru
í sömu stöðu og Anna. Og það sem
verra er þá standa þessum nemend­
um engin búsetuúrræði til boða og
þá þurfa þeir einnig að halda áfram
að greiða leigu af íbúðunum meðan
á mótinu stendur.
Þýska blaðið Spiegel fjallaði um
málið á dögunum og þar var meðal
annars fjallað um þýska ferðaþjón­
ustufyrirtækið TUI AG sem leigir
áhugasömum Þjóðverjum stúdenta­
garðana. Herbergin kosta frá 8.300
krónum nóttin til 25.000 þúsund
króna og renna 20 til 25 prósent af
leiguverðinu til sjálfra háskólanna.
Þeir taka því sinn skerf af gróðanum.
Margir ringlaðir
Eins og gefur að skilja ríkir mikil
óánægja meðal þeirra nemenda sem
þurfa að yfirgefa heimili sín vegna
mótsins. Katerina Odarchenko,
stjórnmálafræðinemi við Taras
Shevchenko­háskólann, skipulagði
mótmæli þegar nemendum var til­
kynnt um ráðahaginn í desember
síðastliðnum.
„Margir eru ringlaðir og fólki
er brugðið,“ segir hún í samtali við
Spiegel. Henni fyrst sérstaklega
ósanngjarnt að nemendur þurfi að
halda áfram að borga fullt leigu­
verð meðan ókunnugir einstaklingar
dvelja í íbúðum þeirra. Þar að auki sé
nánast ómögulegt fyrir þessa nem­
endur að fara annað þar sem leigu­
verð á almennum markaði sé mun
hærra en þeir þurfa að greiða fyrir
að vera á stúdentagörðunum. Þá sé
leiguverð á íbúðum meðan á keppn­
inni stendur sérstaklega hátt enda
eftirspurnin mun meiri en framboð­
ið.
Þurfa að lagfæra herbergin
Katerina og Anna sem stunda nám
við Taras­háskólann teljast þó
heppnar í samanburði við nem­
endur Læknaháskólans í Kænu­
garði. Stúdentagarðar skólans eru
staðsettir skammt frá ólympíuleik­
vanginum í Kænugarði og nánast á
besta stað fyrir knattspyrnuáhuga­
menn. Sá böggull fylgir hins veg­
ar skammrifi að stúdentagarðarnir
eru komnir til ára sinna og þarfnast
lagfæringa. Sergey Kravchuk, sem
býr á heimavistinni, segir við Spie­
gel að hann hafi fengið skilaboð frá
skóla yfirvöldum um að lagfæra her­
bergi sitt; mála gluggakistu og vegg­
fóðra. Hann segir að hann fái ekkert
fjármagn til þess heldur þurfi hann
sjálfur að standa straum af kostnað­
inum.
Sumum nemendum í Mohyla­
háskólanum í Kænugarði stendur til
boða að vinna sjálfboðavinnu með­
an á keppninni stendur til að halda
herbergjum sínum. „Mér var boðið
að halda herberginu gegn því að að­
stoða í átta klukkustundir á dag,“
segir Alexander Simonenko, nem­
andi við skólann. Hann hefur ekki
tekið tilboðinu. Annar nemandi,
Konstantin Boiko, fékk þó betra til­
boð. Það hljóðaði upp á að vinna í
tvær klukkustundir á dag og halda
herberginu sínu. Boiko tók tilboð­
inu enda hefur hann ekki í önnur
hús að venda meðan á keppninni
stendur.
Erlent 25Helgarblað 27.–29. apríl 2012
n Erlendir ferðamenn leggja stúdentagarða í Úkraínu undir sig í sumar„Mér var boðið að
halda herberg-
inu gegn því að aðstoða í
átta klukkustundir á dag.
Þarf að fara Anna
Ivanova er í hópi
margra nemenda sem
neyðast til að flytja
meðan á EM stendur.
Hún veit ekkert hvert
hún getur farið.
Einar Þór Sigurðsson
blaðamaður skrifar einar@dv.is
Háskólanemar á
götunni vegna em
Eltihrellir
ónáðar þýska
afrekskonu
Ariana Friedrich, eina helsta af­
rekskona Þjóðverja í stangarstökki,
ákvað að birta nafn eltihrellis sem
hefur ónáðað hana ítrekað að und­
anförnu. Ariana nýtti samskipta­
vefinn Facebook til þess og bar við
sjálfsvörn. Hún birti meðal annars
nafn mannsins og heimilisfang
hans og sáu þúsundir manna sem
eru aðdáendur hennar á Face book
allar upplýsingar um hann.
Samkvæmt frétt breska rík­
isútvarpsins, BBC, hafði mað­
urinn meðal annars sent henni
klámfengnar myndir af sjálfum
sér. Ekki eru allir á eitt sáttir með
þessa ákvörðun Ariönnu og hafa
spunnist miklar umræður um
gjörninginn í Þýskalandi. Snýst
umræðan meðal annars um frið­
helgi einkalífs og hversu langt þol­
endur, eins og Ariana í umræddu
tilfelli, geta gengið. Þannig hafa
margir gagnrýnt íþróttastjörnuna
harðlega, en Ariana býr sig undir
Ólympíuleikana í London af full­
um krafti.
„Ég hef oft verið móðguð, mátt
þola kynferðislega áreitni og verið
fórnarlamb eltihrella,“ sagði hún á
Facebook­síðu sinni eftir að hafa
birt persónuupplýsingarnar um
manninn. „Nú er komið nóg og ég
þarf að verja mig. Og það er það
sem ég er að gera. Ég er ekki tilbú­
in til að láta þetta yfir mig ganga.
Ég er einfaldlega þreytt og það
kemur alltaf að þeim tímapunkti
að nóg er nóg,“ bætti hún við.
Ariana kærði manninn einnig
til lögreglu og segir umboðsmaður
hennar, Guenter Eisinger, að mál­
ið sé nú í höndum saksóknara.
Óhugnanlegt mál í Þýskalandi:
Þrjú börn
fundust látin
Móðir þriggja kornabarna, sem
fundust látin í húsi hennar
skammt frá borginni Giessen,
neitar að hafa ráðið þeim bana.
Lík barnanna fundust í kæli­
boxum í kjallara hússins fyrir
skemmstu og segir saksóknari í
málinu, Ute Sehlbach­Schellen­
berg, í samtali við BBC að konan
beri því við að börnin hafi fæðst
andvana. Hún hefur ekki verið
ákærð í málinu en afplánar nú sex
mánaða dóm sem hún fékk fyrir
fjársvik.
Schellenberg segir að grunur
leiki á að börnunum hafi verið
ráðinn bani skömmu eftir fæð­
ingu. Þó sé ekki hægt að útiloka
neitt í málinu. Svo virðist vera sem
lík barnanna hafi legið í boxunum
í nokkra mánuði, jafnvel ár.