Dagblaðið Vísir - DV - 26.04.2013, Blaðsíða 8

8 Fréttir 26.–28. apríl 2013 Helgarblað
Vilja sátt um
verðkannanir
Neytendasamtökin hvetja ASÍ og
fulltrúa matvöruverslana til að ná
sátt varðandi verðkannanir verð­
lagseftirlits ASÍ sem styr hefur
staðið um. Sem kunnugt er hafa
forráðamenn matvöruverslana
gagnrýnt kannanir ASÍ og jafnvel
meinað verðlagseftirlitinu að taka
niður upplýsingar um verð í versl­
unum þeirra. Fjallað er um málið
á vef Neytendasamtakanna. Er það
mat samtakanna að verðkannanir
sem þessar séu mikilvægar; þær
veiti neytendum upplýsingar um
verð, verðþróun og verðmun á
milli verslana. Þá veiti þær verslun­
um aðhald við verðlagningu. Því sé
afar mikilvægt að slíkar kannanir
séu gerðar og nái til allra verslana.
„Neytendasamtökin hvetja að­
ila til að ná sátt um slíkar verð­
kannanir en leggja áherslu á að
þær á fyrst og fremst að fram­
kvæma á forsendum neytenda
enda gerðar í þeirra þágu. Stjórn­
völd gáfu út í lok árs 2000 leið­
beinandi reglur um verðkannanir
til opinberrar birtingar. Verðlags­
eftirlit ASÍ tekur meðal annars mið
af þessum reglum við gerð verðk­
annana. Það er skoðun Neytenda­
samtakanna að með því að meina
aðilum að skrá niður verð hafi við­
komandi verslun eitthvað að fela
fyrir neytendum,“ segir á vef Neyt­
endasamtakanna.
Árétting
Í grein sem birtist á DV.is 23.
apríl var fjallað um blaða­
mannafund ríkislögreglu­
stjóra, sem haldinn var sama
dag, var vitnað í Grím Gríms­
son, aðstoðaryfirlögregluþjón
hjá ríkislögreglustjóra. Áréttað
skal að Grímur var ekki á fund­
inum heldur Jón Bjartmarz,
frá sama embætti. Beðist er
velvirðingar á mistökunum.
F
riðjón Björgvin Gunnars­
son, eigandi netverslunar­
innar buy.is, og félög tengd
honum eru nú til skoðunar
hjá embætti sérstaks sak­
sóknara og hjá skattrannsóknar­
stjóra ríkisins. Hann er sakaður
um að hafa skipulega fært starf­
semi netverslunarinnar buy.is á
milli kennitalna á undanförnum
árum til þess að losna við að greiða
aðflutningsgjöld. Starfsemi buy.
is felst að mestu í sölu raftækja
en þegar þau eru flutt inn þarf
að greiða af þeim tolla og virðis­
aukaskatt eða svokölluð aðflutn­
ingsgjöld.
DV fjallaði ítarlega um meint
brot Friðjóns og félaga hans í júní
árið 2012. Var tilefnið ítrekaðar
ásakanir á hendur honum um
skipulagt kennitöluflakk og stór­
tæk skattsvik á spjallsvæði Verð­
vaktarinnar. „Kennitöluflakk er
ekki ólöglegt. Kennitöluflakk er
ekki einu sinni siðlaust,“ skrifaði
Friðjón á vefsvæði Verðvaktarinnar
til að verjast ásökunum á hendur
sér. Í desember á síðasta ári notaði
Friðjón síðan svipuð orð í samtali
við fréttastofu RÚV um að kenni­
töluflakk væri ekki ólöglegt. Nafn
hans kom hins vegar ekki fram í
frétt RÚV.
Sagður bjóða tíu milljónir
DV greindi frá því í janúar að ýmis
félög sem tengjast Friðjóni sam­
kvæmt fyrirtækjaskrá skuldi um
50 milljónir króna í opinber gjöld.
