Dagblaðið Vísir - DV - 26.04.2013, Blaðsíða 32

Sandkorn
K
osningarnar sem nú ganga
í garð eru í undarlegu and­
rúmslofti. Skoðanakannanir
hafa sýnt að stjórnarflokkarn­
ir eru í frjálsu fylgisfalli. Tap
þeirra er fyrirsjáanlegt en spurningin
er einungis hversu stórt það verður.
Sjálfstæðisflokkurinn er einnig
að tapa, sem hlýtur að vera mikið
áhyggjuefni þeirra sem þar stýra.
Stærsta spurning kosninganna
nú virðist vera sú hvaða flokkur verði
stærstur eftir kosningar og leiði þar
með stjórnarmyndun. Síðustu vik­
ur hefur Framsóknarflokkurinn far­
ið með himinskautum í skoðana­
könnunum. Loforð flokksins um að
beisla hrægammana og veita fé til
skuldugra húsnæðiseigenda vegur
þar þyngst. Tillögur Sjálfstæðis­
manna í efnahagsmálum eru skyn­
samlegar og virðast til þess fallnar
að ýta undir hagvöxt og þar með al­
menna velmegun. En þær hafa ekki
náð í gegn og algjör óvissa um gengi
flokksins.
Undarlegasta staðan er uppi varð­
andi aðildarferlið að Evrópusam­
bandinu. Eftir þriggja ára starf virðast
nokkrir flokkanna ætla að taka málið
af forræði almennings. Framsóknar­
flokkurinn og Sjálfstæðisflokkurinn
eru á þeirri braut að setja viðræðurn­
ar í frost og leita einhvern tímann á
kjörtímabilinu til almennings með
spurninguna um það hvort viðræð­
urnar eigi að halda áfram. Í þessu
felst valdníðsla gagnvart fólkinu í
landinu. Það var lýðræðisleg niður­
staða að hefja aðildarviðræður. Í því
felst að eðlilegt sé að ljúka viðræðun­
um og bera þann samning því næst
undir atkvæði þjóðarinnar. Og það
er grunnt á ofstækinu þegar litið er
til þess að landsfundur Sjálfstæðis­
flokksins samþykkti að loka Evrópu­
stofu.
Núverandi stjórnarflokkar eru í af­
leitri stöðu. Það er útbreidd skoðun
á meðal fólksins í landinu að báðir
hafi brugðist. Vinstristjórnin, sem
kenndi sig við velferð, er að hrökklast
frá völdum, trausti rúin. Sú grafskrift
er ekki með öllu sanngjörn. Þetta var
stjórnin sem hafði það hlutverk að
reisa þjóðarbúið úr rústum hrunsins
undir verkstjórn Alþjóðagjaldeyris­
sjóðsins. Það verkefni hefur tekist
bærilega að mati þeirra sem nú bjóða
kjósendum gull og græna skóga eins
og enginn sé morgundagurinn.
Í þroskuðu lýðræðisríki er mikil­
vægt að fólk neyti atkvæðisréttar
síns. Það er nauðsynlegt að kjósend­
ur sjái í gegnum gullrykið sem lýð­
skrumararnir þyrla upp. Í DV í dag er
farið í gegnum nokkur kosningalof­
orð og sérfræðingar leggja á þau mat.
Á DV.is getur fólk leitað að sínum
frambjóðendum og flokkum með því
að taka Alþingisprófið.
Áberandi hefur verið í umræðu­
þáttum frambjóðenda að svör eru
loðin þegar spurt er um kjarna mála.
Margir hafa hlaupið fimlega undan
spurningum og svarað út og suður.
Loforðin hafa streymt fram en þegar
spurt er um aðferðir til að ná yfirlýst­
um markmiðum er gjarnan fátt um
svör. Tómleikinn blasir við.
Aðalatriðið er að hver kjósandi
greiði atkvæði af dýpstu sannfæringu
en láti ekki blekkja sig til hjarðhegð­
unar. Þá má enginn láta skoðana­
kannanir hræða sig frá því að kjósa
flokka sem mælast lágt í fylgi. Ísland
þarf á því að halda að gott fólk sem
vinnur af heilindum komist til valda.
Heimir og
sendiherrann
n Einhver mesti golfáhuga­
maður landsins er Heimir
Karlsson, útvarpsmaður
á Bylgjunni. Heimir
hefur undanfarin ár ver­
ið á þeytingi um landið
og heimsbyggðina til að
spila golf. Í síðustu viku
lagði hann land undir fót
og heimsótti Guðmund Árna
Stefánsson sendiherra og
Jónu Dóru Karlsdóttur, sem
er systir hans, í Washington
D.C. Sem fyrr er heim­
sóknin tengd golfi.
Ósammála
landsfundi
n Sjálfstæðismenn eru
í nokkrum vanda vegna
byltingarkenndrar sam­
þykktar
landsfund­
ar um að
Evrópustofu
verði lokað.
