Dagblaðið Vísir - DV - 24.01.2014, Blaðsíða 35
Helgarblað 24.–27. janúar 2014 Karlmenn 7
Gauti Már gefur ráð um mataræði
„Mikilvægt að menn séu duglegir og óhræddir við að prófa sig áfram með mat“
G
auti Már Rúnarsson er fimm-
faldur Íslandsmeistari í
vaxtarrækt í –80 kílóa flokki
karla og þrefaldur Íslands-
meistari í fitness karla frá því að
hann keppti fyrst fyrir 20 árum,
auk annarra titla. Hann kveðst hafa
stundað lyftingar í um 27 ár eða frá
því hann var 14 ára og fyrsta líkams-
ræktarstöðin var opnuð á Dalvík.
Gauti svaraði nokkrum spurn-
ingum blaðamanns um mataræði
sitt og hvað hann borðar til þess
að halda sér í formi. Hann segir
mataræði sitt vera nokkuð breyti-
legt yfir árið. „Það kemur tímabil
þar sem ég er ekkert mikið að
stressa mig á hlutunum en stærsta
hluta ársins er mataræðið í föst-
um skorðum.“ Gauti hefur reynslu
af því að prófa mismunandi matar-
æði og er í dag hrifnastur af keto-
genísku mataræði. „Síðastliðin ár
hef ég prófað margar og mjög ólík-
ar nálganir varðandi næringu til að
finna út á hvaða mataræði skrokk-
urinn funkerar best. Í undirbún-
ingi fyrir síðasta mót borðaði ég til
dæmis einungis eina máltíð á sól-
arhring, fastaði í 22 klukkustundir.
Hún var að vísu nokkuð stór en ég
er einna hrifnastur af þessu fyrir-
komulagi, eins ótrúlegt og það kann
að hljóma. Eins og ég set mataræðið
upp fyrir mót þá er ég að fá flestar
hitaeiningar úr fitu, en mjög fáar
úr kolvetnum en það kallast keto-
genískt mataræði og er það sem
ég hef fundið út að virkar best fyrir
mig. Að mínum dómi er mikilvægt
að menn séu duglegir og óhræddir
við að prófa sig áfram með matinn
til að finna út hvað hentar hverjum
og einum því engir tveir eru eins.“
Gauti gefur körlum sem eru að
stiga fyrstu skrefin í líkamsrækt ráð
um smáar og skynsamar breytingar
á mataræði. „Ég held að flestir viti
nú orðið hvað má og má ekki varð-
andi mataræðið. Helsta ráðið held
ég að sé að vera ekki að kúvenda
öllu á einu bretti heldur gera smáar
og skynsamlegar breytingar jafnt og
þétt. Það er, taka út sykur og hveiti og
færa sig yfir í sem minnst eða alger-
lega óunna matvöru, til að mynda
ávexti, grænmeti, kjöt og fisk.“
Að lokum segir Gauti mataræði
leika stórt hlutverk í líkamsrækt.
„Mataræðið á mjög stóran þátt í
þeim árangri sem menn ná í líkams-
rækt, úr því þurfum við að fá öll þau
næringarefni sem líkaminn þarfn-
ast til að uppbygging geti átt sér stað
ásamt því að gefa okkur þá orku sem
þarf til að æfa af krafti.“ n
erlak@dv.is
G
uðmundur Jörundsson fata-
hönnuður hefur vakið mikla
athygli en verslun hans í
miðbæ Reykjavíkur er full
af hönnun hans. Hann reið
á vaðið með herrafatnað en í haust
bættist dömudeild við í versluninni.
Hvað segir Guðmundur annars al-
mennt um herratískuna í dag? „Það er
meira um jakkaföt núna en hefur ver-
ið; það þykir fínna að vera í jakkaföt-
um. Karlar eru auk þess meðvitaðri
um tískuna og vilja fylgjast með.“
Jakkaföt? Hvers vegna eru þau „in“
eins og sumir myndu segja? „Þetta er
bara tímabil; tíðarandinn. Bíómynd-
ir hafa áhrif. Þetta byrjaði með sixtís
stemmingu.“
Fer aðrar leiðir
JÖR er merki Guðmundar Jörunds-
sonar og verslunin hans heitir einfald-
lega JÖR.
Guðmundur hjá JÖR viðurkennir
að hann fari aðrar leiðir en margir aðr-
ir hönnuðir. „Flest tískuhús starfa þó
eins – eru með hönnunarteymi.“ Guð-
mundur er með hönnunarteymi enda
er JÖR tískuhús.
