Dagblaðið Vísir - DV - 24.01.2014, Blaðsíða 42
Helgarblað 24.–27. janúar 201434 Skrýtið
N
orbert Marot naut ekki vin-
sælda á meðal nágranna
sinni í Haut-de-la-Selle í
Montargis-sveitarfélaginu í
Frakklandi. Norbert var 65
ára og virtist hafa allt á hornum sér.
Nágranni úr helvíti, harðstjóri á heim-
ili sínu og grunnt á ofbeldishneigð og
ofsa.
Flestir voru þeirrar skoðunar að
Norbert ætti eftir að verða manns-
bani, en tíminn átti eftir að leiða í ljós
aðrar málalyktir.
Norbert átti ágætlega farsælt flutn-
ingafyrirtæki og stjórnaði rekstri þess
frá heimili sínu; einni af um 50 villum
á skógi vöxnu svæði. Hverri villu fylgdi
stór garður, um ein ekra að flatarmáli,
og háar girðingar umkringdu garðinn.
Íbúar í Haut-de-la-Selle höfðu reitt
fram miklar fúlgur fjár fyrir heimili sitt
og friðsæld og einangrun sem fylgdi
búsetu á svæðinu. En eitthvað skorti á
friðsældina.
Ónæði í morgunsárið
Þannig var mál með vexti að Norbert
fór á fætur við fyrsta hanagal, klukkan
6 nánar til tekið, og tók til starfa, með
tilheyrandi hávaða og ónæði fyrir ná-
grannana. Hann sinnti viðgerðum og
viðhaldi á flutningabílum fyrirtækis-
ins, umfelgaði og spúlaði og guð má
vita hvað.
Ef einhver dirfðist að kvarta vegna
þessa fékk sá hinn sami það óþvegið:
„Þú ert bölvaður skítaklepri! Gættu
þín bara, ég mun drepa þig.“
Einn nágranna hans óttaðist svo
um líf sitt að hann skildi ekki við sig
brúsa með piparúða, sem hægt var að
grípa til ef svo bæri undir.
Til að bæta gráu ofan á svart þótti
Norbert sopinn góður og þá þótti
grönnum hans vænlegast að halda sig
fjarri.
Ógn á bak við luktar dyr
Ef nágrannar Norberts töldu sig eiga
illa ævi þá má til sanns vegar færa að
eiginkona hans, Jacqueline, bjó í víti –
og börnin þeirra fjögur.
Í 47 ára hjónabandi hafði
Jacqueline fengið að finna fyrir hnef-
um Norberts oftar en hún kærði sig
um að muna og fór það ekki fram hjá
neinum. Slíkt hið sama var að segja
um þrjár dætur hjónanna sem biðu
ekki boðanna og fluttu að heiman eins
fljótt og þeim var auðið.
Sonur hjónanna, Pascal, 44 ára, var
ekki svo lánsamur; hann bjó heima,
vann fyrir föður sinn og var iðulega
laminn og niðurlægður.
En að lokum fór svo að hann fékk
sig fullsaddan og flutti í lítið þorp í
um níu kílómetra fjarlægð, en hélt
þó áfram störfum sínum hjá fyrirtæki
föður síns.
Og þá var Jacqueline ein eftir og
bar ein hitann og þungann af skapofsa
og drykkju eiginmanns síns.
Jacqueline fær nóg
Á haustmánuðum 2012 dró til tíðinda.
Trén í Haut-de-la-Selle voru farin að
fella lauf sín og Norbert hafði komið
sér fyrir á veröndinni með viskíflösku.
Venju samkvæmt hóf hann að kýta við
Jacqueline og venju samkvæmt lauk
þeim orðaskiptum með því að hann
barði hana krepptum hnefa í andlitið.
Jacqueline ákvað að leita skjóls
inni í svefnherbergi og fékk sér verkja-
töflur til að draga úr sársaukanum –
það hafði alla jafna gefið góða raun.
En eitthvað var öðruvísi í þetta
sinn og eftir að hafa legið fyrir í örfá-
ar mínútur stóð Jacqueline upp, fann
Beretta- skammbyssu Norberts og
hlóð hana. Síðan gekk hún reikulum
skrefum út á verönd þar sem Norbert
var að fylla glas sitt.
Sallaróleg miðaði hún og leypti af
þremur skotum; einu í höfuð Norberts
og tveimur í bringu hans. Að því loknu
hringdi hún í neyðarlínuna: „Hann
barði mig, svo ég skaut hann.“
Hengdi sig
Jacqueline var handtekin og gert að
vera í varðhaldi þar til réttað yrði í máli
hennar. Í varðhaldinu fékk hún þær
fregnir að sonur hennar, Pascal, hefði
fundist látinn á heimili sínu. Hann
hafði hengt sig nokkrum dögum áður
en Jacqueline banaði harðstjóranum.
Jacqueline bíður réttarhalda. n
„Hann barði mig,
svo ég skaut hann“
n Norbert stjórnaði með ógn n Eitthvað hlaut að bresta Heimili harðstjórans Á bak við luktar dyr ríkti
ógn og harðræði.„Þú ert bölvaður
skítaklepri! Gættu
þín bara, ég mun drepa þig.
Kyrkti óvart
fimmtugan
elskuhuga sinn
Sextán ára stúlka er í haldi
lögreglu í Glendale í Arizona í
Bandaríkjunum grunuð um að
hafa kyrkt fimmtugan elsku-
huga sinn í ógáti við ástaratlot.
Að sögn yfirvalda þar fannst
maðurinn með snúru vafða
um hálsinn og með fjölda
skurða víða um líkamann. Að
sögn stúlkunnar fóru samfar-
ir þeirra fram með vilja þeirra
beggja. Atvikið átti sér á heim-
ili móður stúlkunnar.
Skvetti sýru á
vinkonu sína
Mary Kony skvetti sýru í andlit
bestu vinkonu sinnar. Ástæðan var
sú að vinkonan, Naomi Oni, hafði
gantast með það að Kony væri eins
og persóna úr hryllingsmynd. Á
fimmtudag var Kony, sem er aðeins
21 árs, dæmd fyrir hrottafengna
árás. Ákvörðun um refsingu hennar
hefur ekki verið tekin, en hún mun
hafa verið afar róleg og svipbrigða-
laus þegar dómurinn var kveðinn
upp. Naomi Oni er illa farin eft-
ir sýruárásina og mun aldrei bera
þess bætur. Hún hefur þurft að fara
í margar aðgerðir og mun þurfa að
gangast undir fleiri í framtíðinni til
að reyna að laga þann skaða sem
sýran olli.