Dagblaðið Vísir - DV - 24.01.2014, Blaðsíða 44
Helgarblað 24.–27. janúar 201436 Sport
Þ
að eru mjög margir sem
koma jákvætt frá þessu
móti,“ segir Óskar Bjarni
Óskarsson, handknattleiks-
þjálfari hjá Val og fyrrver-
andi aðstoðarlandsliðsþjálfari, um
íslenska liðið sem leikur um 5. sæti
á Evrópumótinu í handknattleik.
Óhætt er að segja að árangurinn sé
viðunandi enda var óvíst um þátt-
töku nokkurra gæðaleikmanna áður
en mótið hófst. Auk þess hafa nokkr-
ar breytingar orðið á liðinu á undan-
förnum árum. „Ég var eiginlega svo-
lítið svartsýnn fyrir mót. Ekki að ég
hefði ekki trú á strákunum heldur
var þetta meira spurning um hvern-
ig meiðslastaðan yrði hjá okkur. Mér
finnst því þetta mót hafa spilast mjög
vel.“
Býr mikið í strákunum
„Ég var skíthræddur fyrir leikinn á
móti Norðmönnum,“ segir Óskar
Bjarni en íslenska liðið sigraði Norð-
menn sannfærandi í fyrsta leik riðils-
ins. „Það hafa alltaf verið hörkuleik-
ir á móti þeim. Þetta gat alveg farið
á þann veg að við færum ekki upp úr
riðlinum.
Eftir á að hyggja þá situr leikurinn
við Spánverja dálítið í manni, sem er
sérstakt. Það var mikill möguleiki þar
og það býr mikið í þessum strákum.
Spánverjarnir höfðu ekki verið sann-
færandi, þótt það sé aldrei að vita
með þá,“ segir Óskar Bjarni sem hef-
ur fulla trú á íslensku leikmönnun-
um.
Alltaf áhyggjur
við kynslóðaskipti
„Ef okkur hefði verið boðið að spila
um 5. sætið fyrir mót þá hefðu flest
allir samþykkt það,“ segir Óskar
Bjarni sem hefði þegið það með
þökkum fyrir mót. „Staðan var
erfið og undirbúningurinn var það
sömuleiðis. Það hefur oftar en ekki
hentað okkur illa. Við höfum þurft
tíma til þess að slípa liðið saman.
Þegar hver kynslóð hefur hætt
höfum við alltaf haft miklar áhyggj-
ur, en einhvern veginn höfum við
alltaf siglt ágætlega í gegnum það,“
segir hann og kvíðir ekki framtíð-
inni. „Við erum með Guðjón Val sem
er besti hornamaður í heiminum og
síðan erum við með Aron sem er að
mínu mati einn besti handbolta-
maður heims. Með þessa tvo eru
alltaf möguleikar.“
Kominn tími á nýja vörn
„Mótið er búið að spilast mjög
vel,“ segir Óskar Bjarni. Hann segir
að kominn sé tími til að æfa fleiri
varnarútfærslur til þess að eiga auð-
veldara með að mæta mótherjanum
hverju sinni. „Það er kominn tími á
nýja vörn og ég er viss um að þjálf-
ararnir eru sammála mér. Þeir sem
stjórna hópnum núna eru miklir fag-
menn og gera það vel. Liðið er í góð-
um höndum.“
Óskar Bjarni segir þjálfarana hafa
gert frábæra hluti með liðið og hrós-
ar Guðjóni Val, fyrirliða liðsins, sér-
staklega fyrir frábæra frammistöðu
og ekki síst fyrir að hafa tekið við sem
nokkurs konar „andlegur leiðtogi“
liðsins eftir að Ólafur Stefánsson
lagði skóna á hilluna.
„Guðjón er eins og gott rauð-
vín. Hann verður bara betri og jafn-
vel fljótari með hverju árinu,“ segir
Óskar Bjarni kíminn að lokum. n
Guðjón eins og gott rauðvín
n Íslenska liðið leikur um 5. sætið á EM n Fínn árangur þrátt fyrir meiðsli og breytingar
Tölfræði
NR. NAFN MÖRK SKOT NÝTING 2 MÍN SPILAÐAR MÍN.
2. Vignir Svavarsson 3 4 75% 2 91
3. Kári Kristjánsson 2 4 50% 1 44
4. Aron Pálmarsson 23 43 53% 1 158
6. Ásgeir Örn Hallgrímsson 27 47 57% 1 289
7. Arnór Atlason 6 16 38% 0 68
8. Þórir Ólafsson 12 18 67% 1 210
9. Guðjón Valur Sigurðsson 44 57 77% 0 359
10. Snorri Steinn Guðjónsson 11 23 48% 1 165
13. Ólafur Guðmundsson 10 20 50% 1 109
14. Arnór Þór Gunnarsson 1 2 50% 0 63
17. Sverre Jakobsson 0 0 0 6 133
18. Róbert Gunnarsson 11 15 73% 2 125
19. Rúnar Kárason 15 28 54% 2 166
22. Stefán Rafn Sigurmannsson
26. Bjarki Már Gunnarsson 2 3 67% 3 125
27. Gunnar Steinn Jónsson 4 10 40% 1 64
SAMTALS 171 290 59% 22
Markmenn
NR NAFN SKOT MARKVARSLA
1. Björgvin Páll Gústavsson 61/204 30%
12. Aron Rafn Eðvarðsson 14/42 33%
Tölfræði er fengin af opinberri heimasíðu Evrópumótsins.
Þrír bestu leikmenn Íslands á mótinu
Óskar Bjarni segir sitt álit:
1 Guðjón Valur Sigurðsson „Guðjón er með stórkostalega nýt-
ingu. Hann hefur alltaf skorað mjög mikið,
en hann hefur verið með enn betri nýtingu
núna. Góður leiðtogi.“
2 Bjarki Már Gunnarsson „Bjarki kom rosalega sterkur inn
í vörnina.
Hann hefur
stærðina og
fótavinnuna
og jók
breiddina
til muna
varnarlega.“
3 Ásgeir Örn Hallgrímsson „Ásgeir spilaði einfaldlega frábær-
lega.“
Ingólfur Sigurðsson
ingolfur@dv.is
Leikurinn um 5. sæti
Ísland - Pólland
Herning, Í dag, föstudag, klukkan 15.00 í
beinni útsendingu á RÚV
Kappsamur á
hliðarlínunni
Óskar Bjarni er
ánægður með
frammistöðu Íslands
á EM í Danmörku.
MyNd HANdBOLTI.ORG
Framtíðin björt Íslenska liðið
hefur staðið sig með mikilli prýði á
Evrópumótinu.