Laxableik jakkaföt voru á meðal
þeirra jakkafata sem héngu uppi í
versluninni í fyrrasumar. „Við erum
líka með úrval af klassískum fötum
en alltaf með eitthvað öðruvísi til að
brjóta upp.“
Innblásinn af fangelsisfatnaði
Röndótt föt einkenna vetrarlínuna í
herrafatnaðinum. „Ég var mikið að
skoða fangelsisfatnað; þetta er allt
röndótt – svart og hvítt. Það var aðal-
innblásturinn.“ Hann nefnir líka alls
konar mynstur en það sem kveikti
hugmyndir voru til dæmis gólfflísar og
ýmis geómetrísk form.
„Það er misjafnt eftir línum á hvað
ég legg áherslu. Ég safna fyrst og
fremst myndum héðan og þaðan. Ég
bý til einhvern heim. Þetta geta verið
myndir af byggingum, þetta geta ver-
ið bækur, tónlist eða hvað sem er. Fyrir
þessa línu var það meðal annars fang-
elsisfatnaður og gólfflísar.“
Hann talar um heim. Jörheim.
Hvernig er sá heimur? „Ég held að það
sé sterk formalímynd. Við erum mikið
með jakkaföt og fínni fatnað og ég held
að hann sé fyrst og fremst töffaralegur
eða kúl. Karlmannlegur.“
Hör, bambus og silki
Guðmundur segir það hafa áhrif á
hvern og einn að ganga í fallegum og
vönduðum fötum.
„Þetta er bara tilfinningin; fólk
sem hefur áhuga á lífinu vill kaupa
sér vandaðan fatnað og er ekki í
hverju sem er. Það er erfitt að útskýra
þetta. Það er skemmtilegra að versla
við merki sem einhver vinna og hug-
myndir eru á bak við; eitthvað sem er
ekki bara maskína. Fjöldaframleitt.
Mönnum líður vel ef þeir eru í falleg-
um fötum; alveg eins og manni líður
vel eftir að hafa baðað sig.“
Sólin er farin að hækka á lofti sem
þýðir að vorlínan frá JÖR er á næsta
leiti. Meðal annars verður lögð áhersla
á hör, bambus og silki. n
Svava Jónsdóttir
„Það er meira um
jakkaföt núna en
hefur verið.
Gauti Már Segir ketogenískt mataræði virka
best fyrir sig fyrir mót. Mynd Guðný ÁGústsdóttIr
Flestir telja eðli kvenna og karla
ólíkt og fjölbreytnin sé meiri inn-
an kyns en á milli kynja. Þó eru
staðalímyndir sterkar í íslensku
samfélagi.
Kristín Tómasdóttir, annar
höfundur bókarinnar, Strákar,
segist telja að helsta mýtan um
karlmenn felist í því að hægt sé
að stimpla þá í flokka sem þeir
passi inn í. Páll Óskar Hjálmtýs-
son segir stærstu mýtuna vera að
karlar geti ekki rætt um tilfinn-
ingar sínar.
Karlar geta gert
margt í einu
„Í raun tel ég að helsta mýtan
varðandi karlmenn felist í þeirri
trú fólks að hægt sé að stimpla
alla karlmenn
og allar
konur í
flokka
sem flest-
ir þeirra
passa inn
í. Karl-
menn eru
jafn ólíkir og
þeir eru margir og ógjörningur
að alhæfa um þá sem einn hóp.
Þessu til stuðnings get ég t.d. full-
yrt að margir karlmenn geti gert
margt í einu þó það vefjist fyrir
einhverjum þeirra líkt og það get-
ur gert hjá konum.“
Karlar eru ekki
tilfinningalausir!
„Ætli ég hafi ekki rekist oftast á
sleggjudóma í þá áttina að karl-
menn séu tilfinningalausir. Þarna
verð ég að vera hjartanlega ósam-
mála. Þeir karlmenn sem ég hef
verið svo heppinn að
kynnast í líf-
inu hafa
allir verið
drekk-
hlaðnir
tilfinn-
ingum.
Skiptir
kynhneigð-
in þá engu máli.
Þetta er sú mýta sem ég hef hnot-
ið um hvað oftast í lífinu. Og að
karlmenn geti ekki rætt tilfinn-
ingar sínar við hvern annan. Það
er öðru nær, mín upplifun er allt
önnur. Ég get ekki komið því í orð
hvað mér þykir vænt um karla út
af þessum hæfileika, að geta deilt
tilfinningum sínum.“
Mýtur um karla
Dalvegi 24 - 554 4884 - www.iess.is
Guðmundur Jörundsson maðurinn að baki JÖR fer aðrar leiðir í hönnun sinni
„Ég bý til
einhvern heim“
Meðvitaðri um tískuna
„Það er meira um jakkaföt núna
en hefur verið; það þykir fínna
að vera í jakkafötum. Karlar
eru auk þess meðvitaðri um
tískuna og vilja fylgjast með,“
segir Guðmundur.