Ragnheiður
Elín Árna-
dóttir, leið­
togi í Suðurkjördæmi, var
þráspurð um málið í sjón­
varpsþætti þar sem hún á
endanum lýsti því yfir að
hún væri ósammála lands­
fundi í þessu máli. Var á
henni að skilja að hún ætl­
aði ekki að hlýða.
Stolt siglir VG
n Kannanir undanfarið
hafa sýnt gríðarlegt hrun
á fylgi stjórnarflokkanna.
Örlög Vinstri grænna eru
í samhenginu hrikaleg
þar sem mælingar sýna að
stærstur hluti fylgisins er
horfinn og um tíma leit út
fyrir að flokkurinn ætti á
hættu að detta út af þingi. Í
könnun á fimmtudag kom
í ljós að fylgið er að lyftast.
Smugan, sem var í eigu VG,
tók mikinn kipp og það var
ekkert dregið úr í fyrirsögn:
„Vinstri græn á siglingu.
Fréttin fjallar um mæl­
ingar sem sýna að einung­
is helmingur fylgisins er
horfinn.
Kynslóðaskipti
n Jón Helgi Guðmundsson,
athafnamaður í Kaupási,
hefur um
árabil verið
einn um­
svifamesti
kaupmaður
Íslands. En
nú heyrast
þau stórtíð­
indi að hann hyggist selja
rekstur sinn að undanskil­
inni byggingavöru keðjunni
Byko. Jón Helgi mun vænt­
anlega standa upp frá
sölunni með fullar hend­
ur fjár. Sjálfur segir hann í
Viðskiptablaðinu að ástæða
sölunnar sé sú að komið sé
að kynslóðaskiptum.
Guð forði þeim frá því að
langa í kaffi á Kaffi París
Hvað heitir þú
væni minn?
Bubbi Morthens um kaffiþyrsta. – DV.is Spurði eldri kona Bjarna Benediktsson, formann Sjálfstæðisflokksins. – DV.is
Kjósum af heilindum
S
tefnuskrá Lýðræðisvaktarinnar
stendur föstum fótum í stjórnar­
skrárfrumvarpinu, sem 2/3 hlut­
ar kjósenda lýstu stuðningi við í
þjóðaratkvæðagreiðslunni 20. október
2012.
Helztu einkunnarorð Lýðræðisvakt­
arinnar eru sótt í upphafsorð nýju
stjórnarskrárinnar:
„Við sem byggjum Ísland viljum
skapa réttlátt samfélag þar sem allir
sitja við sama borð.“
Hvers vegna þarf að hamra á þessu?
Það stafar af því, að hingað til höfum
við ekki fengið að sitja öll við sama
borð.
n Við búum enn við ójafnan at­
kvæðisrétt, þar sem sumir greiða tvö
atkvæði í alþingiskosningum og aðrir
aðeins eitt.
n Við búum enn við ójafnan að­
gang að arðinum af sameiginlegum
auðlindum okkar.
n Við búum enn við ójafnan að­
gang að upplýsingum, svo að við
fáum ekki einu sinni að heyra hljóð­
rit af dýrasta símtali Íslandssögunnar,
þar sem forsætisráðherra og seðla­
bankastjóri tefldu frá sér – nei, frá
skattgreiðendum – 40 milljörðum
króna.
Lýðræðisvaktin er ekki eins máls
flokkur. Stjórnarskráin, sem þjóðin
kaus og þingið brást, spannar vítt svið.
Fyrir liggur styrkur stuðningur með­
al þjóðarinnar við helztu ákvæði nýju
stjórnarskrárinnar. Í þjóðaratkvæða­
greiðslunni lýstu 83% kjósenda sig
fylgjandi auðlindum í þjóðareigu, og
67% lýstu sig fylgjandi jöfnum atkvæð­
isrétti. Þetta eru þverpólitísk mál.
Þverpólitískt framboð …
Okkur á Lýðræðisvaktinni þótti rétt að
veita færi á framboði, þar sem eru í
forsvari átta fv. stjórnlagaráðsfulltrúar
auk nýrra samherja úr ýmsum áttum.
Við erum þverpólitískt framboð, nema
réttara sé að kalla okkur ópólitískt
framboð. Hvernig má það vera?
Þeim, sem lesa stefnuskrá Lýð­
ræðisvaktarinnar á xlvaktin.is, er
ómögulegt að færa haldbær rök að
því, að hún hallist til hægri eða vinstri.
Stefnuskrá Lýðræðisvaktarinnar býr
yfir sama galdri og frumvarp stjórn­
lagaráðs að nýrri stjórnarskrá. Hún
hefur breiða skírskotun til kjósenda
hvar í flokki sem þeir kunna áður að
hafa staðið. Þannig er nýja stjórnar­
skráin, enda speglar hún niðurstöðu
þjóðfundarins, þar sem allar raddir
heyrðust.
