Dagblaðið Vísir - DV - 09.11.2012, Qupperneq 21

Erlent 21Helgarblað 9.–11. nóvember 2012
50 létust og
20 er saknað
Fimmtíu látnir hafa fundist og
20 er saknað eftir jarðskjálftann
sem skók Gvatemala í vikunni.
Til viðbótar eru að minnsta
kosti 150 illa slasaðir. Skjálftinn
var hvorki meira né minna en
7,4 á Richter en upptök hans
voru skammt sunnan við bæinn
Champerico. Neyðarástand rík­
ir á skjálftasvæðinu enda er enn
mikil skjálftavirkni á svæðinu.
Margir stórir eftirskjálftar hafa
skekið jörðina, þar á meðal fjór­
ir sem hafa mælst fimm á Richt­
er eða meira.
Bærinn San Marcos varð
verst úti en þar hrundu að
minnsta kosti 30 hús til grunna.
Um er að ræða stærsta
skjálfta sem orðið hefur á svæð­
inu síðan 1976 en þá létust 25
þúsund manns í skjálfta sem var
7,5 að stærð.
Nágrannalöndin Panama, El
Salvador og Hondúras hafa öll
sent hjálparsveitir á svæðin sem
eru í mestri neyð.
Sex hæða ný-
bygging hrundi
Sex hæða verslunarmiðstöð
hrundi í Accra, höfuðborg Gana
á miðvikudag. Að minnsta kosti
þrír létust en 50 manns var bjarg­
að úr rústunum. Ekki er vitað
hvað varð til þess að byggingin
hrundi en svo heppilega vildi til
að það gerðist á meðan verslun­
armiðstöðin var lokuð. Því voru
aðeins starfsmenn inni, en stutt
var í opnun.
Að sögn erlendra miðla er
enn leitað að fólki á lífi í rústun­
um. John Dramani Mahama for­
seti hefur frestað kosningabar­
áttu sinni og er nú á svæðinu, en
kjósa á í næsta mánuði. „Ég bið
fyrir starfsfólki og öðrum sem
kunna að vera fastir þarna undir,“
er haft eftir honum í fjölmiðlum.
Þess má geta að byggingin var
nýlega reist og tekin í notkun.
Óttast „nornaveiðar gegn samkynhneigðum“
n David Cameron vill fara varlega í tengslum við nýuppkomin barnaníðsmál
M
ikil umræða hefur verið
um hátt setta menn innan
bresks þjóðfélags sem sak­
aðir eru um barnaníð og
vísbendingar eru um víðtækan hr­
ing barnaníðinga í efstu lögum
samfélagsins. David Cameron, for­
sætisráðherra Bretlands, segir mik­
ilvægt að fara varlega í tengslum við
þessar ásakanir og segir hættu á að
þær stigmagnist í nornaveiðar gegn
samkynhneigðum.
Hefur Jimmy Savile heitinn, sem
var ein ástsælasta sjónvarpsstjarna
Breta, verið sakaður um fjölmörg
kynferðisbrot sem hann er sagður
hafa framið gegn ungum drengjum
er hann starfaði hjá breska ríkis­
sjónvarpinu. Aðrar ásakanir gegn
hátt settum aðilum hafa skotið upp
hausnum í breskum fjölmiðlum í
kjölfar þessa.
Cameron var í spjallþætti hjá
þáttastjórnandanum Phillip Scho­
field og þar benti Schofield á að vís­
bendingar væru um víðtækan hring
barnaníðinga í efri lögum bresks
þjóðfélags, sem nái jafnvel til raða
valdamestu stjórnmálamanna.
„Þetta eru alvarlegar ásakanir,“
svaraði Cameron og lofaði hann
því að allar ásakanir um barn­
aníð yrðu rannsakaðar í þaula.
Schofield sýndi honum þá lista
af mönnum sem Cameron þekk­
ir til og sagði þá hafa verið sak­
aða um barnaníð. „Munt þú ræða
við þessa menn?“ spurði Schofield
forsætisráðherrann.
Cameron svaraði því til að mikil­
vægt væri að koma upplýsingum
um meint barnaníð til lögreglunn­
ar. „Það er mjög mikilvægt að all­
ir þeir sem hafa upplýsingar um
barnaníðinga, þjóðþekkta eða ekki,
lífs eða liðna, leiti til lögreglunnar
með þær upplýsingar. Til þess er
lögreglan.“
En forsætisráðherrann benti á
að allrar varkárni þurfi að gæta.
„Það er hætta á því að þetta stig­
magnist upp í nornaveiðar gegn
samkynhneigðum,“ sagði hann
og benti á að það væri verk lög­
reglunnar að rannsaka slíkar ásak­
anir. Ríkisstjórnin hefur falið einum
dómara að vera í fararbroddi rann­
sóknarnefndar á þessum ásökun­
um og verklaginu í kringum þær. n
simon @dv.is
„Nornaveiðar“ „Það er hætta á því að
þetta stigmagnist upp í nornaveiðar gegn
samkynhneigðum,“ segir David Cameron,
forsætisráðherra Bretlands, um ásakanir um
barnaníð nafntogaðra stjórnmálamanna.