Dagblaðið Vísir - DV - 03.05.2013, Side 2

2 Fréttir 3.–5. maí 2013 Helgarblað
Lagði sjúkdóminn að velli
n Menningarheimur geðsjúkra er fjölbreyttur
G
eðheilbrigðismál koma mér
við vegna þess að ég stríddi
sjálfur árum saman við þung­
lyndi og kvíða. Með mikilli
vinnu hefur mér tekist að leggja
sjúkdóminn að velli. Ferðalagið um
heim geðraskana var áhugavert,“ seg­
ir Hrannar Jónsson, nýkjörinn for­
maður Geðhjálpar. „Það sem fyrst og
fremst hjálpaði mér að ná bata var að
kynnast fólki sem glímdi við svipuð
vandamál og tjá mig um sjúkdóminn
við aðra.“
Ný stjórn Geðhjálpar var kosin
fyrir hálfum mánuði. Hrannar segir
að stjórnin sé að marka nýja stefnu
fyrir samtökin og það taki einhvern
tíma. Bág fjárhagsstaða stendur sam­
tökunum fyrir þrifum en félagið er
nokkuð skuldsett og framlög ríkis­
ins hafa lækkað undanfarin ár. Til
umræðu er að selja húsnæði sam­
takanna að Túngötu 7 í Reykjavík –
stórt og fallegt hús sem hentar starf­
seminni ekki lengur.
„Ég hef unnið mikið að málefnum
geðsjúkra síðastliðin fjögur ár. Þetta
er heillandi heimur. Það hefur mikið
verið rætt um geðsjúkdóma á nei­
kvæðum nótum þó viðhorf fólks til
geðsjúkra sé að verða jákvæðara með
aukinni fræðslu. Fólk áttar sig ekki á
því að þarna er heill menningarheim­
ur. Menningarheimur geðsjúkra sem
er bæði fjölbreyttur og áhugaverður.
Ef við berum okkur saman við aðra
hópa, til dæmis samkynhneigða og
alkóhólista, þá stöndum við í svip­
uðum sporum og þeir stóðu í fyrir
nokkrum áratugum – að endurskoða
hvernig við lítum á okkur sjálf. Við
getum lært af öðrum hvernig þeir
hafa skilgreint sjálfa sig og hvernig
þeir hafa snúið umræðunni sér í hag.
Mig langar til að Geðhjálp verði enn
sterkari og öflugri og að í framtíðinni
verði það ekki feimnismál að segja frá
því að maður hafi glímt við geðrask­
anir,“ segir Hrannar. n
johanna@dv.is
H
ann var mjög svekktur. Var
búinn að hlakka mikið til
og íhuga vel hvort hann ætti
að eyða öllum þessum pen­
ingum í þetta,“ segir Einar
Rögnvaldsson, faðir hins nýfermda
Einars Arnar sem hugðist kaupa
sér rafskutlu í Elko í Lindum fyr­
ir drjúgan hluta fermingarpeninga
sinna. Einar Örn greiddi fyrir skutl­
una í verslun síðastliðinn laugardag
en þegar feðgarnir komu á lagerinn
sama dag að sækja hana kom í ljós
aðeins voru til notuð eintök í þeim lit
sem hann vildi.
„Hann keypti nýja skutlu og það
áttu að vera til tvær á lager í bláu.
Við keyrðum svo niður í Sunda­
höfn til að sækja hana en þegar við
komum þangað kom í ljós að báðar
skutlurnar sem voru til voru notað­
ar.“
Einar segir báðar skutlurnar hafa
verið töluvert rispaðar, skítugar og
rafmagnslausar. Starfsmenn á lager­
num höfðu engar skýringar á því
af hverju skutlurnar voru notaðar
og vissu í raun ekkert hvað átti til
bragðs að taka.
Mygluð sundtaska í einu hólfi
Einar hringdi í verslunina og fékk
þær upplýsingar að drengurinn gæti
fengið aðra notuðu skutluna með
afslætti og nýja rafhlöðu. Einar Örn
var mjög spenntur fyrir skutlunni og
ákvað að láta sig hafa það þó hún liti
ekki út fyrir að vera alveg ný. Hann
valdi skutluna sem leit betur út og
feðgarnir fóru aftur í verslunina til
að fá afsláttinn sem þeim var lof­
aður, sem og nýja rafhlöðu. Þegar
þeir komu í verslunina kom í hins
vegar í ljós að starfsmenn þar höfðu
ekki heimild til þess að gefa afslátt,
skipta út rafhlöðunni eða endur­
greiða hjólið.
„Við nánari skoðun á hjólinu
kom svo í ljós að það var frekar illa
farið og meðal annars var mygluð
sundtaska í einu farangurshólfi þess
og gras í öðru. Það varð því úr að við
skildum hjólið eftir og okkur lofað
að samband yrði haft við okkur eftir
helgi,“ segir Einar.
Fékk ekki endurgreitt strax
Á mánudaginn var svo hringt frá
Elko og drengnum boðið sýningar­
eintak með afslætti, en það leit mun
betur út en notuðu skutlurnar. Þegar
hann hugðist prófa skutluna kom
hins vegar í ljós að kveikjan virkaði
ekki og því ekki hægt að koma henni
í gang.
Þá var þeim feðgum nóg boðið
og eftir þessar hrakfarir ákváðu þeir
að óska frekar eftir því að fá skutl­
una endurgreidda en að taka not­
aða skutlu eða skutlu sem þyrfti að
byrja á því að gera við. „Þá var það
ekki hægt því þeir borga ekki út pen­
inginn heldur leggja þeir inn á reikn­
ing.“ Einar gerir ekki ráð fyrir öðru
en að fá skutluna endurgreidda en
finnst þetta óþarflega mikið vesen.
