Dagblaðið Vísir - DV - 19.04.2013, Qupperneq 52

52 Fólk 19.–21. apríl 2013 Helgarblað
Ætlar í rómantíska utanlandsferð
n Elín Arnar verður á launum fram á haust
É
g ætla að njóta lífsins og fara
eins oft til útlanda og ég get í
sumar, segir Elín Arnar, fyrrver-
andi ritstjóri Vikunnar, en hún
lét af störfum í byrjun þessarar viku.
„Í júní ætla ég að fagna fertugs-
afmælinu mínu með æskuvinkon-
um mínum. Við ætlum til Brighton
á Englandi. Ein af okkur á hús í
borginni skammt frá ströndinni.
Við verðum allar fertugar á árinu og
ákváðum fyrir löngu að fara saman í
utanlandsferð af því tilefni. Í júlí ætla
ég og dóttir mín að fara til Barcelona.
Vinkona mín er með íbúð í borginni
og við ætlum að heimsækja hana.
Í ágúst liggur leiðin svo til Kaup-
mannahafnar en bróðir minn er að
gifta sig og ég ætla í brúðkaupið.
Fjórða ferðin verður með kærastan-
um, við ætlum saman í rómantíska
ferð. Það er hins vegar ekki ákveðið
hvert eða hvenær. Það verður nóg að
gera hjá mér í sumar enda ætla ég að
njóta þess að gera bara það sem mér
finnst skemmtilegt því ég er á laun-
um fram á haust.“
Elín segist ekki vita hvað taki við
þegar fer að hausta en hún segist
sannfærð um að það séu góðir tímar
fram undan. Hún segir að nokkrir
hafi nú þegar sett sig í samband við
hana og viðrað ýmsar hugmyndir um
samvinnu. Hún vill hins vegar ekki
gefa upp við hvað eða í hvaða geira.
Elín hefur unnið sem blaðamaður
í á áttunda ár. Hún ritsýrði Vikunni
allan þann tíma. Hún segist ekki sjá
eftir Vikunni. „Ég elska Vikuna en ég
sé ekki eftir henni. Þetta er frábært
blað en ég var farin að hugsa mér til
hreyfings snemma á þessu ári.“ n
Hvað er að
gerast?
19.–21. apríl
Föstudagur19
apr
Laugardagur20
apr
Sunnudagur21
apr
Kvennafræðarinn
Leikritið er byggt á bókinni Kvinde kend
din krop sem kom fyrst út í Danmörku
árið 1975 og vakti mikla athygli með
hispurslausri umfjöllun um konur, líkama
þeirra, tilfinningar, frjósemi og kynlíf.
Eldfjörug og ágeng leiksýning um allt
sem konur og karlar vilja vita um kven­
líkamann.
Þjóðleikhúsið 19.30
Englar alheimsins – aðalæfing
Hér er á ferð ein vinsælasta íslenska
skáldsaga síðari ára í nýrri leikgerð en
Englar alheimsins lýsir árekstri tveggja
heima, brjálseminnar og hversdagsleik­
ans. Verkið er saga listamannsins Páls
sem ungur að árum er orðinn illa haldinn
af geðveiki og missir tökin á lífinu. Lýst
er af miklu innsæi heimi hins geðveika,
einsemd hans og útskúfun og átökum
hans við sjálfan sig og samfélagið.
Ógleymanlegt verk, fullt af sársauka en
jafnframt hlýju og húmor.
Þjóðleikhúsið 19.30
Kvöldstund með
Þór Breiðfjörð
Nú gefst Íslendingum
tækifæri til að setjast
niður með söngvaran­
um Þór Breiðfjörð í ná­
lægð, heyra bestu lögin úr mörgu því sem
hann hefur tekið sér fyrir hendur og heyra
sögur af ferli hans. Rödd Þórs hefur ótrú­
lega breidd, mátt og tilfinningu og lætur
engan ósnortinn. Þór er fyrst og fremst
sviðsmaður og nýtur þess að spjalla við
áhorfendur og deila lögum sem hann
hefur dálæti á. Með Þór á sviðinu verður
píanóleikarinn og útsetjarinn landskunni,
Kjartan Valdemarsson.
Salurinn 20.30
Útgáfutónleikar
Akureyski tónlistar­
maðurinn Rúnar Eff er
að senda frá sér sína
aðra breiðskífu og
efnir í tilefni þess til
glæsilegra útgáfu­
tónleika. Sviðið verður
fullt af frábærum hljóðfæraleikurum
og söngvurum og mun 15 manna kór
aðstoða Rúnar við flutning nokkurra
laga. Sérstakir gestir á tónleikunum eru
Jógvan Hansen, Vignir Snær Vigfússon og
Pontus Stenkvist.
Hof, Akureyri 21.00
Vortónleikar
Á vortónleikum Karlakórs Akureyrar­
Geysis einblína kórfélagar á tímabilið
1930 til 1950. Horft verður jafnt til
erlendra og innlendra tónskálda og víst
er að söngdagskráin verður fjölbreytt.
