Dagblaðið Vísir - DV - 27.04.2012, Blaðsíða 47

n Fríar morgungöngur Ferðafélags Íslands 30. apríl–4. maí
Lífsstíll 47Helgarblað 27.–29. apríl 2012
Reynir
Traustason
Baráttan
við holdið
Þ
að er aðeins rúm vika þar til
rúmlega 100 manna hópur
á vegum Ferðafélags Íslands
heldur á Hvannadalshnjúk. Í
sjálfu sér er þetta ekki merkilegra
en aðrar hópferðir á Hnjúkinn.
En þarna verður þó sá munur á
að ég verð með í för. Fyrrverandi
stórreykingamaður með tilhneig-
ingu til offitu hefur komið sér í
það form að þetta er mögulegt.
Það eru liðnir 16 mánuðir frá
því ég ákvað að komast á hæsta
tind Íslands. Ég reifaði málið í
þröngum hópi og undirtektir ein-
kenndust af tillitssemi og undir-
liggjandi vantrú á því að þessi
draumur minn gæti nokkru sinni
ræst. Ég var á þessum tíma 135 kíló
og markmiðið hefði kannski átt að
vera það að komast áfallalaust upp
á stól fremur en hátind eyjunnar.
En trúnaðarmennirnir mega þó
eiga það að þeir þóttust hafa á því
trú að mér tækist þetta.
S
trax í byrjun janúar 2010
hófst átakið sem átti að gera
mér kleift að klífa meir en
2.000 metra. Þetta byrjaði
smátt. Ég fór á Úlfarsfellið sem
er rúmlega 300 metra hátt. Ferð-
in upp var gríðarlega erfið. Ég
gekk 50 skref og stóð á öndinni í
brattanum og hvíldi mig. Þannig
mjakaðist ég upp fjallið í stuttum
áföngum. Og það var gríðarleg
sigurstund þegar ég stóð á efsta
tindi og horfði yfir Mosfellsbæ
öðrum megin en Reykjavík hin-
um megin. Ferðin upp hafði þá
tekið mig rúma klukkustund.
N
okkrum sinnum í viku fór
ég á Úlfarsfell. Uppgöngu-
tíminn styttist smám saman
og þrekið óx. Það var svo
um vorið að ég vann enn einn
sigurinn. Þá gekk ég upp Esjuna,
alla leið á toppinn. Sú ferð tók
rúmlega tvær klukkustundir sem
þykir ekki merkilegt
hjá vönum mönn-
um. En hjá mér
var þetta ekkert
minna en stór-
sigur.
Frá því ég setti
mér markmiðið um
Hnjúkinn hefur eitt og
annað gerst. Ég á að baki næst-
um því 500 fjallgöngur, langflestar
á Úlfarsfell. En ég er líka búinn að
fara á eldfjallið Teide, Ok, Kaldbak
á Vestfjörðum, Botnssúlur og fjöl-
mörg önnur fjöll. Í dag geng ég á
Úlfarsfell á 19 mínútum og ferðin
upp að Steini á Esjunni tekur 50
mínútur. Og það eru rúm 40 kíló
fokin. Þetta er auðvitað grobb en
á það er að benda að ég hef efni
á því. Öll markmiðin hafa staðist
fram að þessu.
H
vannadalshnjúkur, nú kem
ég!“ Stóri dagurinn er á
laugardag. Þá mun ég að
óbreyttu ná hæsta tindi Ís-
lands. Og fyrst ég get þetta þá
gildir það sama um alla aðra sem
eru að drepa sig á reykingum,
ólifnaði og ofáti. Þetta er aðeins
spurning um að taka ákvörðun,
setja sér markmið og standa við
þau. Galdurinn er síðan sá að
hvika aldrei. Leiðin til heilbrigðis
er þó aðeins hálfnuð. Framund-
an er Mont Blanc næsta sumar.
Til þess þarf ég að halda áfram
að byggja mig upp. Þar duga ekki
orðin tóm.
„Nú kem ég“
É
g hef ástríðu fyrir mat og mat-
argerð,“ segir Berglind Sig-
marsdóttir sem hefur gefið út
bókina Heilsurétti fjölskyld-
unnar en í henni eru bæði
uppskriftir og ráð um hvernig hægt
er að draga úr sykurneyslu barna og
ungmenna. Bókina vann hún með
eiginmanni sínum, Sigurði Gísla-
syni matreiðslumanni. „Mér var
efst í huga að finna leiðir til þess
að fá börn og unglinga til að borða
heilsusamlegan mat og bæta lífsstíl
sinn. Hollur matur virkar oft ólyst-
ugur á börnin. Þau vilja hann oft
ekki og þykir hann bragðvondur.
Börnin vilja ekki bragðvont gums.
Þau vilja hamborgara, nagga og
tómatsósu og fleira og ég reyni að
aðlaga þessa uppáhaldsrétti barna
að hollara og næringarríkara mat-
aræði.“
Sonurinn greindist með
Tourette
Ein af ástæðum þess að Berglind
ákvað að taka ástríðu sína á mat-
argerð lengra varðar fjölskylduna.
