Dagblaðið Vísir - DV - 20.01.2012, Blaðsíða 18

18 Fréttir 20.–22. janúar 2012 Helgarblað
É
g er furðu lostinn yfir þessu,“
segir Sigurjón Þórðarson, for-
maður Frjálslynda flokksins.
Frjálslyndi flokkurinn hefur nú
stefnt Reykjavíkurborg vegna
fjárframlaga sem Ólafur F. Magnús-
son, læknir og fyrrverandi borgar-
stjóri, lét borgina greiða inn á reikn-
ing nýstofnaðs Borgarmálafélags
F-lista árið 2008. Þá hafði Ólafur sagt
skilið við Frjálslynda flokkinn. Aðal-
meðferð fór fram í málinu á fimmtu-
dag.
Í áliti samgöngu- og sveitarstjórn-
arráðuneytisins sáluga, sem DV hef-
ur undir höndum, kemur fram að
borginni hafi borið að greiða Frjáls-
lynda flokknum fjárframlagið en ekki
Ólafi eða Borgarmálafélagi hans.
Upphæðin sem um ræðir nemur um
3,4 milljónum króna.
Lét færa peningana inn á sitt
félag
Í borgarstjórnarkosningunum árið
2006 fékk Frjálslyndi flokkurinn einn
mann kjörinn. Efsti maður á lista
var Ólafur F. Magnússon. Frjálslyndi
flokkurinn fékk framlag ársins 2007
greitt en ekki árið 2008, en þá var
Ólafur ekki lengur í flokknum og var
raunar borgarstjóri fyrri hluta þess
árs. Að sögn lögmanns Frjálslynda
flokksins, Björns Jóhannessonar,
hefur verklag borgarinnar verið á
þann veg að efsti maður á lista sendir
borginni upplýsingar um hvert skuli
senda peningana. Ólafur hafi látið
millifæra féð á reikning síns félags,
Borgarmálafélagsins. Björn segir að
borgin hafi verið tvístígandi árið eft-
ir og sent erindi til innanríkisráðu-
neytisins vegna málsins. „Þeir gefa
það álit að þetta tilheyri Frjálslynda
flokknum. Framlagið fyrir árið 2009
og 2010 fór til Frjálslynda flokksins,
eins og vera bar.“
Björn segir að Reykjavíkurborg
beri ekki brigður á að Frjálslynda
flokknum bar að fá þetta framlag.
Hún telji sig hins vegar hafa uppfyllt
skyldu sína með því að greiða félagi
Ólafs F. Samkvæmt upplýsingum DV
bar borgin fyrir dómi að hún hefði
greitt framlagið í góðri trú til Ólafs,
sem hún lítur svo á að hafi haft um-
boð til að ráðstafa fénu.
Þess má geta að alls er um að ræða
á bilinu sex til sjö milljónir króna,
þegar búið er að reikna vexti á upp-
hæðina frá 2008 og annan kostnað.
Féð fari til Frjálslynda flokksins
Að sögn Sigurjóns hefur Besti flokk-
urinn virt álit ráðuneytisins að vett-
ugi. Þeir hafi ekki tekið upp við-
ræður við Frjálslynda flokkinn og
látið eins og álitið sé ekki til staðar.
Í álitinu segir meðal annars að óum-
deilt sé að Frjálslyndi flokkurinn sé
þau stjórnmálasamtök sem buðu
fram F-lista frjálslyndra og óháðra í
Reykjavík í sveitarstjórnarkosning-
unum 2006. Listinn fékk 10,1 pró-
sent atkvæða. Í niðurlagi segir að
það sé álit ráðuneytisins að Frjáls-
lyndi flokkurinn eigi rétt til framlags
Reykjavíkurborgar. Engu máli skipti
hvort og hvenær Ólafur F. Magnús-
son hafi verið í flokknum. Ljóst sé að
framlagið sé skilgreint sem framlag
til stjórnmálasamtaka en ekki sem
framlag til kjörins einstaklings.
