Dagblaðið Vísir - DV - 27.04.2012, Blaðsíða 44

44 Menning 27.–29. apríl 2012 Helgarblað
„Grettir hefði líklega
endað sem handrukkari“
n Óttar Guðmundsson geðlæknir setur fram geðgreiningu á persónum þekktra sagna
Í
slendingasögurnar hafa verið
áhugamál mitt í mjög ár,“ segir
Óttar Guðmundsson geðlæknir
sem hefur gefið út bókina Hetjur
og hugarvíl. Í henni tekur hann
helstu persónur og atriði Íslend-
ingasagnanna fyrir og rýnir í hegð-
un hetjanna. Óttar setur fram geð-
greiningu sem studd er ímynduðum
viðtölum hans við hetjurnar og á
þeim grundvelli setur hann fram til-
gátur um það hvernig þeim myndi
mögulega reiða af í nútímanum.
„Ég er að leika mér að þessum
greiningum og skoðaði allar helstu
sögurnar, Njálu sem er meistara-
verkið, Laxdælu, Grettissögu og
auðvitað Gísla Súrsson.“
Útkastari og handrukkari á
örorkubótum
Spurður um óstýrilátustu hetju
sagnanna, Gretti, segir Óttar að
hann hefði líklega endað sem
ógæfumaður árið 2012 í Reykjavík.
„Hann er strax mjög baldinn sem
ungur maður og greinilega er hann
með mótþróaröskun og siðblindu
sem barn. Hann er vondur við dýr
og drepur þau og ræðst líka á full-
orðna. Ég lít svo á að hann sé með
geðklofaröskun, hann er mikill ein-
fari og einrænn. Svo hefur hann
vissulega verið með áfallastreit-
uröskun, sem má lesa af þessum
glámsaugum sem fylgja honum.“
Hvað væri Grettir í dag? „Hann
hefði alls ekki plumað sig í samfé-
laginu í dag. Hann hefði lent í fang-
elsi og fljótt farið á örorku, svo hefði
hann kannski farið að vinna sem
útkastari á bar. Grettir hefði líklega
hreinlega endað sem handrukkari,“
bætir Óttar við og hlær.
Fórnarlamb kynferðislegrar
misnotkunar
Umtöluð er Hallgerður langbrók
í Njálu fyrir sveiflur í skapi. Óttar
rýndi í Hallgerði og greinir að hún sé
með miklar persónuleikaraskanir og
mögulega fórnarlamb kynferðislegr-
ar misnotkunar. „Hallgerður er mjög
persónuleikaröskuð og hefur þetta
sveiflótta skapferli sem er einmitt
aðalviðfangsefni Njálu. Hún er sterk
og merkileg kona að mörgu leyti en
það er mjög mikið að henni enda
lætur hún drepa nokkra karlmenn
af annarlegum ástæðum. Það er ljóst
að hún er líka alin upp við vont at-
læti. Hún er með þennan fóstra sinn
sem er hinn versti maður og mögu-
lega er hún fórnarlamb kynferðis-
legrar misnotkunar.“
En hvar væri Hallgerður í dag?
„Það er ómögulegt að segja. En
kannski yrði hún samviskulaus
stjórnandi eða kæmist til metorða
enda gustar af henni. Hún er ákaf-
lega hæfileikarík en ansi ferköntuð í
umgengni.“
Gæti orðið biskup
Hrifnastur er Óttar af Guðrúnu
Ósvífursdóttur. „Ég greindi hana
með hambrigðapersónuröskun.
Hún er svo óskaplega sterk kona og
heilsteypt að öðru leyti. Ég held að
í dag kæmist hún til efstu metorða.
Hún gæti kannski orðið háskóla-
rektor, forseti já eða biskup,“ segir
Óttar og hlær.
Forseti Hæstaréttar og
prófessor í lögum
Fræg er vinátta Gunnars og Njáls
sem Hallgerði þótti of ástleitin. Ótt-
ar greinir Gunnar með hæðisper-
sónuleikaröskun og sjálfsdýrkun
og Njál segir hann haldinn kvíð-
aröskun. „Gunnar er háður áliti
annarra. Það er skringileg vinátta
sem Gunnar og Njáll eiga saman,
þeir mynda með sér skrýtið föður-
sonar samband. Það fer ofboðslega
mikið í taugarnar á Hallgerði. Njáll
væri náttúrulega forseti Hæstarétt-
ar og prófessor í lögum eða álíka.
Ég veit ekki hvar Gunnar væri, hvort
hann hefði farið í lögfræði og væri
að vinna hjá KSÍ og væri svo í sam-
bandi við þennan mikils metna vin
sinn.“
kristjana@dv.is
Setur hetjurnar á bekkinn Óttar Guðmundsson geðlæknir tekur ímynduð viðtöl við
hetjur Íslendingasagnanna og setur fram geðgreiningu.