Dagblaðið Vísir - DV - 26.04.2013, Blaðsíða 58

58 Lífsstíll 26.–28. apríl 2013 Helgarblað
Pakkaðu rétt niður fyrir fríið
n Þyngstu hlutirnir neðst til að forðast að krumpa flíkur
Þ
að er fátt ömurlegra en að
upplifa það þegar komið er
á afangastað að gleymst hafi
að pakka einhverju niður í
ferðatöskuna. Það er góð regla að
athuga veðurspána áður en haldið
er í ferðalag til að hafa viðeigandi
fatnað með í för. Íslenskt veðurfar
er einstakt og ekki hægt að stóla
á veðurspána í mörgum tilfellum,
en reiknaðu með rigningu og roki
á einhverjum tímapunkti frekar en
sól og logni.
Gerðu plön
Skipuleggðu hvað þú ætlar að gera
alla dagana sem fríið stendur yfir.
Fínt út að borða, leikhús, sund,
skoðunarferðir, fjallgöngur eða
slökun, pakkaðu niður samkvæmt
því.
Ekki gleyma að
hugsa um húðina
Sólarvörn, varasalvi og hárnær­
ing eru á meðal þess sem stund­
um gleymist að pakka niður þegar
ferðast er til útlanda. Oft og tíð­
um eru ekki sömu vörur fáanlegar
í sólarlöndum og hér heima. Hárið
og húðin eiga það á hættu að þorna
upp í mikilli sól og hita. Ekki viltu
vera með úfið hár og þurrkbletti
í fríinu. Pakkaðu kremum niður
í plastpoka áður en þú setur þau
í snyrtibudduna. Í þrýstingnum
sem myndast í fluginu eru líkur á
að kremtúpur springi og ekki viltu
fá allan fatnaðinn löðrandi í kremi.
Engar krumpur takk
Rúllaðu upp buxum, pilsum
og skyrtum sem þú vilt ekki að
krumpist um of. Það er aldrei hægt
að koma alveg í veg fyrir einstaka
krumpur, en það má fækka þeim
með þessu ráði.
Hreinlæti ofar öllu
Hugsaðu út í hvar þú hefur stigið
niður fæti áður en þú skellir skóm
í töskuna. Settu skó alltaf í plast­
poka áður en þú pakkar þeim nið­
ur og settu sokkana inn í þá til að
spara pláss.
Afþreying
Taktu spil eða bækur með í ferða­
lagið. Það getur verið mjög gaman
að spila við sundlaugarbakkann
eða lesa góða bók. Ef ferðast er með
börnunum þá er upplagt að taka
með liti, teikniblokk og púsluspil
til að litlu krílunum leiðist ekki.
Skipulag Pakkaðu vel inn og nýttu plássið
til hliðar fyrir nærfatnað og þvíumlíkt.
Reynir
Traustason
Baráttan
við holdið
É
g náði þeim áfanga
lífsins í vikunni
að hafa verið
edrú í 20 ár.
Þetta er afleiðing
af ákvörðun sem ég
tók árið 1993 eftir að
hafa orðið mér til skammar vegna
ölvunar. Minn tími kom skyndi­
lega og ég lagði frá mér flöskuna.
M
argir skammast sín fyrir
að vera alkóhólistar. Þeir
mega ekki heyra á það
minnst hvernig framganga
þeirra var í óminnisástandinu.
Sjálfur var ég svona í neyslunni.
Það var bein móðgun ef einhver
sagði að ég væri leiðinlegur með
víni. Nú veit ég að það er satt.
Ég hef það eitt til varnar að vera
alkóhólisti og hafa ekki ráðið
gjörðum mínum.
Þ
að er dálítið merkilegt þegar
maður lítur til baka að
enn eru fordómar vaðandi
uppi. Þeir sem telja sig eiga
harma að hefna gagnvart mér
hafa haldið gömlum veikleikum
mínum á lofti. Stjörnulögmaður í
stríði við DV sagði nýlega frá því
í sjónvarpsviðtali að kona á Flat­
eyri hefði gjarnan dregið mig upp
úr drullupollum. Ég hefði verið
svo mikill alki. Það getur svo sem
verið að sú góða kona, sem þekkt
er fyrir sagnasnilld, hafi komið
mér til hjálpar á erfiðri stundu. Ég
bara man það ekki. Forsetafram­
bjóðandi í fýlu fór í sama farveg.
Hann sagði frá því á Út­
varpi Sögu að ég hefði
neytt áfengis ótæpi­
lega á yngri árum
og þá gjarnan verið
reikull í spori. Hjá
báðum þessum mönn­
um var boðskapurinn sá
að alkar væru aumingjar. Það
skondna var að andstæðingar
frambjóðandans reyndu að koma
höggi á hann með því að senda
DV mynd þar sem sá góði mað­
ur var öldauður á bar. Við birtum
ekki myndina þar sem maðurinn
var bersýnilega veikur.
É
g hef látið mér umræður
um fortíð mína sem alki í
léttu rúmi liggja. Sagnir um
drykkju mína á yngri árum
eru sumar ýktar en aðrar sannar.
Ég drakk mér til skaða en gerði
að lokum eitthvað í málunum
sem er aðalatriði. Fjöldi vina
minna og samferðamanna hef­
ur dáið vegna drykkjusýki. Það
er beinlínis hrollvekjandi hversu
margir góðir menn og konur
hafa fallið í valinn vegna þeirra
bölvunar sem kenndar eru við
Bakkus konung. Sjálfur er ég svo
heppinn að hafa sloppið. Ástæð­
an er einfaldlega sú að vekjara­
klukka lífs míns hringdi þann 24.
apríl árið 1993.
