Dagblaðið Vísir - DV - 26.04.2013, Blaðsíða 22

22 Kosningar 2013 26.–28. apríl 2013 Helgarblað
Þrettán þúsund
á kjörskrá erlendis
n Um 70 prósent búsett á Norðurlöndunum n Dagur Sigurðsson flaug 800 kílómetra til að kjósa
N
ærri 13 þúsund Íslendingar
sem eru með lögheimili er-
lendis eru á kjörskrá. Um 70
prósent þeirra eru á Norður-
löndunum eða um níu þús-
und. Á kjörskrá eru um 240 þúsund
Íslendingar og af þeim eru 4,4 prósent
með lögheimili erlendis. Þeir sem eru
með skráð lögheimili erlendis eru með
kosningarétt í átta ár eftir að hafa flutt
af landi brott. Að þeim tíma loknum
þurfa þeir sérstaklega að sækja um
áframhaldandi kosningarétt hérlendis.
Þeir sem hafa búið erlendis þekkja
líklega margir að mjög mismunandi
aðgangur er að ræðismönnum og
sendiráðum Íslands. Frásögn Dags
Sigurðssonar, þjálfara Füsche Berlin í
úttekt DV, er gott dæmi um það. Þegar
hann var búsettur í Japan flugu hann
og kona hans rúmlega 800 kílómetra
leið frá Hiroshima til Tókýó til að nýta
sér kosningarétt sinn. Í ár hjóluðu þau
í sendiráðið í Berlín til að kjósa. DV
leitaði til nokkurra Íslendinga sem
flestir hafa verið búsettir nokkuð lengi
erlendis. Líkt og sjá má í svörum þeirra
höfðu þau misgott aðgengi að ræðis-
mönnum og sendiráðum sem skýr-
ir að þau sáu sér ekki öll fært um að
kjósa í þetta skiptið. n
D
agur Sigurðsson er þjálf-
ari Füsche Berlin í þýsku
bundesligunni í handbolta.
Hann er flestum kunnur
enda fyrrverandi fyrirliði íslenska
landsliðsins í handbolta og var at-
vinnumaður í handbolta erlendis
til margra ára. Hann hefur búið í
Berlín frá því að hann tók við þjálf-
un Füsche Berlin sumarið 2009.
Í samtali við DV segist Dagur oft-
ast reyna að nýta sér kosningarétt
sinn en hann hefur að stærstum
hluta verið búsettur erlendis síð-
ustu 17 árin eða frá því að hann
gerðist leikmaður Wuppertal árið
1996, þá 23 ára. Hann var einnig
leikmaður í Japan og síðar spilaði
hann og þjálfaði í Austurríki. Þess
skal getið að hann fagnaði fertugs-
afmæli sínu fyrr í þessum mánuði.
„Mest þurfti ég að hafa fyrir því
að nýta kosningarétt minn þegar ég
var búsettur í Japan. Þá flugu ég og
konan mín frá Hiroshima til Tókýó
til þess að fá að kjósa. Þetta var hins
vegar aðeins einfaldara hjá okkur í
þetta skiptið, en við fórum hjólandi
í sendiráðið hérna í Berlín til að
kjósa,“ segir Dagur. Þess skal getið
að á milli þessara staða eru heilir
800 kílómetrar.
Varðandi kosningabaráttunnar
heima á Íslandi segist hann hafa
verið nokkuð duglegur að fylgjast
með fréttum af því sem hefur ver-
ið að gerast. „Mér finnst umræðan
enn litast svolítið af hrunárunum.
Það var nokkuð skýrt fyrir mér
hvaða kostir eru í boði og um hvað
fólk er að kjósa. Síðan má alltaf ef-
ast um hvort sum framboð séu að
setja fram loforð sem eiga sér stoð
í raunveruleikanum eða ekki. Eftir
að hafa farið yfir það fannst mér
nokkuð skýrt hvaða framboð ég
taldi raunverulega í boði,“ segir
hann. n
K
ristinn Hermannsson er dokt-
or í hagfræði og er búsettur í
Edin borg á Skotlandi ásamt
sambýlismanni sínum. Hann
er 35 ára og vinnur að rannsóknum í
hagfræði hjá stofnun sem heitir The
Fraser of Allander Institute. Frá árinu
2004 hefur Kristinn að mestu verið
búsettur erlendis, fyrst í Hollandi þar
sem hann var í meistaranámi og síð-
ar Skotlandi þar sem hann stundaði
doktorsnám í hagfræði og hefur síð-
an unnið við rannsóknir á því sviði.