Sigurjón er afar ósáttur við að
borgin, eða Besti flokkurinn, hafi
ekki viljað leysa málið nema fyrir
dómstólum. Hann segir raunar að
fyrrverandi formaður flokksins, Guð-
jón Arnar Kristjánsson, hafi eitt sinn
verið boðaður á fund Jóns Gnarr
borgarstjóra vegna málsins en að
borgarstjórinn hafi ekki mætt. Guð-
jón staðfestir þá frásögn í samtali við
DV en S. Björn Blöndal, aðstoðar-
maður borgarstjóra, kannast ekki við
fundarboðið. Hann hafi sjálfur setið
fund með Sigurjóni þar sem málin
voru rædd án niðurstöðu. Björn seg-
ir að hafi Frjálslyndi flokkurinn at-
hugasemdir við verklag Reykjavíkur-
borgar sé honum frjálst að leita réttar
síns fyrir dómi, eins og reyndin sé.
Segir Ólaf hafa misnotað vald sitt
Sigurjón er óhress með að málið þurfi
að fara fyrir dómstóla þegar skýrt álit
ráðuneytis um málið liggi fyrir. „Það
er ljóst samkvæmt lögunum hvernig
þetta á að vera. Mér finnst þetta hálf-
gert pólitísk níðingsverk sem Besti
flokkurinn hefur framið,“ segir hann.
Hann segir að hægt hefði verið að
leysa málið með tíu mínútna spjalli
yfir kaffibolla. Þá hefði verið hægt að
komast hjá miklum kostnaði. Guð-
jón Arnar Kristjánsson, fyrrverandi
formaður Frjálslynda flokksins, segir
í samtali við DV að hann telji athæfi
Ólafs F. ólöglegt. „Að stofna félag eftir
kosningar og reyna að halda því fram
að það eigi rétt á einhverjum fjár-
munum út af kjörfylgi annars flokks
er fráleitt.“ Guðjón Arnar segir Ólaf
hafa misnotað vald sitt sem borgar-
stjóri með því að koma í veg fyrir að
fjármunirnir færu á þann stað sem
vera bar. Hann nefnir sem dæmi að
Hreyfingin eigi engan rétt á pening-
unum sem Borgarahreyfingin afli sér
eftir að hafa náð mönnum inn á þing
– jafnvel þó þingmennirnir sjálfir færi
sig um set.
Ólafi F. Magnússyni og Borgar-
málafélaginu var stefnt til réttargæslu
í málinu. Það þýðir að Ólafur átti þess
kost að koma sínum sjónarmiðum á
framfæri, án þess að honum væri
stefnt. Hann mætti ekki fyrir dóminn
og hefur ekki látið sig málið varða en
ekki er ólíklegt að niðurstaðan gæti
haft afleiðingar fyrir hann. Ekki náð-
ist í Ólaf F. Magnússon vegna fréttar-
innar, þrátt fyrir ítarlegar tilraunir.
Hann starfar sem læknir en ku vera í
veikindaleyfi.
Líklegt er að dómur falli innan
fjögurra vikna.
„Níðingsverk“
Besta flokksins
n Frjálslyndir í baráttu við borgina n Vilja fá peningana sem Ólafur F. tók
Baldur Guðmundsson
blaðamaður skrifar baldur@dv.is
Ekta fiskur ehf - Hauganesi v/Eyjafjörð - Sími: 466 1016 - www.ektafiskur.is
Ektafiskur hefur ætíð og eingöngu
notað vottað matvælasalt frá
Saltkaupum í allar sínar vörur!
Þessigamligóði
virðing
gæði
„Mér finnst
þetta
hálfgert pólitísk
níðingsverk sem
Besti flokkurinn
hefur framið
Sigurjón Þórðarson
formaður Frjálslynda flokksins
Ólöglegt? Guðjón Arnar segir Ólaf hafa
misnotað vald sitt.