É
g hef aldrei efast um
ákvörðun mína. Hún er að
vísu tekin til árs í senn og
endurskoðunarákvæðin því
virk. Ég hef sparað mér ótal daga
sem annars hefðu farið í drykkju
eða þynnku. Lauslega áætlað er
um að ræða 720 daga sem ég hef
verið heilbrigður í stað þess að
liggja í þynnku og vesæld. Ég er
stoltur af því að vera alki og ná að
halda sjúkdómnum niðri. Á mið­
vikudaginn fór ég í huga mínum
yfir stöðuna eins og ævinlega á
þessum degi og ákvað nær um­
svifalaust að halda áfram á braut
reglusemi. Ég nenni ekki að vera
fullur og óttast þynnkuna. Á sama
tíma að ári mun ég taka nýja
ákvörðun.
Ég nenni ekki
að vera fullur
E
rtu ein/n af þeim sem byrj­
ar daginn ofan á vigtinni
með kökk í hálsi, klípur í kvið
átján sinnum á dag, og græt­
ur yfir spegilmyndinni?
Undirhakan of síð, appelsínu­
húðin, múffutoppinn mætti selja í
næsta bakaríi fyrir slikk.
Kíló, sentimetrar, grömm, fata­
stærðir, gatið á beltinu. Endalausir
heimasmíðaðir mælikvarðar á lífs­
hamingjuna og niðurrif á mæli­
kvarða yfir að ná þeim ekki.
Ef lýsislekinn er ekki í takt við
hækkun bensínverðs er lífshamingj­
an í toilettinu, kílóin hypja sig ekki á
hraða örbylgjunnar er allt eins gott
að hætta þessu heilsukjaftæði og
taka aftur upp sjoppulífið.
En hvað með allar dásamlegu
breytingarnar sem eru að gerast
inni í maskínunni? Þegar Naglinn
fær árangurssögur frá sínum skjól­
stæðingum er slíkur vitnisburð­
ur enn gleðilegri en frásagnir af
smjörplokki.
„Það er ekki bara mörinn sem
lekur, alveg gríðarlegar bætingar í
blóðþrýstingi og púls. Ég var 140/71
í blóðþrýstingi og púls 68 þegar ég
byrjaði að breyta lífsstílnum. Er
núna 114/63 í blóðþrýstingi og púls
er 59.“
„Ég er með PCOS sem eru fjöl­
blöðrueggjastokkar og hef sjaldan
egglos Kvensjúkdómalæknirinn
minn sagði að ég gæti aukið líkurn­
ar ef ég væri í kjörþyngd. Ég fer í fjar­
þjálfun og búmm… ári seinna er ég
komin í kjörþyngd og orðin ófrísk.“
„Heildarkólesteról minnkað í 4,4,
úr 7,2 LDL úr 4.2 í 3,0 og læknirinn
hefur minnkað blóðfitulækkandi
lyfið úr 80mg í 10mg á innan við ári
og þakkar það lífsstílsbreytingun­
um.“
„Ég er orðin miklu sterkari en ég
var get gert armbeygjurnar sem eru í
prógramminu sem ég fékk og finnst
það ekkert sérstaklega erfitt, gat það
ekki áður.“
„Ég fann hvað það er mikilvægt
að vera sterkur í venjulegri líkam­
legri vinnu. Miðjan er til dæmis vel
virkjuð við að skakast á eldgamalli
dráttarvél hring eftir hring á ójöfnu
túni og gott að hafa sterka handleggi
þegar ekkert er vökvastýrið á þeirri
sömu Massey Ferguson!“
„Ég finn fyrir því að kviðurinn er
orðinn sterkari og það er auðveldara
að halda á bónuspokunum upp fjór­
ar hæðir.“
„Menn í körfuboltanum hafa haft
orð á því að það sé „hundleiðinlegt“
að dekka mig og ég geti hreyft mig
orðið allt of mikið!“
Því miður einblínum við alltof
oft á ytri árangur. Það er náttúru­
lega ekki minnst orði á þessa innri
þætti í árangurssögum miðlanna
þar sem hraði lýsislekans brýtur
hljóðmúrinn.
Þess vegna gleymist þessi ósýni­
legi árangur inni í okkur sem skiptir
svo miklu meira máli en sentimetrar
og grömm.
Að vera hreyfanlegri, með betra
þol og úthald þýðir að hjartað er
orðið skilvirkara, sem þýðir betra
blóðflæði, lægri blóðþrýstingur,
sterkari æðaveggir, og ergó = betri
heilsa.
Næst þegar þú skælir yfir að vigtin
haggist ekki þá vikuna, hugsaðu þá
um þessar varanlegu breytingar á
heilsunni sem eru svo miklu mikil­
vægari ástæða til að haldast í lífs­
stílnum.
Hefur þú efni á að kasta inn hand­
klæðinu og leggjast aftur í sukkið?
Kjúllabringur svo dýrar og kort í
ræktina óþarfa pjatt fyrst ég massast
ekki í drasl á fyrstu vikunum.
Þú vilt þá kannski frekar eyða þess­
um peningum í lyfjakostnað síðar? n
Greinar Röggu nagla má lesa á
heimasíðu hennar, ragganagli.word-
press.com. Þær verða einnig aðgengi-
legar, óritskoðaðar, lesendum DV.is.
Það sem enginn sér
Er árangurinn ósýnilegur? Ragnhildur Þórðar-
dóttir, betur þekkt sem Ragga nagli, bendir fólki á að
„ósýnilegur“ árangur skiptir máli. Það er því þess virði
að halda áfram og sleppa því að leggjast aftur í sukkið.
n Um hvað snýst lífsstíll þinn?
„Hefur þú efni á að kasta
inn handklæðinu og
leggjast aftur í sukkið?
og heilsu-
fagnaðarerindið
nagli
Ragga