Einsöngvarar kórsins fá sérstaklega
að njóta sín á þessum vortónleikum og
undirstrikar framlag þeirra breiddina í
starfi kórsins.
Hamrar 16.00
Góðir tímar framundan „Elska Vikuna en sé ekki eftir henni,“ segir Elín Arnar fyrr­
verandi ritstjóri Vikunnar.
H
venær áttu afmæli? spyr
listamaðurinn Ísak Óli Sæv-
arsson kíminn á svip þegar
blaðamaður kynnir sig í
galleríi Listamönnum á
Skúlagötu. Þangað er blaðamaður
kominn til að kynna sér sýninguna
Meistarar. Listamenn gallerí tekur
nú þátt í List án landamæra í fyrsta
skipti og setur upp sýninguna sem
saman stendur af verkum sex lista-
manna sem hafa verið áberandi á há-
tíðinni síðastliðin ár. Listamennirnir
eru þau Ísak Óli Sævarsson, Guðrún
Bergsdóttir, Hermann B. Guðjóns-
son, Linda Rós Lúðvíksdóttir, Ingi
Hrafn Stefánsson og Gígja Thorodd-
sen. Þrjú þeirra eru mætt til að ræða
við blaðamann um verk sín, þau Ísak
Óli, Guðrún og Ingi Hrafn.
Batman-strumpur
og sóðastrumpur
„Þá varstu þrítug árið 2006,“ tjá-
ir Ísak Óli blaðamanni eftir að hafa
heyrt svar við spurningu sinni.
Hann virðist ánægður með þá stað-
reynd. Verk Ísaks Óla eru löngu orðin
landsþekkt. Myndefni hans snýr að
þekktum persónum barnaævintýra.
Skemmtilegast finnst honum að mála
strumpana. Hann bendir á strumpana
á myndum sínum og þylur upp nöfn
þeirra. Meðal þekktra strumpa leynast
aðrir óþekktari, Batman-strumpur og
sóðastrumpur þeirra á meðal. Hann
segist ánægður með sýningarhaldið.
„Já, mér finnst þetta mjög gaman,“ seg-
ir hann og snýst á hæli. Ísak Óli er með
einhverfu og hefur stundað myndlist
undanfarin ár með góðum árangri.
Kirkjur og ávextir
Ingi Hrafn Stefánsson málar kirkjur
og er með nokkur verk á sýningunni.
„Ég mála kirkjur og ávexti, útskýrir
hann og sýnir blaðamanni afrakstur-
inn. Teikningar hans eru bráð-
skemmtilegar, í aragrúa af þekktum
kirkjum leynast kirsuber og bananar.
„Þetta er allt í samhengi, ávextirnir og
kirkjurnar,“ segir hann glaður í bragði.
Nýgreind með
Parkinson-sjúkdóminn
Guðrún Bergsdóttir er með út-
saumsverk á sýningunni. Hún
vinnur eitt til tvö verk á ári. Hnýtir
með garni í striga litrík mynstur.
Útkoman er magnað sjónarspil.
Guðrún veiktist af flogaveiki fyrir
nokkrum árum og hefur borið
skaða af þeim veikindum og er ný-
greind með Parkinson-sjúkdóm-
inn. „Ég vona að hún geti haldið
áfram að vinna að myndlistinni,“
segir móðir hennar sem er mætt í
sýningarsalinn henni til aðstoðar.
Guðrún vill helst að móðir hennar
svari fyrir hana spurningum blaða-
manns. Garnið hefur Guðrún með
sér í bakpoka og hnýtir í verk sín
þegar hana lystir.
Sýningin verður opnuð á laugar-
daginn. Við opnun sýningarinnar
flytja þau Rut Ottósdóttir og
Auðunn Gestsson nokkur ljóð úr
nýútkomnum ljóðabókum sínum.
„Ég vona að það komi margir, ég býð
alla velkomna,“ segir Ingi Hrafn sem
vonast til þess að selja verk á sýn-
ingunni. „Kannski á svona fjörutíu
þúsund kall.“ n kristjana@dv.is
Magnað sjónarspil Guðrún er nýgreind
með Parkinson­sjúkdóm sem gerir henni
erfiðar fyrir að vinna að list sinni.
Bananar, ber og kirkjur Ingi Hrafn
teiknar kirkjur og ávexti.
Listamenn Ingi Hrafn, Ísak Óli og Guðrún, þrjú þeirra
sem sýna á sýningunni Meistarar í Listamönnum gall­
eríi á hátíðinni List án landamæra. MyNd siGtryGGur Ari
Eftir Ísak Óla Strumparnir eru Ísaki Óla hugleiknir. Á þessari mynd má sjá Batman­strump
fyrir miðju. n List án landamæra hefst um helgina
Meistarar sýna
verk sín
Meistarar
20. apríl til 4. maí
Opið frá 9–18.00 virka daga
Frá 12–16.00 laugardaga
Listamenn, Skúlagötu 32–34
101 Reykjavík
listamenn.is