Leitið til dómstóla Besti flokkur Jóns
Gnarr vill ekki leiðrétta að greiðslur til Frjáls-
lynda flokks hafi runnið til Ólafs F.
Ósáttur Sigurjón er ósáttur við að málið
þurfi að leysa fyrir dómstólum. Hann kvíðir
ekki niðurstöðu dómsins.
Varð borgarstjóri
Ólafur F. Magnússon
fékk peninga milli-
færða á sitt félag.
Össur í Rúmeníu:
Meira sam-
starf á milli
landanna
Össur Skarphéðinsson utanríkis-
ráðherra fundaði á fimmtudag
með utanríkisráðherra Rúmeníu,
þingforseta rúmenska þingsins og
Evrópuráðherra Rúmeníu. Össur
er í opinberri heimsókn í Rúm-
eníu en þetta er í fyrsta sinn sem
íslenskur utanríkisráðherra sækir
landið heim undir þeim formerkj-
um. Á fundunum lagði Össur meðal
annars fram hugmyndir um að
nýta styrki úr Þróunarsjóði EFTA,
sem Ísland á aðild að, til að hefja
jarðhitaverkefni í Rúmeníu. Í til-
kynningu frá utanríkisráðuneytinu
kemur fram að í vesturhluta Rúm-
eníu séu mörg svæði sem henta til
að setja upp hitaveitur. Jafnframt
ræddi utanríkisráðherra ítarlega
stöðu aðildarumsóknar Íslendinga
að Evrópusambandinu.
Teodor Baconschi, utanríkis-
ráðherra Rúmeníu, lýsti miklum
áhuga á því að nýta styrki úr Þró-
unarsjóði EFTA til jarðhitavæðingar
en íslenskir aðilar, Orkustofnun og
Mannvit, hafa lýst áhuga á að koma
að slíkum verkefnum og eru í við-
ræðum við rúmensk stjórnvöld um
það.
Ráðherrarnir voru á einu máli
um að auka mætti viðskipti ríkjanna
og ræddu hugmyndir um það til
að mynda með því að halda þing
sprotafyrirtækja. Utanríkisráðherra
Rúmeníu lýsti áhuga á að læra um
hvernig Íslendingar hafi byggt upp
velferðarkerfi sitt og hvernig þjóðin
hafi náð því að komast í fremstu röð
í jafnréttisbaráttunni.
Utanríkisráðherra skýrði gang-
inn í aðildarviðræðum Íslands og
Evrópusambandsins og hétu Rúm-
enar fullum og eindregnum stuðn-
ingi við umsókn Íslands. Þeir hefðu
skilning á því að einstakir þættir
viðræðnanna, eins og um sjávar-
útvegsmál, skiptu sköpum þegar
kæmi að því að íslenska þjóðin tæki
afstöðu til samningsins.
Utanríkisráðherra tilkynnti
rúmenska ráðherranum að frá og
með áramótum hefðu takmarkanir
á flutningi fólks frá Rúmeníu til Ís-
lands á grundvelli EES-samningsins
verið numdar úr gildi eins og hjá
flestum Evrópuríkjum. Þá lýsti hann
stuðningi við þátttöku Rúmena í
Schengen-samstarfinu og í starfi
Efnahags- og framfarastofnunar-
innar, OECD.
Utanríkisráðherra átti sérstakan
fund með Leonard Orban, Evrópu-
málaráðherra Rúmeníu, sem fer
með málefni Evrópusjóða, til að
hvetja Rúmena til að setja meiri
kraft í jarðhitaverkefnin.
Þá átti ráðherra fund með Petru
Filip, starfandi forseta rúmenska
þingsins, sem einnig hefur mikinn
áhuga á að hvetja til hitaveituverk-
efna í vesturhluta landsins, þaðan
sem hann kemur og var borgarstjóri
um árabil. Allir lýstu viðmælend-
urnir miklum vilja til samstarfs við
Íslendinga og lögðu mikið upp úr
að efla samband þjóðanna.