Er svo komið að vegna rann­
sóknar sérstaks saksóknara og
skattayfirvalda hefur nú verið
lokað fyrir ýmis fyrirtæki sem
tengjast Friðjóni hérlendis. „All­
ur innflutningur hefur verið stöðv­
aður á þeim kennitölum sem eru
tengdar mér persónulega og þeim
sem hafa komið nálægt rekstrinum
hjá mér,“ segir Friðjón í tölvupósti
sem heimildarmenn DV fullyrða
að séu frá Friðjóni sjálfum. Í stað
þess að hætta rekstri buy.is ákvað
Friðjón síðan að stofna félagið buy
LLC sem skráð er til heimilis í bæ
nálægt borginni Atlanta í Georgíu­
fylki í Bandaríkjunum.
Fréttastofa RÚV greindi síðan
frá því í kvöldfréttum síðasta
fimmtudag að Friðjón hefði boðið
íslenskum aðila allt að tíu milljónir
króna fyrir veita honum aðgang að
íslenskum kennitölum sem um­
ræddur aðili er skráður fyrir. Var
þar vísað í tölvupóst sem sagður
var þeirra á milli. RÚV greindi hins
vegar hvorki frá nafni Friðjóns né
þess aðila sem skráður er fyrir um­
ræddum kennitölum. DV hefur
einnig umrædda tölvupósta undir
höndum. Friðjón sjálfur heldur því
hins vegar fram í samtali við DV að
umræddur tölvupóstur sem RÚV
vísaði í og DV vitnar í hér í fréttinni
sé falsaður.
„Ef þú hefur kennitölur á lausu
sem hægt er að nota í þennan
rekstur, þó má félagið ekki skulda
ríkinu neitt, né tollstjóra, því að
öðru leyti er það ekki hægt. Al­
mennur vöruinnflutningur færi
þá í gegnum þitt félag á þínu nafni
og verða vörurnar sem um ræðir
afhentar buy.is til að selja þær í
vefverslun okkar, bein tengsl okkar
mega ekki vera í miklum mæli þar
sem allir eru með nefið ofan í mín­
um skít og eiga vart annað ógert
eins og staðan er í dag og því vil
ég að þetta komi ekki til með að
klúðrast ef um samstarf kemur til
með að verða. Í raun eins og margir
hafa haft eftir mér er þetta siðlaust
en samt sem áður ekki ólöglegt,
þó ég borgi ekki toll af þeim vör­
um sem ég hef keypt inn til lands­
ins og selt þær með þeirri álagn­
ingu sem ég get sett á vörurnar
þannig að þetta gangi. En þar sem
ég veit að þú kemur ekki til með að
gera þetta frítt fyrir mig er ég til í
að borga þér 5, til 10 milljónir fyrir
þetta ef samningar nást, en ef þetta
á að virka verður þetta ské, ég vill
frekar borga þér aðeins hærri tölu
og hafa þetta solid í stað þess að
borga þér eitthvað lítið fyrir þetta
og lenda svo í einhverju bastli með
þetta,“ segir í tölvupósti sem heim­
ildarmenn DV fullyrða að séu frá
Friðjóni.
Sakaður um að búa til netsíðu
Við þetta bætist síðan að nú hefur
Guðjón Rúnarsson, eigandi vefsíð­
unnar vaktin.is, lagt fram kæru á
hendur Friðjóni. Málefni buy.is hafa
verið mikið í fjölmiðlum nú í rúmt ár
og vill Friðjón meina að Guðjón hafi
staðið á bak við það að koma óorði
á hann og hans fyrirtæki. Guðjóns
ásakar Friðjón hins vegar um að hafa
látið íslenskan karlmann sækja um
tölvulén undir sínu nafni sem síðar
var gert að svokallaðri stjórnleys­
ingjasíðu undir nafninu ringulreid.
in sem skráð var á Indlandi en með
íslensku efni.