Þess má til gamans geta að Kristinn er
sjálfur ekki ókunnugur stjórnmálum
en árið 1996 varð hann yngsti bæjar-
fulltrúi á Íslandi þegar hann settist í
bæjarstjórn Ísafjarðarbæjar í tvö ár
fyrir hönd Funklistans sem var fram-
boð ungs fólks þeim tíma.
Kaus hjá séntilmanni
„Ég skellti mér til ræðismanns Ís-
lendinga sem er hér í Edinborg,
íhaldsmaður og séntilmaður sem
stundar ullarviðskipti í Hálöndunum,
og kaus hjá honum. Mjög skemmti-
legur kall. Hjá honum hef ég verið
reglulegur gestur, bæði vegna stjórn-
lagaráðs og Icesave eitt, tvö og þrjú,“
segir Kristinn. Aðspurður segist hann
hafa verið nokkuð duglegur að fylgj-
ast með kosningabaráttunni á Íslandi.
Þó sé orðið erfitt að skilja allt sem er
í gangi þar sem hann vanti stund-
um forsöguna varðandi ýmis málefni
og deilur á milli stjórnmálamanna.
Hann segist hafa það á tilfinningunni
að það hafi ekki verið mikill áhugi hjá
þeim Íslendingum sem hann þekki í
Skotlandi fyrir því að kjósa núna í al-
þingiskosningunum. Mikil þátttaka
hafi verið 2009 en nú sé fólk minna
spennt.
Skrítin staða í stjórnmálunum
„Mér finnst staðan í íslenskum stjórn-
málum svolítið skrítin núna. Báðir
stjórnarflokkarnir gáfust upp fyrr
í vetur og það var eins og þá lang-
aði ekki lengur að vera til. Síðan
kom þessi ofboðslegi stuðningur
við Framsóknarflokkinn. Þótt flokk-
urinn sé með mikið af hugmyndum
varðandi skuldavanda heimilanna
kemur stuðningurinn við Fram-
sókn mér töluvert á óvart. Síðan er
krísa í Sjálfstæðisflokknum. Það eru
ekkert vinstrimenn sem eru vondir
við Bjarna Benediktsson heldur ein-
faldlega hans eigin flokksmenn.
Bjarna myndi örugglega bara finn-
ast það hressandi núna ef vefmiðil-
inn Smugan færi að atast í honum
eftir að hafa fengið hnífasettið í bak-
ið frá samherjum sínum í Sjálfstæðis-
flokknum,“ segir Kristinn.
Það er hans mat að margir séu
ráðvilltir og þá sérstaklega þeir sem
studdu ýmis umbótamál sem núver-
andi ríkisstjórn lagði upp með árið
2009, varðandi stjórnarskrá, endur-
skipulagningu bankakerfisins og
auðlindamál. Svo séu margir núna
sem vilji styðja ný framboð sem þó
mörg hver mælast ekki með nægt
fylgi til þess að ná inn þingmönnum.
Þegar hann er spurður að því
hvort hann hafi reynt að útskýra fyrir
erlendum vinum sínum það sem sé
í gangi núna í kosningabaráttunni
segist Kristinn ekki hafa gert mikið
af því. „Þó hef ég sagt að hægri síð-
an virðist klofin, líka vinstri síðan og
svo eru margir tilraunaflokkar sem
verður spennandi að sjá hvað kemur
út úr. Það er í sjálfu sér mjög jákvætt
að það sé fullt af fólki á Íslandi sem sé
að prófa sig áfram í stjórnmálum með
því að skipuleggja ný framboð. Þó að
sum þeirra komist ekki á þing þá held
ég þetta sé jákvætt. Þær tengingar
sem þar verði hverfi ekki eftir kosn-
ingarnar.“ Annars segir Kristinn að
framboð Landsbyggðarflokksins sem
býður sig fram í Norðvesturkjördæmi
sé einna áhugaverðast. Það sé flokkur
sem sé að setja byggðamálin fram á
annan hátt en áður hefur verið gert. n
Dagur Sigurðsson, Þýskalandi:
Flaug frá Hiroshima til að kjósa
Kristinn Hermannsson, Skotlandi:
18 ára bæjarfulltrúi Funklistans
Reynir oftast að kjósa Dagur Sigurðsson, þjálfari handboltaliðsins Füsche Berlin
segist yfirleitt reyna að nýta sér kosningarétt sinn en hann hefur verið búsettur erlendis
að mestu síðustu 17 árin.
Kaus í Edinborg Kristinn Hermannsson, doktor í hagfræði sést hér, til hægri á myndinni,
ásamt félaga sínum á góðri stund í Skotlandi með Highland Park-viskíflösku í hendi.
Annas Sigmundsson
blaðamaður skrifar as@dv.is
„Þá flugu ég
og konan
mín frá Hiroshima
til Tókýó til þess
að fá að kjósa