Elsti sonur Berglindar greindist
með Tourette-sjúkdóm og hún var
staðráðin í því að leita leiða til að
bæta líðan hans. „Sonur minn var
mér hvatning, segir Berglind. „Ég
tók ástríðuna á matargerð skrefinu
lengra vegna hans. Það eru fá lækn-
isúrræði til að meðhöndla Tourette
og ég lagðist í heimildavinnu til að
finna leiðir til að bæta líðan hans.
Ég komst að því að foreldrar hafa
náð árangri með breyttu mataræði
og ákvað að taka mataræði hans al-
veg í gegn.“
Laus við alla kækina
Eftir nokkurn tíma var mataræðið
farið að hafa veruleg og bætandi
áhrif á líðan hans. Berglind segir
alla kæki horfna. „Þetta er ótrúlegt,
hann var með mikið af kækjum en
þeir eru allir horfnir. Ég er alveg
sannfærð um það að mat er hægt
að nota eins og lyf og ég segi sögu
hans öðrum til gagns. Það skipt-
ir svo miklu máli hvað við borð-
um og ég trúi að með því að borða
hollan mat og ástunda hollt líf-
erni getum við komið í veg fyrir alls
kyns sjúkdóma. Við þurfum eigin-
lega að endurskoða svo margt, fyrst
og fremst borða mat sem er matur,
mat eins og amma og afi borðuðu.
Án aukaefna.“
Íslensk börn eru að þyngjast
Berglind hefur áhyggjur af holda-
fari íslenskra ungmenna. „Íslensk
börn eru að þyngjast af óhollu mat-
aræði og það er okkar foreldranna
að leiðbeina þeim. Ég sé þetta þeg-
ar ég fer í sund og velti þá vöngum
yfir þessu. Ég held að margt hafi
breyst í lífsstíl okkar Íslendinga
síðustu árin sem þurfi að breyta á
ný. Hreyfing er miklu minni og for-
eldrar barna í ofþyngd þurfa að tak-
marka sykur og fitu og unnin mat-
væli. Ég kem með uppbyggjandi
ráð til foreldra. Það á að vera gam-
an að breyta til hins betra.“
kristjana@dv.is
Falleg fjölskylda Bókina Heilsurétti fjölskyldunnar tileinkar Berglind börnunum sínum fjórum. Hér er hún með eiginmanni sínum Sigurði
Gíslasyni og elstu börnum þeirra.
n Uppáhaldsréttir barnanna færðir í hollan og bragðgóðan búning
Börnin vilja ekki
bragðvont gums
„Þetta er ótrúlegt,
hann var með
mikið af kækjum en þeir
eru allir horfnir.
„Slegist um hvern bita“
U
ppáhaldsuppskrift barnanna
minna er tvímælalaust kjúk-
lingakoddarnir,“ segir Berg-
lind Sigmarsdóttir. „Mig lang-
aði til að útbúa uppskrift í líkingu
við kjúklinganagga sem eru vinsælir
hjá krökkunum en auðvitað hollir og
næringarríkir. Kjúklinganaggar sem
fást á veitingastöðum eru afar óholl-
ir, fullir af fitu og annarri óhollustu.“
Fyrir 4
1 dl hveiti (heilhveiti, fínt spelthveiti eða
glútenlaus hveitiblanda eða bókhveiti)
1 stórt egg eða tvö minni
8 dl kornflex (hægt að fá sykurlaust og
glútenlaust kornflex)
2 msk. jómfrúarólífuolía
700 gr kjúklingalundir eða 4 bringur skornar
í 4–5 bita
Sjávarsalt og nýmulinn pipar
Aðferð:
1. Skerið kjúklingalundirnar eða
bringurnar í bita.
2. Hitið ofninn í 250°C.
3. Setjið kornflex í matvinnsluvél og
vinnið vel, bætið olíu saman við.
4. Setjið hveiti í einn djúpan disk, egg í
annan og kornflex í þann þriðja. Kryddið
hveitið vel með salti og pipar, má gjarn-
an vera vel kryddað.
5. Hrærið aðeins í eggjunum með gaffli.
6. Klæðið bökunarplötu með
bökunarpappír.
7. Byrjið svo að velta kjúklingabitunum
hverjum fyrir sig. Veltið fyrst bitanum
upp úr hveiti, báðum megin, færið svo
bitann yfir í skálina með eggjunum og
bleytið (látið leka vel af). Færið svo
bitann yfir í síðustu skálina með korn-
flexinu og þekið hann.
Setjið kjúklingabitann á bökunar-
plötuna og byrjið á næsta. Klárið alla
bitana.
8. Setjið kjúklingabitana inn í miðjan
ofn í 10–15 mínútur. Þegar þeir eru
orðnir gullnir og eldunartíminn hálfn-
aður snúið þeim við með töng. Passið
bara að brenna ykkur ekki þar sem
ofninn er vel heitur.
Hunangssósa
1 dós sýrður rjómi
1 1/2 msk. Dijon-sinnep
1 msk. lífrænt akasíuhunang
Salt og pipar
n Blandið öllu vel saman í skál og berið
fram til að dýfa bitunum í. Þar sem sum
börn vilja ekki sinnep gæti verið ágætt að
prófa að sleppa sinnepinu eða bjóða þeim
holla tómatsósu með.
n Uppáhaldsuppskrift barna Berglindar
Hollt og gott Engin aukaefni og óþarfa
óhollusta í þessum nöggum.