Auðlindir í þjóðareigu snúast ekki
um vinstri eða hægri stefnu. Jafnt vægi
atkvæða snýst ekki um vinstri eða
hægri stefnu, og það gerir frjáls að­
gangur að upplýsingum til að girða
fyrir leynd og spillingu ekki heldur – og
þá ekki heldur persónukjör eða beint
lýðræði.
Helztu stefnumið Lýðræðisvakt­
arinnar eru mál, sem þjóðin lýsti
stuðningi við 20. október og gömlu
flokkarnir á Alþingi brugðu fæti fyrir
á lokadegi þingsins í eiginhagsmuna­
skyni. Baráttan fyrir jöfnum atkvæðis­
rétti hefur staðið frá 1849. Baráttan fyr­
ir réttlátri og hagkvæmri fiskveiðistjórn
hefur staðið í 40 ár. Þjóðin tók af skar­
ið. Þingið tók völdin af þjóðinni.
… gegn sérhagsmunum
Vitaskuld eru ríkir hagsmunir við það
bundnir, að þessi framfaramál og
önnur nái ekki fram að ganga. Þess
vegna var stjórnarskrárfrumvarpinu
siglt í strand í skjóli nætur fyrir þing­
lok, þótt fyrir lægi opinber stuðning­
ur 32 þingmanna af 63 við samþykkt
frumvarpsins, sem 2/3 hlutar kjós­
enda höfðu áður lagt blessun sína yfir.
Forseti Alþingis braut þingsköp með
því að bera frumvarpið ekki undir at­
kvæði, þótt enginn hafi fyrr en nú haft
orð á þeim þætti hneykslisins opin­
berlega.
Lýðræðisvaktin mælist til, að Al­
þingi staðfesti framgang þjóðarviljans
í stjórnarskrármálinu. Lýðræðisvakt­
in býðst einnig til að hjálpa til við að
endursemja þau lög, sem þarfnast
endurskoðunar, svo að þau standist
nýja stjórnarskrá. Málið er brýnt.
Stjórnarmeirihlutinn á Alþingi kom
upp um sig á lokadögum þingsins,
þegar hann lagði fram fiskveiðistjórn­
arfrumvarp, sem gekk bersýnilega í
berhögg við stjórnarskrárfrumvarp
sama þingmeirihluta.
Við á Lýðræðisvaktinni bjóðum
fram krafta okkar á Alþingi til að
tryggja, að lagasetningin, sem þarfn­
ast endurskoðunar í samræmi við nýja
stjórnarskrá, verði rétt samin og með
henni sé ekki reynt að fara á svig við
efni og anda nýrrar stjórnarskrár. Við
bjóðumst einnig til að hjálpa til við að
koma hagstjórninni í betra og varan­
legra horf og leggja grunn að betra lífi
um landið.
Höfundur skipar 1.sæti á lista
Lýðræðisvaktarinnar í Reykjavíkur­
kjördæmi norður.
Réttlátt samfélag
Kjallari
Þorvaldur
Gylfason
Útgáfufélag: DV ehf. Stjórnarformaður: Ólafur M. Magnússon Ritstjóri: Reynir Traustason (rt@dv.is) Fréttastjóri: Ingi Freyr Vilhjálmsson (ingi@dv.is) Umsjón helgarblaðs: Ingibjörg
Dögg Kjartansdóttir (ingibjorg@dv.is) Umsjón innblaðs: Kristjana Guðbrandsdóttir (kristjana@dv.is) Framkvæmdastjóri og vefstjóri DV.is: Jón Trausti Reynisson (jontrausti@dv.is)
Sölu- og markaðsstjóri: Heiða B. Heiðarsdóttir (heida@dv.is) Umbrot: DV Prentun: Landsprent Dreifing: Árvakur DV á netinu: www.dv.is
F R J Á L S T, Ó H Á Ð D A G B L A Ð
Heimilisfang
Tryggvagötu 11
Hafnarhvoli, 2. hæð
101 Reykjavík
FRéTTASkoT
512 70 70 DV áskilur sér rétt til að birta aðsent efni blaðsins á stafrænu formi og í gagnabönkum án endurgjalds. Öll viðtöl blaðsins eru hljóðrituð. Notkun á efni blaðsins er óheimil án samþykkis.
512 7000
512 7010
512 7080
512 7050
AÐALnúmeR
RiTSTJÓRn
ÁSkRiFTARSími
AuGLýSinGAR
32 26.–28. apríl 2013 Helgarblað
Leiðari
Reynir Traustason
rt@dv.is
„Auðlindir í
þjóðareigu
snúast ekki um
vinstri eða
hægri stefnu
„Það er nauðsynlegt
að kjósendur sjái í
gegnum gullrykið.