„Þetta er bróðurparturinn af ferm­
ingarpeningum stráksins og hann
hefði auðvitað bara viljað fá pen­
inginn strax aftur.“
Var farinn að keyra í huganum
Einar bendir á að þetta hafi kostað
þá feðga mikið umstang fyrir utan
svekkelsið og vonbrigðin sem son­
ur hans upplifði. Hann segist hafa
þurft að tala hann inn á það að bíða
frekar í nokkrar vikur eftir nýrri
sendingu heldur en að sætta sig við
skutlu sem var í slæmu ásigkomu­
lagi. „Hann var farinn að keyra í hug­
anum og búinn að búa sér til afsak­
anir fyrir því að það væri allt í lagi.
Þetta myndi ekki skipta neinu máli.“
Einar tekur þó fram að það sé alls
ekki við starfsmenn verslunarinnar
að sakast, þeir hafi reynt að gera sitt
besta. „Starfsmennirnir voru mjög
almennilegir en þeir bara höfðu ekki
leyfi til að gera neitt. Og það virtist
ekki vera hægt að kalla til neinn,
hvorki á laugardaginn né á mánu­
daginn.“
Einar Örn bíður ennþá eft­
ir að eignast nýja skutlu en hann er
ákveðinn í að kaupa hana ekki hjá
Elko. „Ég var mjög svekktur,“ segir
hann aðspurður út í atburðarásina.
„Mér brá alveg svakalega og ákvað
eiginlega strax að taka skutluna ekki,
en þegar ég frétti að það væri hægt
að skipta um rafhlöðu og fá afslátt þá
ætlaði ég að skipta um skoðun.“
Fyrir mistök á lagernum
Sófus Hafsteinsson, verslunarstjóri
í Elko í Lindum, segir í samtali við
DV að Elko selji í raun bæði nýjar og
notaðar vörur. Verslunin bjóði upp
á 30 daga skilafrest og viðskiptavin­
ir geti því prófað vöruna og skilað
henni ef þeim líkar hún ekki. Vör­
ur sem koma aftur inn í verslunina
þannig eiga hins vegar að fara á svo­
kallaðan B­lager.
„Fyrir mistök hafa farið tvær
skutlur af B­lagernum niður á
Bakka sem nýjar vörur,“ segir Sóf­
us sem hefur engar skýringar á því
hvernig það gerðist. Hann tekur
fram að slíkt eigi ekki að gerast og
harmar mistökin. n
n Svekktur fermingardrengur ætlaði að sætta sig við notaða skutlu
Notuð skutla
seld sem ný
Sólrún Lilja Ragnarsdóttir
blaðamaður skrifar solrun@dv.is
„Við nánari skoðun
á hjólinu kom svo í
ljós að það var frekar illa
farið og meðal annars
var mygluð sundtaska í
einu farangurshólfi þess
og gras í öðru.
Svekktur vegna
skutlunnar Einar
Örn borgaði drjúgan
hluta af fermingar-
peningunum sínum
fyrir skutluna og var
því mjög svekktur
þegar í ljós kom að
hún var bæði skítug
og rispuð.
Eldri borgarar
skora á Alþingi
Kjaranefnd Félags eldri borgara í
Reykjavík skorar á Alþingi að leið­
rétta ný lög um greiðsluþátttöku
vegna lyfjakaupa þannig að mjög
mikilvæg lyf, sem áður hafa verið
gjaldfrjáls, verði áfram gjaldfrjáls.
Kjaranefnd bendir til dæmis á
glákulyf, sykursýkislyf, geðrofslyf,
krabbameinslyf, Parkinsonslyf,
flogaveikilyf og lyf við sjögren í
þessu samhengi.
Lögin taka gildi á laugardaginn
en tilgangur þeirra er að lækka lyf­
jakostnað þeirra sem nota mikið
af lyfjum á kostnað þeirra sem
nota lítið af þeim.
Skorar kjaranefnd á Alþingi
að breyta nýju lögunum um
greiðsluþátttöku á þennan hátt.
Einnig leggur nefndin áherslu á að
komið verði til móts við aldraða
öryrkja og láglaunafólk sem á í
erfiðleikum með að leysa út lyf sín
þegar nýja greiðsluþátttökukerfið
tekur gildi. Ekki nægir að heimila
afborganir samkvæmt nefndinni.
Reiknings-
heili slapp
Máli slitastjórnar Kaupþings gegn
Steingrími Páli Kárasyni, fyrr­
verandi yfirmanni áhættustýringar
bankans, var vísað frá dómi í
Héraðs dómi Reykjavíkur á fimmtu­
dag.
Slitastjórnin fór fram á að Stein­
grímur endurgreiddi milljarðs
króna lán sem veitt var 25. mars
2008, en þar að auki vildi stjórnin
fá 99 milljóna króna greiðslu frá
honum. Steingrímur notaði láns­
féð til þess að kaupa hlutabréf fyrir
822 milljónir. Árið 2008 skuldaði
hann bankanum alls 2.274 millj­
ónir króna. Fyrir dómi bar Stein­
grímur fyrir sig að lánið hafi verið
ólögmætt, þar sem það hafi verið
gengistryggt og að mál slitastjórn­
arinnar væri vanreifað. Á það féllst
dómarinn en fram kom að Stein­
grímur hafði ekki mikil völd inn­
an Kaupþings. Hann væri fyrst
og fremst stærðfræðisnillingur
og reikningsheili Kaupþings við
áhættustýringu bankans.
Ekki feimnismál „Ferðalagið um heim
geðraskana var áhugavert,“ segir formaður
Geðhjálpar.