Fjallaði vefmiðillinn Pressan um
málið um miðjan apríl og sagðist
Guðjón miður sín fyrir að hafa verið
skráður fyrir umræddri síðu í samtali
við Pressuna.Vegna þessa ákvað Guð­
jón að kæra Friðjón. Þá hefur einn
af þeim íslensku aðilum sem mynd
var birt af á síðunni í Indlandi kært
myndbirtinguna til lögreglunnar.
Í yfirlýsingu sem Guðjón birti
á vefsíðunni spjall.vaktin.is segist
hann hafa lagt fram kæru á hend­
ur ótilgreindum manni. Hugsanleg
brot þess manns segir Guðjón að
séu þjófnaður á persónueinkennum,
umboðssvik og skjalafals, meið­
yrði, kúgun og tilraun til mannorðs­
morðs. „Ég get nú upplýst ykkur
kæru vinir að það er búið að finna
manninn sem er á bak við þessa við­
bjóðslegu síðu,“ sagði Guðjón í yfir­
lýsingu sinni. Hvatti hann einnig alla
sem ættu um sárt að binda, eftir að
hafa lent á þessari síðu mannsins, til
að kæra hann vegna þess. DV hefur
fengið staðfest að umræddur aðili sé
Friðjón og að kæra á hendur honum
liggi fyrir hjá embætti lögreglunnar í
Reykjavík.
Í sömu tölvupóstum og áður
hefur verið fjallað um hér í frétt
virðist Friðjón viðurkenna að
hafa ætlað sér að hefna sín á Guð­
jóni. „Ég sé ekki af hverju það ætti
að skipta þig máli hvort að ég sé
með ringulreid.in en þannig ligg­
ur samt landið, þeir hafa eyðilagt
rekstrarformúluna hjá mér með
ærumeiðingum í minn garð og
valdið mér skaða af því, því skulu
þeir fá það sama og ég fékk,“ seg­
ir í tölvupósti sem DV hefur und­
ir höndum sem heimildarmenn
blaðsins fullyrða að séu frá Frið­
jóni.
Friðjón neitar ásökununum
Friðjón B. Gunnarsson vísar sjálfur
ásökunum Guðjóns Rúnarssonar um
að hann hafi komið að stofnun ringul­
reid.in á bug. Þá segir hann að þeir
tölvupóstar sem fréttastofa RÚV hefur
vitnað í og DV gerir einnig í greininni
séu falsaðir líkt og áður kom fram.
Lögreglan á höfuðborgarsvæðinu
fer með málið en DV hefur ekki
heimildir fyrir stöðu rannsóknar­
innar. Friðjón segist sjálfur ekki hafa
verið kallaður til yfirheyrslu vegna
málsins sem bendir til að málið sé
skammt á veg komið.
Á miðvikudaginn lagði Friðjón
síðan sjálfur fram kæru á hendur
Guðjóni Rúnarssyni fyrir að hafa
kært sig en líkt og áður kom fram
sagði Pressan frá kærunni sem
vitnað var í hér áður í grein DV.
Ásakar Friðjón Guðjón um að not­
ast við fölsuð gögn sem hann hafi
afhent lögreglunni ásamt því að
láta fréttastofu RÚV og DV fá sömu
gögn. Þess skal getið að Guðjón
Rúnarsson hefur ekki afhent DV
nein gögn. n
Annas Sigmundsson
blaðamaður skrifar annas@dv.is
„Ef þú hefur kenni-
tölur á lausu sem
hægt er að nota í þenn-
an rekstur, þó má félag-
ið ekki skulda ríkinu neitt,
né tollstjóra, því að öðru
leyti er það ekki hægt.
n Lokað á félög Friðjóns B. Gunnarssonar n Neitar ásökunum og kærir
Kærður
fyrir að
stofna
vafasama síðu
Neitar Friðjón
neitar ásökunum
um að hafa stofn-
að vafasama
netsíðu til að
ná sér niður á
samkeppnisaðila.
Málið er komið til
lögreglu.